सिक्कीम : सिक्कीममध्ये गेल्या काही दिवसांपासून सुरू असलेल्या मुसळधार पावसामुळे अनेक भागांमध्ये परिस्थिती गंभीर झाली आहे. पश्चिम सिक्कीममधील ग्यालशिंग जिल्ह्यातील रिम्बी गावात मोठे भूस्खलन झाले आहे. डोंगरावरून मोठ्या प्रमाणात चिखल, दगड आणि माती खाली आल्याने गावातील अनेक घरांचे नुकसान झाले. या घटनेत सात घरे आणि वीज विभागाच्या सहा निवासस्थानांना मोठा फटका बसला आहे. काही घरे ढिगाऱ्यासोबत वाहून गेल्याची माहिती आहे. मात्र, आतापर्यंत या घटनेत कोणतीही जीवितहानी झाल्याचे वृत्त नाही.
रिम्बी गावातील युक्सोम-ताशिडोंग भागात सततच्या पावसामुळे डोंगरावरील माती खचली. त्यानंतर मोठ्या प्रमाणात ढिगारा गावाच्या दिशेने आला. भूस्खलनाचा धोका लक्षात घेऊन प्रशासन आणि स्थानिक बचाव पथकांनी तातडीने मदतकार्य सुरू केले. बाधित भागातील 128 हून अधिक नागरिकांना सुरक्षित ठिकाणी हलवण्यात आले आहे.
Jalgaon Ganesh Visarjan 2026 :अनंत चतुर्दशीच्या पार्श्वभूमीवर जळगाव शहरातील गणेश विसर्जन मिरवणुका शांततेत आणि सुरक्षित वातावरणात पार पडाव्यात, यासाठी पोलीस ...
दरम्यान, भूस्खलनामुळे रिम्बी-खेचुपेरी रस्ताही बंद झाला आहे. रस्त्यावर मोठ्या प्रमाणात चिखल आणि दगड साचल्याने वाहतूक थांबवण्यात आली आहे. ढिगारा हटवण्याचे काम सुरू असून सततच्या पावसामुळे या कामात अडथळे येण्याची शक्यता आहे.
सिक्कीमच्या इतर भागांमध्येही पावसामुळे वाहतुकीवर परिणाम झाला आहे. राष्ट्रीय महामार्ग 10 च्या काही भागांमध्ये अडचणी निर्माण झाल्या असून सिंगताम आणि गंगटोकदरम्यानचा संपर्कही विस्कळीत झाला आहे. डोंगराळ भागात आणखी भूस्खलन होण्याची शक्यता असल्याने नागरिकांना काळजी घेण्याचे आवाहन करण्यात आले आहे.
जिल्हा आपत्ती व्यवस्थापन प्राधिकरणाने नागरिकांना अनावश्यक प्रवास टाळण्याचा सल्ला दिला आहे. विशेषतः भूस्खलनाचा धोका असलेल्या डोंगराळ भागात जाणे टाळावे, तसेच हवामान आणि प्रशासनाच्या सूचनांकडे लक्ष ठेवावे, असे आवाहन करण्यात आले आहे.
Sikkim CM Prem Singh Tamang says, "Deeply saddened and concerned by the situation in Rimbi, Gyalshing district, following the severe landslides last night. The situation remains serious, and the safety and well-being of the people continue to be our foremost priority. The… https://t.co/930dMZOwgk pic.twitter.com/xG3urmtohE
— ANI (@ANI) September 25, 2026
सिक्कीमचे मुख्यमंत्री प्रेम सिंह तामांग यांनी रिम्बी येथील परिस्थितीची दखल घेत अधिकाऱ्यांना सतर्क राहण्याचे निर्देश दिले आहेत. नागरिकांची सुरक्षा सरकारचे प्राधान्य असल्याचे त्यांनी सांगितले. प्रशासनाकडून परिस्थितीवर लक्ष ठेवण्यात येत असून बाधित नागरिकांना आवश्यक मदत देण्याचे काम सुरू आहे.
