Samantha Ruth Prabhu news : समंथा प्रभू आणि राज निदिमोरू यांच्या घरी चिमुकल्या 'देव'चे आगमन; पहिला फोटो शेअर करत व्यक्त केला आनंद

या आनंददायी बातमीसोबतच या जोडीने सोशल मीडियावर आपल्या नवजात बाळाची पहिली झलक दाखवणारा फोटोही शेअर केला आहे. या गोड फोटोत सामंथा आणि राज या दोघांनी आपल्या चिमुकल्या बाळाचे नाजूक हात घट्ट धरल्याचे पाहायला मिळत आहे.

मुंबई : लोकप्रिय अभिनेत्री समंथा रूथ प्रभू (Samantha Prabhu) आणि चित्रपट निर्माते राज निदिमोरू (Raj Nidimoru) यांच्या संसारात एका नव्या पाहुण्याची भर पडली आहे. १९ नोव्हेंबर २०२६ रोजी, गुरुवारी सामंथाने एका गोंडस मुलाला जन्म दिला. या आनंददायी बातमीसोबतच या जोडीने सोशल मीडियावर आपल्या नवजात बाळाची पहिली झलक दाखवणारा फोटोही शेअर केला आहे. या गोड फोटोत सामंथा आणि राज या दोघांनी आपल्या चिमुकल्या बाळाचे नाजूक हात घट्ट धरल्याचे पाहायला मिळत आहे.

चिमुकल्याचे नाव आणि खास पोस्ट





सोशल मीडियावर फोटो शेअर करत समंथा आणि राज यांनी आपल्या बाळाचे नाव 'देव' (Dev) ठेवल्याचे जाहीर केले आहे. आपल्या भावना व्यक्त करताना त्यांनी लिहिले आहे की, "आमचा सुंदर मुलगा देव निदिमोरू - १९.११.२०२६. आमचे मन आजवर कधीही इतके आनंदी नव्हते. - समंथा आणि राज." या पोस्टनंतर सोशल मीडियावर चाहत्यांसह सिनेसृष्टीतील अनेक मान्यवरांनी या जोडीचे अभिनंदन करत नवजात बाळावर शुभेच्छांचा वर्षाव केला आहे.

लग्नाचा सोहळा आणि आई-बाबा होण्याची घोषणा


समंथा आणि राज यांनी १ डिसेंबर २०२५ रोजी कोईम्बतूरमधील सद्गुरूंच्या ईशा फाउंडेशनमध्ये एका खाजगी समारंभात लग्न केले होते. दोघांच्याही आयुष्यातील हा दुसरा विवाह आहे. याआधी राज यांचा श्यामली डे यांच्याशी विवाह झाला होता, तर सामंथाने अभिनेता नागा चैतन्यसोबत लग्न केले होते. जवळपास चार वर्षांच्या वैवाहिक आयुष्यानंतर २०२१ मध्ये समंथा आणि नागा चैतन्य यांनी वेगळे होण्याचा निर्णय घेतला होता. त्यानंतर जून २०२६ मध्ये समंथाच्या 'माँ इंती बंगारम' या चित्रपटाच्या सक्सेस मीटदरम्यान या जोडीने आपण लवकरच पालक होणार असल्याची आनंदाची बातमी दिली होती.

भेटीपासून लग्नापर्यंतचा प्रवास


'द फॅमिली मॅन २' या लोकप्रिय वेब सीरिजच्या चित्रीकरणादरम्यान समंथा आणि राज यांची ओळख झाली होती. या सीरिजमध्ये सामंथाने 'राजी' नावाची बंडखोर भूमिका साकारून मोठी लोकप्रियता मिळवली होती. पुढे 'सिटाडेल: हनी बनी' या वेब सीरिजच्या निमित्ताने दोघांनी पुन्हा एकत्र काम केले. लग्नापूर्वी समंथा आणि राज यांनी सुमारे दोन वर्षे एकमेकांना डेट केल्याची चर्चा होती, मात्र दोघांनीही आपले नाते नेहमीच खाजगी ठेवले आणि कधीही जाहीरपणे त्यावर भाष्य केले नव्हते. आता बाळाच्या आगमनाने या जोडप्याच्या आयुष्यात आनंदाचे नवे वातावरण निर्माण झाले आहे.
Comments
Add Comment

Tiger Shroff Firing Case : टायगर श्रॉफ गोळीबार प्रकरणात मोठी अपडेट; फरार अभिषेक पंडितविरोधात लुकआऊट नोटीस

मुंबई : अभिनेता टायगर श्रॉफच्या गोळीबार प्रकरणात मुंबई क्राईम ब्रँचने महत्त्वाची कारवाई केली आहे. या प्रकरणातील

पुनर्वसनाशिवाय प्रभादेवीतील अतिक्रमणांवर कारवाई नाही; उपमुख्यमंत्री एकनाथ शिंदेंच्या हस्तक्षेपानंतर तोडकामाला स्थगिती

मुंबई : प्रभादेवी रेल्वे स्थानकाच्या पश्चिमेकडील रेल्वेच्या जागेवरील १०१ अतिक्रमित बांधकामांवर तोडकाम

Kartiki Ekadashi 2026 Dadar: कार्तिकी एकादशीनिमित्त दादरमध्ये भक्तीचा जागर! 21 नोव्हेंबरला भव्य दिंडी सोहळा रंगणार

मुंबई: कार्तिकी एकादशीच्या पावन पर्वानिमित्त मुंबईतील दादर परिसरात भक्तिमय वातावरण पाहायला मिळणार आहे.

Public Private Partnership: महापालिकेच्या नवीन रुग्णालयांमध्ये पीपीपी अंतर्गत् चांगल्याप्रकारे मिळणार सुविधा

मुंबई (विशेष प्रतिनिधी): मुंबई महापालिकेच्या रुग्णालयात चांगली सुविधा उपलब्ध व्हावी यासाठी प्रशासनाचे प्रयत्न

Firecracker Ban: मुंबईत रॉकेट आणि आकाशात उडवल्या जाणाऱ्या फटाक्यांवर बंदी; महापालिका प्रशासनाने दिले आदेश

मुंबई (विशेष् प्रतिनिधी): मुंबई महापालिका सभागृहात पुन्हा एकदा दिया मिर्झा यांच्या नावाचे फटाके फोडण्याच्या

महापालिकेच्या केईएम व नायर रुग्णालयात एमआरआय सुविधा , महापौर रितू तावडे यांच्‍या हस्‍ते झाले लोकार्पण

 मुंबई (विशेष प्रतिनिधी) मुंबई सेंट्रल येथील बाई यमुनाबाई लक्ष्‍मण नायर धर्मादाय रुग्णालय व टोपीवाला