Asian Games 2026 : आशियाई खेळ 2026 च्या 13 व्या दिवशी भारताच्या खात्यात दोन पदकांची भर पडली आहे. महिलांच्या सांघिक स्क्वॅशमध्ये भारताला कांस्यपदक मिळालं, तर सेलिंगच्या पुरुष स्किफ प्रकारात मनू फ्रान्सिस आणि प्रिन्स नोबल कुरिसिंगल यांच्या जोडीने रौप्यपदक पटकावलं. या दोन पदकांमुळे भारताची एकूण पदकसंख्या 62 वर पोहोचली आहे.
स्क्वॅशच्या उपांत्य फेरीत भारताच्या महिला संघाचा हाँगकाँगकडून 1-2 असा पराभव झाला. त्यामुळे भारताच्या संघाला कांस्यपदकावर समाधान मानावं लागलं. या संघात जोशना चिनप्पा, अनाहत सिंह आणि तन्वी खन्ना यांचा समावेश होता.
Asian Games 2026 : आशियाई क्रीडा स्पर्धेत भारताच्या पदकांची कमाई सुरू आहे. 30 सप्टेंबर रोजी भारतीय खेळाडूंनी एकाच दिवसात 4 सुवर्णपदके जिंकत पदकतालिकेत मोठी झेप ...
यानंतर सेलिंगमध्ये मनू फ्रान्सिस आणि प्रिन्स नोबल कुरिसिंगल यांनी पुरुषांच्या स्किफ स्पर्धेत दुसरं स्थान मिळवत रौप्यपदक जिंकलं. या स्पर्धेत भारताचं हे यंदाच्या आशियाई खेळातील पहिलं सेलिंग पदक ठरलं आहे.
SILVER FOR INDIA IN SAILING! 🇮🇳⛵ Prince Noble & Manu Francis finish with a silver medal in the Men’s Skiff event at the Asian Games 2026. India’s first Sailing silver medal at the Aichi-Nagoya Asian Games! 🔥🔥🔥 pic.twitter.com/ZiI0TJZNJv
— The Khel India (@TheKhelIndia) October 1, 2026
दिवस 13 मध्ये भारतासाठी आणखी अनेक महत्त्वाच्या स्पर्धा आहेत. ग्रीको-रोमन कुस्तीतील 97 किलो वजनी गटात नितेश मैदानात उतरणार आहे. त्याचा उपांत्यपूर्व फेरीतील सामना तुर्कमेनिस्तानच्या अमानबर्डी अगाम्मेदोव्हविरुद्ध होणार आहे. कामगिरीच्या आधारे पुढील फेरीत प्रवेश मिळाल्यास पदकाच्या शर्यतीत तो कायम राहणार आहे.
