Nandurbar Ganesh Visarjan 2026 : नंदुरबारमध्ये गणेश विसर्जन मिरवणुकीला सुरुवात, ‘हरिहर भेटी’कडे भाविकांचे लक्ष

Nandurbar Ganesh Visarjan 2026 : नंदुरबार शहरातील गणेश विसर्जन मिरवणुकीला सकाळपासून उत्साहात सुरुवात झाली आहे. प्रथम मानाचा गणपती म्हणून ओळखल्या जाणाऱ्या दादा गणपतीच्या रथाचे पारंपरिक पद्धतीने दोरीने ओढून विसर्जन मिरवणुकीला प्रारंभ करण्यात आला. शहरातील विविध भागांतून मिरवणूक मार्गस्थ होत असून, ठिकठिकाणी भाविकांकडून दादा गणपतीची पूजा आणि आरती केली जात आहे.



पारंपरिक ‘हरिहर भेटी’कडे भाविकांचे लक्ष


नंदुरबारच्या गणेशोत्सवातील प्रमुख आकर्षण असलेल्या दादा आणि बाबा गणपतीच्या पारंपरिक ‘हरिहर भेटी’कडे आता भाविकांचे लक्ष लागले आहे. रात्री बाराच्या सुमारास ही भेट होण्याची शक्यता व्यक्त केली जात आहे. यंदा नंदुरबार जिल्ह्यात पावसाचे प्रमाण कमी असल्याने दुष्काळाचे सावट निर्माण झाले आहे. त्यामुळे गणेशभक्तांकडून पाऊस पडू दे आणि दुष्काळाचे संकट दूर होऊ दे, अशी प्रार्थना गणरायाच्या चरणी केली जात आहे. नंदुरबारमध्ये दादा आणि बाबा गणपतीच्या सार्वजनिक स्थापनेची परंपरा जुनी असून, लोकमान्य टिळकांनी सार्वजनिक गणेशोत्सवाला सुरुवात करण्यापूर्वीपासून ही परंपरा सुरू असल्याचे सांगितले जाते. विशेष म्हणजे, काळ्या मातीपासून कोणताही साचा न वापरता मंडळाच्या कार्यकर्त्यांकडून या गणेशमूर्ती साकारल्या जातात.त्यामुळे या मूर्ती नंदुरबारकरांच्या श्रद्धेचे विशेष केंद्र बनल्या आहेत.






हलगीच्या तालावर नेत्यांनीही धरला ठेका


दरम्यान, दादा गणपतीच्या रथ ओढण्याच्या सोहळ्यात विविध राजकीय पक्षांचे नेतेही सहभागी झाले. माजी खासदार डॉ. हिना गावित, जिल्हा परिषदेच्या माजी अध्यक्षा सुप्रिया गावित, शिवसेनेचे जिल्हाप्रमुख राम रघुवंशी यांच्यासह सर्वपक्षीय नेत्यांची उपस्थिती पाहायला मिळाली. गणेश विसर्जन मिरवणुकीदरम्यान माजी खासदार डॉ. हिना गावित यांनी आपल्या बहीण सुप्रिया गावित यांच्यासोबत हलगीच्या तालावर पारंपरिक पद्धतीने नृत्य केले. नंदुरबारच्या विसर्जन मिरवणुकीतील प्रसिद्ध पाच पावली’ नृत्याने उपस्थितांचे विशेष लक्ष वेधून घेतले.



पोलीस प्रशासनाकडून कडक बंदोबस्त


पारंपरिक वेशभूषा, ढोल-ताशे, हलगी आणि ‘पाच पावली’च्या तालावर गणेशभक्त आणि कार्यकर्त्यांमध्ये उत्साहाचे वातावरण निर्माण झाले आहे. ठिकठिकाणी गणरायाची आरती आणि पूजा केली जात असून, मिरवणूक हळूहळू पुढे सरकत आहे. गणेश विसर्जन मिरवणुकीच्या पार्श्वभूमीवर पोलीस प्रशासनाकडून कडक बंदोबस्त ठेवण्यात आला आहे.तसेच ध्वनिप्रदूषण होऊ नये यासाठी प्रशासनाकडून विशेष लक्ष दिले जात आहे.

Comments
Add Comment

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली

पाणीटंचाईग्रस्त गावांना टँकरद्वारे तातडीने पाणीपुरवठा करा, मंत्री गुलाबराव पाटील यांचे निर्देश

राज्यात संभाव्य दुष्काळसदृश परिस्थितीचे सावट लक्षात घेता राज्य सरकार आता अलर्ट मोडवर आले आहे. ज्या गावांमध्ये

IAS officers Transfers : राज्यातील चार वरिष्ठ सनदी अधिकाऱ्यांच्या बदल्या

मुंबई: राज्य शासनाने शुक्रवारी (२० नोव्हेंबर) चार वरिष्ठ सनदी अधिकाऱ्यांच्या (IAS) बदल्यांचे आदेश जारी केले.

Revenue Department : दोन लाखांवरील रोख व्यवहारांची माहिती आता आयकर विभागाला जाणार, महसूल विभागाचा निर्णय

मुंबई : जमीन किंवा मालमत्तेच्या खरेदी-विक्री व्यवहारात दोन लाख रुपये किंवा त्यापेक्षा अधिक रक्कम रोखीने दिल्यास