इंडियन प्रीमिअर लीग २०२७ (IPL 2027 Auction) च्या लिलावाची तारीख जशी जवळ येत आहे तसे क्रिकेटप्रेमींमध्ये उत्सुकता वाढली आहे. कोणत्या खेळाडूला संघात ठेवायचं आणि कोणत्या खेळाडूला संघातून बाहेर काढायचं याबाबत फ्रँचायझीमध्ये चर्चा सुरु असल्याची माहिती समोर येत आहे. सोबतच आयपीएलमध्ये सर्वोच्च individual score करणारा Sunrisers Hyderabad चा खेळाडू अभिषेक शर्मा ( Abhishek Sharma ) हा यंदा आपल्या टीमबाबत नाराज असल्याच्या चर्चा आहेत. यामुळे यंदा अभिषेक हा हैदराबाद टीममध्ये खेळताना दिसणार नसल्याचे बोलले जात आहे.
यंदा Sunrisers Hyderabad चे कर्णधारपद हे ईशान किशनकडे ( Ishan Kishan )जाणार असल्याच्या चर्चा आहेत तसेच २०२७ च्या व्यस्त वेळापत्रकारामुळे पॅट कमिन्स ( Pat Cummins ) हा आयपीएल साठी अनुपस्थित असल्याचे समजते आहे. या पार्श्वभूमीवर अभिषेक शर्मा नवीन संघाच्या शोधात असल्याच्या चर्चांना उधाण आले आहे. अभिषेक शर्माच्या टीम सोडण्याच्या चर्चांनंतर आता तो कोणत्या टीममध्ये जाणार याची उत्सुकता क्रिकेटप्रेमींना आहे. याबाबत अद्याप कोणतीही अधिकृत माहिती समोर आली नसली तरी मुंबई इंडियन्स (Mumbai Indians), गुजरात टायटन्स ( Gujarat Titans ) आणि पंजाब सुपर किंग्स (Punjab Super Kings) या टीमची नावं अग्रस्थानी आहेत.
२०२६ च्या आयपीएलमध्ये पॅट कमिन्सला दुखापत झाल्यानंतर सनरायजर्स हैदराबादचं कर्णधारपद ईशान किशनकडे गेल्याने अभिषेक शर्मा नाखुश असल्याचं दिसत आहे, हे कोणीही टाळू शकत नाही. अभिषेक कर्णधार पदासाठी महत्त्वाकांक्षी असल्याचे स्पष्ट होते. परंतु सध्या क्रिकेटविश्वात अभिषेकच्या नावाची सर्वाधिक चर्चा आहे. अशा स्फोटक फटकेबाजी करणाऱ्या आणि चेंडूवर अचूक प्रहार करण्याची क्षमता असणाऱ्या सलामीवीराला सनरायजर्स हैदराबाद आपल्या संघात कायम ठेऊ शकेल का हे पाहणं महत्त्वाचं ठरणार आहे.