मुंबई: मुंबईतील सार्वजनिक गणपतीच्या विसर्जनासाठी राज्यासह देशभरातून भाविक उपस्थित होते. यावेळी भाविकांसह चोरट्यांचीही मिरवणुकीमध्ये मोठ्या प्रमाणावर हजेरी होती. लालबागच्या राजाच्या भव्य विसर्जन मिरवणुकीमध्ये भाविकांच्या मोबाईलवर डल्ला मारला आहे. विसर्जन मिरवणुकीमध्ये मोठ्या प्रमाणावर गर्दी होती. ह्याच गर्दीचा फायदा उचलत चोरट्यांनी भाविकांच्या मोबाईलवर डल्ला मारला आहे. चोरट्यांनी अनेक भाविकांच्या खिशांमधून मोबाईल, गळ्यातून सोन्याची चैन आणि इतर मौल्यवान वस्तू चोरल्याचे वृत्त आहे. मुंबईतील अनेक पोलीस चौकींमध्ये आतापर्यंत मोबाईल फोन चोरीच्या सुमारे 200 तक्रारी प्राप्त झाल्या असून, त्यांनी आतापर्यंत मोबाईल फोन हरवल्याच्या 192 प्रकरणांची अधिकृतपणे नोंद केली आहे.
गणेशोत्सवामध्ये BMC कडून हजारो मेट्रिक टन विसर्जनोत्तर साहित्याचे संकलन, स्वच्छता कर्मचाऱ्यांच्या सेवेने प्रभावी स्वच्छता कार्य
मुंबई: बृहन्मुंबई महानगरपालिकेच्या हद्दीमध्ये कृत्रिम तलाव, नैसर्गिक तलाव आणि चौपाट्यांवर सार्वजनिक गणेश मुर्तींचे आणि घरगुती गणेश मुर्तींचे ...
याव्यतिरिक्त, पोलिसांनी विसर्जन मिरवणुकीदरम्यान मोबाईल फोन आणि सोन्याची चैन चोरीसंबंधित 10 स्वतंत्र गुन्हे दाखल केले आहेत. या घटनांमुळे पोलिसांनी मिरवणूक मार्गावरील गर्दीच्या भागांमध्ये सक्रिय असलेल्या संशयित टोळ्यांवर तात्काळ कारवाई सुरू केली आहे. लोकमत टाईम्सने दिलेल्या वृत्तानुसार, मोबाईल, सोन साखळी आणि मौल्यवान वस्तू गेल्या प्रकरणी आतापर्यंत एका अल्पवयीन मुलासह १८ जणांना अटक करण्यात आली आहे. पोलिसांनी दिलेल्या माहितीनुसार, भाविकांच्या मोबाईल चोरीच्या प्रकरणामध्ये अल्पवयीन मुलांचा, तरूणांचा आणि महिलांचाही सहभाग असल्याची माहिती मिळत आहे. गर्दीत भाविकांच्या पिशव्यांवर डल्ला मारताना दोन महिलांना पकडण्यात आल्याचे वृत्त आहे.
Mumbai Pune Expressway : मुंबई-पुणे द्रुतगती मार्गावर अपघात, एकाचा मृत्यू
मुंबई : मुंबई-पुणे द्रुतगती मार्गावर सोमवारी सकाळी भीषण अपघात झाला. कंटेनरने मागून टेम्पोला धडक दिल्यानंतर दोन्ही वाहने रस्त्यालगतच्या दरीत कोसळली. ...
पोलिसांकडून संशयितांची चौकशी केली जात आहे. तपास अधिकाऱ्यांकडून मुंबईमध्ये अनेक ठिकाणी टोळी सक्रिय आहे. या सक्रिय टोळीतील प्रत्येक सदस्यांची चोरीची चौकशी केली जात आहे. पोलिसांनी कायद्याच्या संबंधित कलमांनुसार आरोपींविरुद्ध कायदेशीर कारवाई सुरू केली आहे. तपासादरम्यान, पोलिसांनी अटक केलेल्या संशयितांकडून 14 चोरीचे मोबाईल फोन आणि सात सोन साखळ्या जप्त केल्या. जप्त केलेल्या ह्या वस्तू आतापर्यंत नोंदवलेल्या एकूण चोरीच्या मौल्यवान वस्तूंपैकीच एक असल्याचे समोर आले आहे. दरम्यान, मिरवणुकीदरम्यान गहाळ झालेले स्मार्ट फोन, सोन्याचे दागिने आणि इतर वस्तू शोधण्याचे प्रयत्न पोलीस पथकांकडून सुरू आहेत.
Devsthan Inam Land : देवस्थान इनाम जमीन प्रारूप समितीला 30 नोव्हेंबरपर्यंत मुदतवाढ; राज्यभरातून प्राप्त झालेल्या हरकतींमुळे निर्णय
मुंबई : राज्यातील देवस्थान इनाम जमिनींच्या व्यवस्थापनात आणि कायदेशीर चौकटीत महत्त्वपूर्ण सुधारणा करण्यासाठी नव्या कायद्याचा (प्रारुप अधिनियम) ...
चोरांच्या सक्रिय टोळीतील संशयित सदस्यांना ओळखण्यासाठी पोलीस विसर्जन मार्गावरील विविध ठिकाणचे सीसीटीव्ही फुटेजची तपासणी केली जात आहे. संशयितांच्या हालचाली आणि संवादाचा मागोवा घेण्यासाठी पोलीस तांत्रिक निगराणी आणि सायबर सेलची मदतही घेत आहेत. अटक केलेल्या चोरांच्या चौकशीदरम्यान मिळालेल्या माहितीचा उपयोग त्यांच्या कथित साथीदारांना ओळखण्यासाठी आणि शोधण्यासाठी देखील केला जात आहे. लालबागच्या राजाच्या विसर्जन मिरवणुकीदरम्यान झालेल्या प्रचंड गर्दीचा फायदा चोरांच्या टोळींनी केल्याचा पोलिसांना संशय आहे. पोलिसांकडून तपास सुरू असून, अधिक संशयितांचा शोध घेण्यासाठी आणि चोरीला गेलेला उर्वरित माल परत मिळवण्यासाठी पथके कार्यरत आहेत.
