एशियन गेम्स 2026 स्पर्धेच्या उपांत्य फेरीच्या लढती पार पडल्या. पहिल्या उपांत्य फेरीत पाकिस्तान आणि बांगलादेश, तर दुसऱ्या उपांत्य फेरीच्या लढतीत भारत आणि श्रीलंका हे संघ आमनेसामने आले होते. भारताने श्रीलंकेला 124 धावांनी पराभूत केलं आणि अंतिम फेरी गाठली. तर पाकिस्तानने बांगलादेशचा 6 विकेट राखून धुव्वा उडवला आणि अंतिम फेरीत धडक मारली. त्यामुळे क्रिकेटप्रेमींना अंतिम फेरीत भारत पाकिस्तान हायव्होल्टेज सामना पाहायला मिळणार आहे. अंतिम फेरीचा सामना 3 ऑक्टोबर 2026, शनिवारी सकाळी 10 वाजता होणार आहे.
भारत श्रीलंका उपांत्य फेरीचा सामना
श्रीलंकेने नाणेफेकीचा कौल जिंकला आणि प्रथम गोलंदाजी करण्याचा निर्णय घेतला. हा निर्णय पूर्णपणे भारताच्या पथ्यावर पडला. भारताने 20 षटकात 7 गडी गमवून 169 धावा केल्या आणि विजयासाठी 170 दिल्या. या धावा काही श्रीलंकेला गाठता आल्या नाहीत. श्रीलंकेचा संपूर्ण संघ अवघ्या 45 धावांवर बाद झाला. भारताने या सामन्यात 124 धावांनी विजय मिळवला. या विजयाचा इशान किशनची खेळी महत्त्वाची ठरली. त्याने 46 चेंडूत 80 धावा केल्या. तर वैभव सूर्यवंशीने 21 चेंडूत 38 धावांची खेळी केली. जसप्रीत बुमराहने 2, अक्षर पटेलने 2, अभिषेक शर्माने 2 आणि वॉशिंग्टन सुंदरने 1 विकेट काढली.
भारताचा ऐतिहासिक विजय, वेस्ट इंडिजविरुद्ध 406 धावांचं विजयी लक्ष्य गाठलं
भारताने दुसऱ्या वनडे सामन्यात ऐतिहासिक विजय मिळवला. वेस्ट इंडिजने विजयासाठी 406 धावांच आव्हान ठेवलं होतं. हे लक्ष्य तसं कठीण होतं. पण कर्णधार शुभमन गिल ...
दोन्ही संघांची प्लेइंग 11
श्रीलंका (प्लेइंग इलेव्हन): लसिथ क्रुसपुल्ले, सिनेथ जयवर्धने, सोहन डी लिवेरा (विकेटकीपर), अशेन बंडारा, सहान अरचिगे (कर्णधार), नुवानिडू फर्नांडो, चमिका करुणारत्ने, वानुजा सहान, विजयकांत व्यासकांत, थारिंडू रत्नायके, बिनुरा फर्नांडो.
भारत (प्लेइंग इलेव्हन): वैभव सूर्यवंशी, अभिषेक शर्मा, संजू सॅमसन (विकेटकीपर), श्रेयस अय्यर (कर्णधार), इशान किशन, टिळक वर्मा, शिवम दुबे, अक्षर पटेल, वॉशिंग्टन सुंदर, रवी बिश्नोई, जसप्रीत बुमराह
पाकिस्तान बांगलादेश उपांत्य फेरी
एशियन गेम्स 2026 स्पर्धेच्या पहिल्या उपांत्य फेरीत पाकिस्तान आणि बांगलादेश हे संघ आमनेसामने आले होते. पावसाचा व्यत्यय आल्याने हा सामना 13 षटकांचा करण्यात आला होता. बांगलादेशने प्रथम फलंदाजी करून 13 षटकात 7 गडी गमवून 111 धावा केल्या आणि विजयासाठी 113 धावांचं आव्हान दिलं. हे आव्हान पाकिस्तानने 11.3 षटकात 4 गडी गमवून गाठलं.
