IND vs WI, 3rd ODI: रोहित शर्माचं वेस्ट इंडिजविरुद्ध शतक हुकलं, पण नोंदवला असा विक्रम

वेस्ट इंडिजविरुद्धच्या तिसऱ्या वनडे सामन्यात रोहित शर्माची बॅट पुन्हा एकदा तळपली. वनडे मालिकेत सलग दुसरं शतक ठोकलं आहे. यासह या सामन्यात त्याने काही विक्रम आपल्या नावावर केले आहे.

भारत आणि वेस्ट इंडिज यांच्यात तिसरा वनडे सामना सुरू आहे. या सामन्यात नाणेफेकीचा कौल जिंकल्यानंतर भारताने प्रथम फलंदाजी स्वीकारली. पण भारताला तिसऱ्या षटकातच दोन धक्के बसले. कर्णधार शुभमन गिल आणि विराट कोहली स्वस्तात बाद झाले. त्यानंतर रोहित शर्माने मोर्चा सांभाळला आणि ऋतुराज गायकवाडसोबत संयमी भागीदारी केली. रोहित शर्माने या सामन्यात 85 चेंडूत 10 चौकार आणि 3 षटकारांच्या मदतीने 92 धावा करून बाद झाला. खरं तर रोहित शर्माला या वनडे मालिकेत सलग दुसरं शतक ठोकण्याची संधी होती. मात्र ही संधी अवघ्या 8 धावांनी हुकली. यापूर्वी दुसऱ्या वनडे सामन्यात रोहित शर्माने 138 धावांची खेळी केली होती . तिसऱ्या वनडे सामन्यात शतकी खेळी करण्याची संधी हुकली असली तरी त्याने सचिन तेंडुलकरचा 22 वर्षे जुना जागतिक विक्रम मोडला आहे.

रोहित शर्माने नोंदवला असा विक्रम


तिसऱ्या वनडे सामन्यात रोहित शर्माने दुसरी धाव घेतली आणि ओपनर म्हणून 10000 धावा पूर्ण करणारा जगातील सर्वात वेगवान फलंदाज बनला आहे. त्याने महान फलंदाज सचिन तेंडुलकरचा तब्बल 22 वर्षे जुना विक्रम मोडीत काढला. रोहित शर्माने 202 डावात 10 हजार धावांचा पल्ला गाठला आहे. तर सचिन तेंडुलकरने हा पल्ला गाठण्यासाठी 214 डाव खेळले होते. रोहित शर्मा 10 हजार धावांचा पल्ला गाठणारा क्रिकेट जगातील केवळ चौथा सलामीवीर ठरला आहे. यापूर्वी केवळ मास्टर ब्लास्टर सचिन तेंडुलकर (15310 धावा), श्रीलंकेचे दिग्गज सनथ जयसूर्या (12740 धावा) आणि वेस्ट इंडिजचा 'युनिव्हर्स बॉस' ख्रिस गेल (10179 धावा) यांनाच ओपनर म्हणून हा टप्पा गाठता आला होता.





रोहित शर्माचा भागीदारीचा नवा पल्ला


वेस्ट इंडिजविरुद्धच्या तिसऱ्या सामन्यात रोहित शर्मा आणि ऋतुराज गायकवाड यांनी 137 धावांची भागीदारी केली. वेस्ट इंडिजविरुद्धच्या या सामन्यात रोहित शर्माने आपल्या कारकिर्दीत 75व्यांदा 100हून अधिक धावांची भागीदारी करण्याचा पराक्रम केला. एकदिवसीय क्रिकेटच्या इतिहासात सर्वाधिक शतकी भागीदारी करणाऱ्या फलंदाजांच्या यादीत आता जगातील तिसरा यशस्वी फलंदाज बनला आहे. या यादीत महान सचिन तेंडुलकर 99 भागीदारींसर पहिल्या क्रमांकावर आणि विराट कोहली 88 भागीदारीसह दुसऱ्या क्रमांकावर आहे. विशेष म्हणजे, या सामन्यात रोहित शर्मासोबत शतकी भागीदारी करणारा ऋतुराज गायकवाड हा 15वा वेगळा साथीदार ठरला आहे.

रोहित शर्मा नर्व्हस 90चा शिकार


आंतरराष्ट्रीय एकदिवसीय क्रिकेटमध्ये रोहित शर्मा 90 ते 99 धावांच्या दरम्यान बाद होण्याची ही गेल्या सात वर्षांतील पहिलीच वेळ आहे. यापूर्वी रोहित शर्मा एकदिवसीय क्रिकेटमध्ये 90च्या घरात बाद होण्याचा शेवटचा प्रसंग मार्च 2019 मध्ये घडला होता. मोहाली येथील पंजाब क्रिकेट असोसिएशन स्टेडियमवर ऑस्ट्रेलियाविरुद्ध खेळल्या गेलेल्या सामन्यात 95 धावांवर बाद झाला होता.
Comments
Add Comment

भारताने न्यूझीलंडला 3-2 ने पराभवाची धूळ चारली, शताब्दी हॉकी मालिकेत टीम इंडियाची विजयी सलामी

भारत आणि न्यूझीलंड या दोन्ही देशांमधील ऐतिहासिक क्रीडा संबंधांना 100 वर्षे पूर्ण झाल्याच्या निमित्ताने

कॅमरन बेनक्रॉफ्टच्या आरोपानंतर पॅट कमिन्स घरातून बाहेर पडणं झालं कठीण! पत्रकारांकडून प्रश्नांचा भडीमार

ऑस्ट्रेलिया आणि दक्षिण अफ्रिका यांच्यात 2018 मध्ये कसोटी मालिका पार पडली होती. या मालिकेतील एका सामन्यात

न्यूझीलंडला धक्का! दक्षिण अफ्रिकेने बांगलादेशला 9 गडी राखून नमवलं, वर्ल्ड टेस्ट चॅम्पियनशिप गुणतालिकेत मोठा उलटफेर

दक्षिण अफ्रिकेने पहिल्या कसोटी सामन्यात बांगलादेशचा धुव्वा उडवला. या सामन्यात दक्षिण अफ्रिकेने बांगलादेशला 9

रायझिंग स्टार्स आशिया कप स्पर्धेला आजपासून सुरूवात, जाणून भारताचा सामना कधी आणि पूर्ण शेड्यूल

रायझिंग स्टार्स आशिया कप 2026 स्पर्धेला आजपासून सुरूवात होणार आहे. वनडे फॉर्मेटमध्ये ही स्पर्धा होत असून एकूण 8 संघ

IND vs NZ 1st Test: पहिल्या कसोटी सामन्यात मोहम्मद सिराजला बसवण्याचा निर्णय योग्यच! प्रशिक्षकांनी दिलं असं कारण

भारत आणि न्यूझीलंड कसोटी सामन्यातील पहिल्या सत्रात भारताच्या वेगवान गोलंदाजांनी पकड मिळवली. पण त्यानंतर ही पकड

न्यूझीलंडविरुद्धच्या कसोटीत बुमराहचा ऐतिहासिक पराक्रम; माजी दिग्गज गोलंदाज जवागल श्रीनाथचा विक्रम मोडीत!

[caption id="attachment_1076800" align="aligncenter" width="800"] भारत न्यूझीलंड कसोटी मालिकेतून वेगवान गोलंदाज जसप्रीत बुमराहने पुन्हा एकदा मैदानात