Dattatray Bharne News: ‘सरकार तुमच्यासोबत, डगमगू नका...’, मंत्री दत्तात्रय भरणेंचं शेतकऱ्यांना आवाहन

परतीचा पाऊस झाला तर रब्बी हंगामातून दिलासा मिळू शकतो. मात्र, परतीचा पाऊसही लांबला तर शेतकऱ्यांच्या अडचणी आणखी वाढण्याची शक्यता कृषिमंत्री दत्तात्रय भरणे यांनी व्यक्त केली.

मुंबई: राज्यभर पावसात पडलेला खंड आणि एल निनोच्या परिणामांमुळे खरीप हंगामातील पिकांचे मोठे नुकसान झाले असून, आता शेतकऱ्यांचे लक्ष परतीच्या पावसाकडे लागले आहे. परतीचा पाऊस झाला तर रब्बी हंगामातून काही प्रमाणात दिलासा मिळू शकतो. मात्र, परतीचा पाऊसही लांबला तर शेतकऱ्यांच्या अडचणी आणखी वाढण्याची शक्यता कृषिमंत्री दत्तात्रय भरणे यांनी व्यक्त केली. या संकटाच्या काळात शेतकऱ्यांनी डगमगू नये, सरकार त्यांच्या पाठीशी असून मदत केली जाईल, असे आवाहनही त्यांनी केले.






हवामान विभागाच्या अंदाजावर सरकार अवलंबून असते. हवामान तज्ज्ञांचे अंदाज कधी चुकतात, तर कधी ते अचूक ठरतात. मात्र, एल निनोचे संकट आहेच. पावसाळ्यात पावसाऐवजी ऊन पडल्याने दुष्काळाची परिस्थिती निर्माण झाली असून, आगामी उन्हाळ्यातही अधिक तीव्र उष्णतेचा अंदाज व्यक्त केला जात आहे. त्यामुळे परतीचा पाऊस पडावा, अशी प्रार्थना आहे. खरीप हंगामातील पिकांचे नुकसान झाले असून पाऊस झाला तर रब्बी हंगामात काही तरी हाती लागण्याची शक्यता आहे, असे भरणे यांनी सांगितले.


पावसातील खंडामुळे पिके जळाली असून हे निसर्गाचे संकट आहे. या संकटाचा सामना सर्वांना करावा लागेल. अडचणीच्या काळात सरकार शेतकऱ्यांसोबत असून त्यांना मदत केली जाईल, असे भरणे यांनी स्पष्ट केले. शासनाच्या माध्यमातून गावोगावी जाऊन शेतकऱ्यांच्या अडचणी जाणून घेतल्या जातील. शेतीबरोबरच पशुधन आणि रोजगाराच्या प्रश्नांबाबतही परिस्थितीचा आढावा घेण्यात येईल. त्यामुळे शेतकऱ्यांनी या काळात वेगळा विचार न करता सरकारसोबत असल्याची खात्री बाळगावी आणि डगमगू नये, असे आवाहन त्यांनी केले.







पंचनाम्यानंतर मदतीची प्रक्रिया


नुकसानग्रस्त शेतीचे पंचनामे करून केंद्राकडून राष्ट्रीय आपत्ती प्रतिसाद निधी (एनडीआरएफ)च्या माध्यमातून मदत घेण्यात येणार आहे. त्यासाठी केंद्र सरकारच्या नियमांचे पालन करावे लागणार आहे. मात्र, केंद्राच्या मदतीची प्रतीक्षा न करता राज्य सरकारकडूनही शेतकऱ्यांना मदत करण्याची भूमिका असल्याचे भरणे यांनी सांगितले. पंचनामे पूर्ण होण्यापूर्वीच आर्थिक मदत देण्याची मागणी होत असताना, मदतीची प्रक्रिया पूर्ण करण्यासाठी थोडा वेळ द्यावा, असे आवाहन त्यांनी केले. शनिवारी यासंदर्भात अधिसूचना काढण्यात आली असून सोमवारी त्यावर पुढील प्रक्रिया सुरू आहे. शक्य तितक्या लवकर मदत देण्याचा सरकारचा प्रयत्न आहे, असे भरणे यांनी सांगितले. ‘आम्हीही शेतकरी आहोत. शेतकऱ्यांच्या अडचणी आणि त्यांचे दु:ख आम्हाला माहीत आहे. शेतीशी आमचे नाते आहे. त्यामुळे शेतकऱ्यांना लवकरात लवकर मदत करण्याचा प्रयत्न केला जाईल,’ असेही भरणे यांनी स्पष्ट केले.

Comments
Add Comment

रावणाचे उदात्तीकरण आणि प्रभू श्रीरामांचा अपमान खपवून घेणार नाही, हिंदु जनजागृती समिती आक्रमक

नुकत्याच प्रदर्शित झालेल्या 'रामायण' चित्रपटात मूळ कथेचा विपर्यास करून रावणाचे उदात्तीकरण आणि प्रभू श्रीराम,

Central Railway : नेव्ही हाफ मॅरेथॉनसाठी मध्य रेल्वेच्या 2 विशेष लोकल; कल्याण आणि पनवेलहून मध्यरात्री सुटणार

मुंबई : ‘डब्ल्यूएनसी नेव्ही हाफ मॅरेथॉन-2026’ मध्ये सहभागी होणाऱ्या धावपटूंच्या सोयीसाठी मध्य रेल्वेने 2 विशेष

Western Railway Mega Block : रविवारी पश्चिम रेल्वेचा ५ तासांचा जम्बो ब्लॉक; चर्चगेट ते मुंबई सेंट्रल दरम्यान रेल्वे वाहतुकीत बदल

मुंबई : पश्चिम रेल्वेच्या मार्गावरून रविवार, २२ नोव्हेंबर २०२६ रोजी प्रवास करणाऱ्यांसाठी महत्त्वाची सूचना आहे.

Tiger Shroff Firing Case : टायगर श्रॉफच्या घराबाहेरील गोळीबार प्रकरणात मोठा ट्विस्ट; फरार अभिषेक पंडितविरोधात 'लूकआऊट' जारी, पत्नीला अटक

मुंबई : बॉलिवूड अभिनेता टायगर श्रॉफ (Tiger Shroff) याच्या निवासस्थानाबाहेर झालेल्या गोळीबार प्रकरणाचा तपास आता अधिक

Tiger Shroff Firing Case : टायगर श्रॉफ गोळीबार प्रकरणात मोठी अपडेट; फरार अभिषेक पंडितविरोधात लुकआऊट नोटीस

मुंबई : अभिनेता टायगर श्रॉफच्या गोळीबार प्रकरणात मुंबई क्राईम ब्रँचने महत्त्वाची कारवाई केली आहे. या प्रकरणातील

Samantha Ruth Prabhu news : समंथा प्रभू आणि राज निदिमोरू यांच्या घरी चिमुकल्या 'देव'चे आगमन; पहिला फोटो शेअर करत व्यक्त केला आनंद

मुंबई : लोकप्रिय अभिनेत्री समंथा रूथ प्रभू (Samantha Prabhu) आणि चित्रपट निर्माते राज निदिमोरू (Raj Nidimoru) यांच्या संसारात एका