मुंबई : चीनमधील शांघाय येथे झालेल्या ‘वर्ल्डस्किल्स शांघाय 2026’ या जागतिक कौशल्य स्पर्धेत महाराष्ट्राच्या युवा कौशल्यवंतांनी भारताचे प्रतिनिधित्व करत उल्लेखनीय कामगिरी केली. महाराष्ट्राच्या 5 स्पर्धकांनी विविध कौशल्य प्रकारांमध्ये चमक दाखवत 1 रौप्यपदक आणि 3 ‘मेडलियन ऑफ एक्सलन्स’ पटकावले. (WorldSkills 2026)
22 ते 27 सप्टेंबर 2026 दरम्यान झालेल्या या स्पर्धेत जगभरातील 68 देशांतील युवा कौशल्यवंतांनी 63 कौशल्य प्रकारांमध्ये सहभाग घेतला. भारताच्या संघातील महाराष्ट्राच्या प्रतिनिधींमध्ये कोविड गंग्राडे याने डिजिटल इंटरॲक्टिव्ह मीडिया प्रकारात रौप्यपदक पटकावले. तर खुशराज राठोड (आयटी नेटवर्क ॲडमिनिस्ट्रेशन), संपदा देसाई (केमिकल लॅबोरेटरी टेक्नॉलॉजी) आणि तहसीन सुतार (ब्युटी थेरपी) यांनी उत्कृष्टता पुरस्कार मिळवला.(WorldSkills 2026)
याशिवाय, ऑस्ट्रेलियात झालेल्या ‘ग्लोबल स्किल चॅलेंजेस 2026’ मध्ये महाराष्ट्राच्या हर्ष पवारने ‘थ्री-डी डिजिटल गेम आर्ट’ प्रकारात रौप्यपदक पटकावले.
prahaar.in/2026/09/29/india-shines-on-day-10-of-the-asian-games-gulveer-singh-completes-a-medal-hat-trick-relay-and-high-jump-bronze/
विजेत्यांना रोख पारितोषिके
या कामगिरीची दखल घेत राज्य शासनाने विजेत्यांसाठी रोख पारितोषिके जाहीर केली आहेत. रौप्यपदक विजेते कोविड गंग्राडे आणि हर्ष पवार यांना प्रत्येकी ₹3 लाख, तर उत्कृष्टता पुरस्कार मिळवणाऱ्या खुशराज राठोड, संपदा देसाई आणि तहसीन सुतार यांना प्रत्येकी ₹1 लाख मिळणार आहेत.(WorldSkills 2026)
राज्याच्या धोरणानुसार जागतिक स्पर्धेतील सुवर्णपदकासाठी ₹5 लाख, रौप्यपदकासाठी ₹3 लाख, कांस्यपदकासाठी ₹2 लाख आणि उत्कृष्टता पुरस्कारासाठी ₹1 लाखांचे पारितोषिक दिले जाते.(WorldSkills 2026)
या यशाबद्दल कौशल्य, रोजगार, उद्योजकता व नाविन्यता मंत्री मंगल प्रभात लोढा यांनी विजेत्यांचे अभिनंदन केले. महाराष्ट्र राज्य कौशल्य विकास सोसायटी, राष्ट्रीय कौशल्य विकास महामंडळ, CII, DVET आणि विविध सेक्टर स्किल कौन्सिलच्या सहकार्यामुळे या स्पर्धकांना प्रशिक्षण, प्रवास, निवास आणि आवश्यक सुविधा उपलब्ध करून देण्यात आल्या.(WorldSkills 2026)