याप्रकरणी बोलताना त्यांनी राज्य सरकारवर आणि विशेषतः मंत्री मंगलप्रभात लोढा यांच्यावर गंभीर आरोप केले आहेत. आझाद मैदानावर झालेल्या आंदोलनादरम्यान जैन समाजाला कबुतरांच्या प्रश्नी न्याय मिळवून देण्याचे आश्वासन देण्यात आले होते, मात्र अद्यापही पायधुनी येथील गोडीजी पार्श्वनाथ जैन मंदिरासह शहरातील सर्व कबुतरखान्यांमधील दाणा-पाणी बंद आहे. मंत्री मंगलप्रभात लोढा हे जाणीवपूर्वक जैन समाजाचा आवाज दाबण्याचे काम करत असल्याचा आरोप त्यांनी केला आहे.
येत्या काळात हे कबुतरखाने पूर्ववत सुरू न झाल्यास गोडीजी मंदिरासमोर भव्य आंदोलन आणि आमरण उपोषण केले जाईल, असा इशारा त्यांनी दिला. या संपूर्ण प्रकरणाची माहिती मुख्यमंत्री देवेंद्र फडणवीस यांना पत्र लिहून दिली जाणार असून, त्यानंतरही ठोस निर्णय न झाल्यास आंदोलन आणखी तीव्र करण्यात येईल, असे मुनी निलेशचंद्र महाराज यांनी स्पष्ट केले आहे.