Eknath Shinde : उपमुख्यमंत्री एकनाथ शिंदे यांच्या हेलिकॉप्टरमध्ये तांत्रिक बिघाड; पायलटने उड्डाण रोखले

त्यानंतर एकनाथ शिंदे रस्तेमार्गे पुण्याच्या दिशेने रवाना झाले.











सोलापुर : उपमुख्यमंत्री एकनाथ शिंदे यांच्या पंढरपूर दौऱ्यादरम्यान त्यांच्या हेलिकॉप्टरमध्ये तांत्रिक बिघाड झाल्याची घटना समोर आली आहे. कार्तिकी यात्रेची पाहणी करून पुढील प्रवासासाठी निघण्याच्या तयारीत असताना हेलिकॉप्टरमध्ये बिघाड आढळला. त्यामुळे वैमानिकाने खबरदारी घेत उड्डाण रद्द केले. सुदैवाने या घटनेत कोणतीही दुर्घटना घडली नाही. त्यानंतर उपमुख्यमंत्री एकनाथ शिंदे रस्तेमार्गे पुण्याच्या दिशेने रवाना झाले.






टेक-ऑफपूर्वीच वैमानिकाच्या लक्षात आला बिघाड


मिळालेल्या माहितीनुसार, कार्तिकी यात्रेची पाहणी केल्यानंतर एकनाथ शिंदे हेलिकॉप्टरने पुढील प्रवास करणार होते. मात्र, उड्डाणापूर्वीच वैमानिकाच्या लक्षात हेलिकॉप्टरमधील तांत्रिक बिघाड आला. प्राथमिक माहितीनुसार, हेलिकॉप्टरच्या बॅटरीमध्ये समस्या निर्माण झाली होती. त्यामुळे कोणताही धोका न पत्करता वैमानिकाने उड्डाण थांबवण्याचा निर्णय घेतला.



शिंदे कारने पुण्याच्या दिशेने रवाना


हेलिकॉप्टरचे उड्डाण रद्द झाल्यानंतर सुरक्षा यंत्रणांनी पर्यायी प्रवासाची व्यवस्था केली. जिल्हाधिकाऱ्यांच्या विनंतीनंतर एकनाथ शिंदे रस्तेमार्गे पुण्याकडे रवाना झाल्याची माहिती शिवसेनेचे अमोल शिंदे आणि आमदार अभिजीत पाटील यांनी दिली.



यापूर्वीही हेलिकॉप्टरमध्ये बिघाडाच्या घटना


एकनाथ शिंदे यांच्या हेलिकॉप्टरमध्ये यापूर्वीही तांत्रिक अडचणी निर्माण झाल्याच्या घटना घडल्या आहेत. गुजरात दौऱ्यादरम्यान त्यांच्या हेलिकॉप्टरमध्ये बिघाड झाल्याचे वृत्त समोर आले होते.


तसेच, मुंबईहून मुरबाडला जात असताना खराब हवामान आणि धुळीच्या वादळामुळे त्यांच्या हेलिकॉप्टरला जुहू विमानतळावर आपत्कालीन लँडिंग करावे लागले होते. त्या वेळी वैमानिकाने प्रसंगावधान राखत हेलिकॉप्टर मुंबईच्या दिशेने वळवले होते.


पंढरपूरमधील ताज्या घटनेनंतर काही काळ चिंतेचे वातावरण निर्माण झाले होते. मात्र, उपमुख्यमंत्री आणि हेलिकॉप्टरमधील सर्वजण सुरक्षित असल्याची माहिती समोर आल्यानंतर दिलासा मिळाला.






Comments
Add Comment

कार्तिकी वारीसाठी 5 कोटींचा निधी! चंद्रभागेच्या घाटावर उतरले उपमुख्यमंत्रीएकनाथ शिंदे, स्वतः हातात पाइप घेऊन केली स्वच्छता

पंढरपूर : कार्तिकी एकादशी यात्रेसाठी पंढरपुरात दाखल होणाऱ्या लाखो वारकऱ्यांना स्वच्छ, सुरक्षित आणि दर्जेदार

Pimpri Chinchwad : पिंपरी-चिंचवड वाहतूक पोलिसांचा मोठा निर्णय; 350 बॉडी कॅमेऱ्यांची करडी नजर, आता चुकूनही नियम मोडू नका

पुणे : वाहतूक नियमांची अंमलबजावणी करताना पारदर्शकता आणि उत्तरदायित्व वाढवण्यासाठी पिंपरी-चिंचवड वाहतूक

Sanjay Pandey : माजी पोलीस आयुक्त संजय पांडे यांना मोठा दिलासा; सर्वोच्च न्यायालयाकडून पुनामिया यांची याचिका फेटाळली

मुंबई : माजी मुंबई पोलीस आयुक्त संजय पांडे यांच्याविरोधात दाखल करण्यात आलेले दोन एफआयआर रद्द करण्याच्या मुंबई

LPG tanker : ज्वलनशील पदार्थांची अवैध उतराई करणाऱ्यांवर कठोर कारवाई करा- मंत्री प्रताप सरनाईक

मुंबई : एलपीजी, प्रोपिलीन यांसारख्या ज्वलनशील पदार्थांची टँकरमधून ढाबे अथवा अनधिकृत गोदामांमध्ये होणारी उतराई

राज्यात आता ३१० तालुके दुष्काळी - मुख्यमंत्र्यांशी चर्चेनंतर हातकणंगले, गडहिंग्लजचा नव्याने समावेश

मुंबई : राज्यातील दुष्काळी तालुक्यांची संख्या ३१० वर पोहोचली आहे. विक्रमगड, वाडा, दिंडोरी आणि चिपळूण या सोबतच

Varsha Turkar Murder Case : पतीच्या मैत्रिणीच्या हत्येसाठी पत्नीने दिली 13 लाखांची सुपारी; वर्षा तुरकर हत्या प्रकरणाचा उलगडा

गोंदिया : गोंदिया जिल्ह्यातील बोंडराणी जंगलात झालेल्या वर्षा तुरकर हत्या प्रकरणाचा उलगडा करण्यात पोलिसांना यश