नागोया (जपान) : आशियाई क्रीडा स्पर्धा २०२६ च्या मोहिमेची भारतीय पुरुष हॉकी संघाने अत्यंत दणदणीत आणि ऐतिहासिक विजयाने सुरुवात केली आहे. 'पूल ए' अंतर्गत गिफू प्रीफेक्चरल ग्रीन स्टेडियमवर खेळल्या गेलेल्या सामन्यात भारताने इंडोनेशियाचा तब्बल १३-१ अशा मोठ्या फरकाने पराभव केला. भारताच्या या विजयात एकूण आठ वेगवेगळ्या खेळाडूंनी गोल करत संपूर्ण सामन्यात आपले वर्चस्व सिद्ध केले, ज्यामध्ये स्टार खेळाडू दिलप्रीत सिंगने सर्वाधिक चार गोल करत सामन्याचे मैदान गाजवले.(India vs Indonesia hockey)
Raipur : गणेशोत्सव म्हटलं की बाप्पाच्या आकर्षक मूर्ती, सुंदर सजावट आणि भक्तांचा उत्साह पाहायला मिळतो. यंदा छत्तीसगडमधील रायपूर येथील एका आगळ्यावेगळ्या ...
पहिल्या दोन क्वार्टरमध्ये भारताचे एकतर्फी वर्चस्व
सामन्याची सुरुवात झाल्यापासूनच भारतीय संघाने आक्रमक पवित्रा घेतला. सहाव्या मिनिटाला शिलानंद लाक्राने गोल करत भारताचे खाते उघडले (१-०). यानंतर १२ व्या मिनिटाला अभिषेकने आणखी एक गोल करून भारताची आघाडी दुप्पट केली. इंडोनेशियाच्या गोलरक्षकाने सुरुवातीला काही प्रयत्न हाणून पाडले तरी भारताचा दबाव कायम राहिला, ज्यामुळे पहिल्या क्वार्टरअखेर भारताकडे २-० अशी आघाडी होती.
दुसऱ्या क्वार्टरमध्ये भारतीय खेळाडूंनी गोलचा पाऊस पाडला. दिलप्रीत सिंगने अवघ्या दोन मिनिटांत (१८ व्या आणि १९ व्या मिनिटाला) सलग दोन गोल करत धावसंख्या ४-० केली. त्यानंतर लगेचच १९ व्या मिनिटाला राजिंदर सिंगने, तर २१ व्या मिनिटाला मनदीप सिंगने गोल नोंदवला. हाफ टाईमपूर्वी २८ व्या मिनिटाला कर्णधार हरमनप्रीत सिंगने पेनल्टी कॉर्नरवर अचूक गोल साधत मध्यंतरापर्यंत भारताची आघाडी ७-० अशी भक्कम केली.(India vs Indonesia hockey)
मुंबई : लहान मुलांना खोकल्याची औषधं देण्याबाबत केंद्र सरकारकडून अधिक खबरदारी घेतली जात आहे. चार वर्षांखालील मुलांना खोकल्याचं सिरप देण्यापासून ...
तिसऱ्या आणि चौथ्या क्वार्टरमध्ये गोलचा सिलसिला कायम
तिसऱ्या क्वार्टरच्या सुरुवातीला इंडोनेशियाने पुनरागमन करण्याचा प्रयत्न केला. ३३ व्या मिनिटाला औलिया अल अर्ध्याने पेनल्टी कॉर्नरद्वारे इंडोनेशियासाठी पहिला आणि एकमेव गोल केला (७-१). मात्र, भारताने तात्काळ प्रत्युत्तर देत ३५ व्या मिनिटाला शिलानंद लाक्राचा दुसरा गोल नोंदवला. त्यानंतर ३७ व्या मिनिटाला दिलप्रीत सिंगने शानदार गोल करत आपली हॅट-ट्रिक पूर्ण केली, तर ३८ व्या मिनिटाला सुखजीत सिंगने आणखी एक गोल करून तिसऱ्या क्वार्टरच्या अखेरीस भारताला १०-१ अशी अजेय आघाडी मिळवून दिली.(India vs Indonesia hockey)
नागोया (जपान) : आशियाई क्रीडा स्पर्धेतील नेमबाजीच्या मोहिमेची भारताने दमदार सुरुवात केली असून, स्पर्धेच्या पहिल्याच दिवशी 'आयची प्रीफेक्चरल जनरल ...
शेवटच्या चौथ्या क्वार्टरमध्येही भारतीय आक्रमकतेत कोणतीही कमतरता आली नाही. ४७ व्या मिनिटाला जुगराज सिंगने पेनल्टी कॉर्नरवर गोल केला. पाठोपाठ ४८ व्या मिनिटाला सुखजीत सिंगने आपला दुसरा गोल केला, तर ४९ व्या मिनिटाला दिलप्रीत सिंगने सामन्यातील आपला वैयक्तिक चौथा आणि संघाचा तेरावा गोल नोंदवून विजय निश्चित केला. इंडोनेशियाच्या संघाने शेवटच्या मिनिटांत चेंडूवर ताबा ठेवण्याचा प्रयत्न केला, मात्र भारतीय बचावफळीने त्यांना कोणतीही संधी दिली नाही.(India vs Indonesia hockey)
मुंबई: मुंबईमध्ये अपघाताचे सत्र पाहायला मिळत आहेत. कोस्टल रोडवर भरधाव BMW कारच्या भीषण अपघातानंतर दहिसर पूर्वेतही अपघाताची घटना समोर आली आहे. शनिवारी ...
पुढील सामना:
इंडोनेशियाविरुद्धचा हा दणदणीत विजय मिळवल्यानंतर भारतीय पुरुष संघ आता आगामी २२ सप्टेंबर रोजी आपल्या पुढील सामन्यात श्रीलंका संघाचा सामना करणार आहे.(India vs Indonesia hockey)