अहमदाबाद: महाराष्ट्राचे उपमुख्यमंत्री आणि शिवसेनेचे मुख्य नेते एकनाथ शिंदे सध्या गुजरात दौऱ्यावर आहेत. या दौऱ्यादरम्यान त्यांच्या हेलिकॉप्टरमध्ये तांत्रिक बिघाड झाल्याची माहिती समोर आली आहे. वडनगरहून अहमदाबादला जाण्यापूर्वी हेलिकॉप्टरमध्ये काही तांत्रिक अडचण आढळून आली. त्यामुळे हेलिकॉप्टरचे उड्डाण रद्द करण्यात आले आणि शिंदे रस्तेमार्गे अहमदाबादच्या दिशेने रवाना झाले. (Eknath Shinde)
उपमुख्यमंत्री एकनाथ शिंदे गुरुवारी वडनगरमध्ये आयोजित कार्यक्रमासाठी उपस्थित होते. पंतप्रधान नरेंद्र मोदी यांच्या वाढदिवसानिमित्त आयोजित ‘सेवा संकल्प अभियाना'च्या कार्यक्रमात शिंदे सहभागी झाले. यावेळी केंद्रीय गृहमंत्री अमित शाह, गुजरातचे मुख्यमंत्री भूपेंद्र पटेल यांच्यासह अनेक नेते उपस्थित होते. वडनगरहून वाराणसीच्या दिशेने जाणाऱ्या बाइक रॅलीला देखील यावेळी हिरवा झेंडा दाखवण्यात आला. (Seva Sankalp Abhiyana)
मुंबई : मुंबईच्या रस्त्यांवरील वाहनांची वाढती संख्या पाहता १९३२ मध्ये बंद करण्यात आलेले मुंबई पोलिसांचे विशेष 'घोडदळ' (Mounted Unit) तब्बल ९२ वर्षांच्या ...
पुढील कार्यक्रमासाठी अहमदाबालाला जाणार होते
वडनगरमधील कार्यक्रम पूर्ण झाल्यानंतर शिंदे पुढील कार्यक्रमासाठी अहमदाबादला जाणार होते. त्यासाठी हेलिकॉप्टरची व्यवस्था करण्यात आली होती. मात्र, उड्डाण करण्यापूर्वी हेलिकॉप्टरमध्ये तांत्रिक अडचण असल्याचे लक्षात आले. त्यामुळे खबरदारीचा उपाय म्हणून हेलिकॉप्टरने प्रवास न करण्याचा निर्णय घेण्यात आला. त्यानंतर शिंदे कारने अहमदाबादच्या दिशेने रवाना झाले. ( Helicopter Technical Fault)
तांत्रिक बिघाड लक्षात येताच उड्डाण रद्द
या घटनेमुळे काही काळ हेलिकॉप्टर प्रवासाबाबत चर्चा झाली. मात्र, तांत्रिक बिघाड लक्षात येताच उड्डाण थांबवण्यात आल्याने शिंदे यांचा पुढील प्रवास रस्तेमार्गे करण्यात आला. अहमदाबादमधील नियोजित कार्यक्रमासाठी ते कारने रवाना झाल्याची माहिती आहे.