Pankaj Bhoyar : सीजेपीच्या आंदोलनात असामाजिक घटकांची घुसखोरी ?

- संशयितांचा सीसीटीव्हीच्या माध्यमातून शोध सुरू; गृहराज्यमंत्री पंकज भोयर यांची माहिती


मुंबई : मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी कॉक्रोच जनता पार्टीने (सीजेपी) मुंबईतील शिवाजी पार्क येथे केलेल्या आंदोलनात असामाजिक घटक सहभागी झाले होते का, याचा पोलीस तपास सुरू आहे. आंदोलनाचे सीसीटीव्ही आणि अन्य व्हिडीओ फुटेज पोलिसांनी मागविले असून, त्यातून संबंधित व्यक्तींची ओळख पटविण्याचे काम सुरू असल्याची माहिती गृहराज्यमंत्री पंकज भोयर यांनी दिली. आंदोलनाला पोलिसांची परवानगी नसल्याने स्थानिक वकिलाने याबाबत पोलिसांकडे तक्रार केली आहे.


२ ऑक्टोबरला सीजेपीचे संस्थापक अभिजीत दिपके यांच्या नेतृत्वाखाली शिवाजी पार्क येथे हे आंदोलन झाले. मुख्य निवडणूक आयुक्त ज्ञानेश कुमार यांच्या राजीनाम्याची मागणी हे आंदोलनाचे प्रमुख कारण होते. प्रशासनाने आंदोलनाला परवानगी नाकारली होती. तरीही मोठ्या संख्येने आंदोलक शिवाजी पार्क परिसरात जमले. आंदोलनानंतर स्थानिक वकिलाकडून शिवाजी पार्क पोलीस ठाण्यात तक्रार दाखल करण्यात आली.


याबाबत विचारले असता गृहराज्यमंत्री म्हणाले, आंदोलन करण्याचा अधिकार सर्वांना आहे; मात्र आंदोलनामुळे सर्वसामान्य नागरिकांना त्रास होत असेल किंवा कायदा-सुव्यवस्थेचा प्रश्न निर्माण होत असेल तर पोलीस कायद्याच्या चौकटीत कारवाई करतील. कालच्या आंदोलनात काही असामाजिक घटक सहभागी झाले होते का, याची माहिती घेतली जात असून दोषी आढळल्यास त्यांच्यावर कारवाई करण्यात येईल, असे त्यांनी सांगितले.


आंदोलनात असामाजिक घटक सहभागी झाल्याची तक्रार पोलिसांना प्राप्त झाली आहे. त्यामुळे आंदोलनस्थळावरील सीसीटीव्ही आणि उपलब्ध व्हिडीओ फुटेजच्या आधारे तपास केला जात आहे. काही जण ‘अर्बन नक्षल’ विचारांचे सहभागी होते, या आरोपांचीही शहानिशा केली जात असल्याचे भोयर यांनी सांगितले; मात्र या आरोपांची सत्यता तपासानंतरच स्पष्ट होणार आहे.


दरम्यान, शिवाजी पार्कमध्ये आंदोलन केल्याप्रकरणी स्थानिक वकील सिद्धी देवळेकर यांनी पोलिसांकडे तक्रार केली आहे. मुंबई उच्च न्यायालयाच्या २०१३ मधील आदेशाचा दाखला देत शिवाजी पार्क परिसरात अशा प्रकारच्या आंदोलनांना परवानगी नसल्याचा दावा तक्रारीत करण्यात आला आहे.






समृद्धी महामार्गावर १५ मदत केंद्रे


समृद्धी महामार्गावरील अपघातांचे प्रमाण कमी करण्यासाठी १५ ठिकाणी मदत केंद्रे उभारण्यात आली आहेत. वाहतूक नियमांचे उल्लंघन करणाऱ्या वाहनचालकांवर लक्ष ठेवण्यात येत असून, महामार्गावरील सीसीटीव्ही यंत्रणेतही वाढ करण्यात येणार असल्याचे भोयर यांनी सांगितले. टोलनाक्यांवरून नियमबाह्य वाहनांना प्रवेश मिळू नये, याबाबतही सूचना देण्यात आल्याचे त्यांनी नमूद केले.

Comments
Add Comment

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

Maharashtra Drought : राज्यातील दुष्काळी तालुक्यांत अनावश्यक बांधकामांना स्थगिती

मुंबई : राज्यातील ३१० दुष्काळग्रस्त तालुक्यांमध्ये निर्माण झालेल्या टंचाईसदृश परिस्थितीवर मात करण्यासाठी

Eknath Shinde : उपमुख्यमंत्री एकनाथ शिंदे यांच्या हेलिकॉप्टरमध्ये तांत्रिक बिघाड; पायलटने उड्डाण रोखले

सोलापुर : उपमुख्यमंत्री एकनाथ शिंदे यांच्या पंढरपूर दौऱ्यादरम्यान त्यांच्या

कार्तिकी वारीसाठी 5 कोटींचा निधी! चंद्रभागेच्या घाटावर उतरले उपमुख्यमंत्री एकनाथ शिंदे, स्वतः हातात पाइप घेऊन केली स्वच्छता

पंढरपूर : कार्तिकी एकादशी यात्रेसाठी पंढरपुरात दाखल होणाऱ्या लाखो वारकऱ्यांना स्वच्छ, सुरक्षित आणि दर्जेदार

Pimpri Chinchwad : पिंपरी-चिंचवड वाहतूक पोलिसांचा मोठा निर्णय; 350 बॉडी कॅमेऱ्यांची करडी नजर, आता चुकूनही नियम मोडू नका

पुणे : वाहतूक नियमांची अंमलबजावणी करताना पारदर्शकता आणि उत्तरदायित्व वाढवण्यासाठी पिंपरी-चिंचवड वाहतूक

Sanjay Pandey : माजी पोलीस आयुक्त संजय पांडे यांना मोठा दिलासा; सर्वोच्च न्यायालयाकडून पुनामिया यांची याचिका फेटाळली

मुंबई : माजी मुंबई पोलीस आयुक्त संजय पांडे यांच्याविरोधात दाखल करण्यात आलेले दोन एफआयआर रद्द करण्याच्या मुंबई