मुंबई : बॉलिवूडची ‘धकधक गर्ल’ माधुरी दीक्षित आता छोट्या पडद्यावर एका अगदी नव्या आणि रंजक भूमिकेतून प्रेक्षकांच्या भेटीला येण्यासाठी सज्ज झाली आहे. लोकप्रिय मराठी रियालिटी शो ‘कोण होणार करोडपती’च्या सूत्रसंचालनाची धुरा आता माधुरी दीक्षित सांभाळणार असून, तिच्या या नव्या प्रवासाची उत्सुकता आता केवळ महाराष्ट्रापुरते मर्यादित राहिलेली नाही, तर तिची ही क्रेझ देशाच्या सीमा ओलांडून थेट जगभरात पोहोचली आहे. सोनी मराठी वाहिनीने नुकताच या शोचा एक नवीन आणि हटके प्रोमो रिलीज केला आहे. या प्रोमोमध्ये सिंगापूर, दुबई आणि मेलबर्न (ऑस्ट्रेलिया) यांसारख्या जगातील प्रमुख शहरांमधील चाहत्यांचा प्रचंड उत्साह आणि त्यांच्या भरभरून प्रतिक्रिया पाहायला मिळत आहेत. माधुरीने आपल्या उत्कृष्ट अभिनय आणि नृत्याने गेली अनेक दशकं प्रेक्षकांच्या मनावर अधिराज्य गाजवलं आहे. तिची तीच जादू आणि चाहत्यांसोबतची आपुलकी आजही जगभरात कायम असल्याचं या प्रतिक्रियांमधून स्पष्ट होत आहे.(Madhuri Dixit Kon Honar Crorepati)
मुंबई : जगभरातील कोट्यवधी लोकांच्या दैनंदिन आयुष्याचा भाग बनलेले Google आज, 27 सप्टेंबर रोजी, आपला 28वा वाढदिवस साजरा करत आहे. विशेष म्हणजे Googleची अधिकृत नोंदणी ...
मुंबईपासून मेलबर्नपर्यंत आणि दुबईपासून सिंगापूरपर्यंत माधुरीची लोकप्रियता पसरलेली आहे. अनेक पिढ्यांनी तिला पडद्यावर पाहून भरभरून प्रेम दिले आहे. आता याच लाडक्या अभिनेत्रीला ‘कोण होणार करोडपती’च्या हॉट सीटवर बसून सूत्रसंचालन करताना पाहण्यासाठी जगभरातील चाहते कमालीचे आतुर झाले आहेत. या शोबद्दल बोलताना, माधुरीची अस्सल शैली, तिची सहजता आणि उपजत आपुलकी यामुळे ‘कोण होणार करोडपती’चा हा आगामी अध्याय अधिक खास आणि संस्मरणीय ठरणार आहे. या पर्वातून प्रेक्षकांना केवळ ज्ञानाची परीक्षाच नाही, तर स्वप्न, भावनांचा प्रवास आणि खेळाचा रोमांचक थरार यांचा एक अनोखा संगम अनुभवायला मिळणार आहे. गेल्या काही काळापासून या शोची बरीच चर्चा सुरू होती आणि अखेर प्रेक्षकांची प्रतीक्षा संपली आहे. हा रोमांचक प्रवास येत्या 12 ऑक्टोबर 2026 पासून, दर सोमवार ते शनिवार, रात्री 9 वाजता फक्त सोनी मराठी वाहिनीवर प्रेक्षकांना पाहता येणार आहे. माधुरीच्या या नव्या इनिंगसाठी चाहते आणि प्रेक्षक अत्यंतोत्सुक आहेत.(Madhuri Dixit Kon Honar Crorepati)