Nashik Earthquake : नाशिक जिल्ह्यातील सुरगाणा तालुक्यात शुक्रवारी सायंकाळी भूकंपाचे सौम्य धक्के जाणवले. डांगराळे, शिंदे, रोकडपाडा आणि आसपासच्या परिसरातील नागरिकांना हे धक्के जाणवल्याची माहिती तहसीलदार रामजी राठोड यांनी दिली. अचानक जाणवलेल्या या धक्क्यांमुळे काही काळ नागरिकांमध्ये भीतीचे वातावरण निर्माण झाले.
3.3 रिश्टर स्केलचा भूकंप
राष्ट्रीय भूकंपशास्त्र केंद्राच्या (National Seismological Center) नोंदीनुसार, 18 सप्टेंबर रोजी सायंकाळी 7 वाजून 10 मिनिटांच्या सुमारास भूकंपाची नोंद झाली. या भूकंपाची तीव्रता 3.3 रिश्टर स्केल इतकी होती. भूकंपाचे केंद्र जमिनीखाली सुमारे 4 किलोमीटर खोलीवर असल्याचे नोंदवण्यात आले आहे. हे ठिकाण नाशिकपासून अंदाजे 53 किलोमीटर अंतरावर असून शिंदे आणि रोकडपाडा परिसराच्या जवळ असल्याचे सांगण्यात आले. (Nashik Earthquake News)
Nashik : गणपती विसर्जनासाठी गेलेल्या दोन 17 वर्षीय विद्यार्थ्यांचा मोसम नदीच्या बंधाऱ्यात बुडून दुर्दैवी मृत्यू झाला. नामपूर येथील एका खासगी कोचिंग ...
सुदैवाने कोणतीही हानी नाही
भूकंपाची तीव्रता कमी असल्याने सुदैवाने कोणतीही जीवित किंवा वित्तहानी झाल्याचे समोर आलेले नाही. प्रशासनाकडून परिस्थितीवर लक्ष ठेवण्यात येत आहे. दरम्यान, नागरिकांनी घाबरून न जाता सतर्क राहावे आणि सोशल मीडिया किंवा इतर माध्यमातून पसरवल्या जाणाऱ्या अफवांवर विश्वास ठेवू नये, असे आवाहन प्रशासनाकडून करण्यात आले आहे.