Nashik Crime News : बनावट कागदपत्रांच्या आधारे शहरात वास्तव्य, दोन बांगलादेशी नागरिकांना अटक ; नाशिकमध्ये खळबळ

Nashik Crime News : नाशिक शहरात अवैधरित्या वास्तव्य करणाऱ्या दोन बांगलादेशी नागरिकांना पोलिसांनी अटक केली आहे. गुन्हे शाखा युनिट-1 च्या पथकाने पंचवटीतील नवनाथनगर परिसरात ही कारवाई केली. दोघांनी बनावट कागदपत्रांच्या आधारे नावे बदलून नाशिकात वास्तव्य केल्याचे प्राथमिक तपासात समोर आले आहे. या प्रकरणामागे मोठे रॅकेट कार्यरत आहे का, याचा तपास पोलिसांकडून सुरू आहे.



गुप्त माहितीच्या आधारे पोलिसांची कारवाई


गुन्हे शाखा युनिट-1 चे हवालदार प्रवीण वाघमारे आणि विशाल देवरे यांना गुप्त बातमीदारामार्फत नवनाथनगर परिसरात काही बांगलादेशी नागरिक अवैधरित्या राहत असल्याची माहिती मिळाली. या माहितीच्या आधारे पोलिसांनी शुक्रवारी नवनाथनगर परिसरातील शिंदे चाळीत छापा टाकला. यावेळी दोन संशयितांना ताब्यात घेण्यात आले. ही कारवाई पोलीस आयुक्त संदिप कर्णिक, उपायुक्त किरणकुमार चव्हाण आणि सहायक पोलीस आयुक्त संदिप मिटके यांच्या मार्गदर्शनाखाली करण्यात आली.






नाव बदलून नाशिकात वास्तव्य केल्याचा आरोप


पोलिसांच्या माहितीनुसार, अटक करण्यात आलेल्या संशयितांची मूळ नावे मोहम्मद मुशर्रफ हुसेन मुजीर्बुरहमान खोकन आणि मोहम्मद सज्जत हुसेन आशिक अशी आहेत. दोघेही बांगलादेशातील नोवाखाली जिल्ह्यातील रहिवासी असल्याची माहिती पोलिसांनी दिली आहे. नाशिकात मात्र ते अनुक्रमे रोनी अब्दुल शेख (32) आणि आशिक अलीअकबर अन्सारी (22) या नावाने राहत असल्याचे तपासात समोर आले आहे.



घरझडतीत पासपोर्ट, मतदान कार्डसह कागदपत्रे


पोलिसांनी संशयितांच्या घराची झडती घेतली असता त्यांच्याकडे बांगलादेशी नागरिकत्वाशी संबंधित असल्याचे सांगितले जाणारे पासपोर्ट, मतदान कार्ड आणि इतर कागदपत्रे आढळली. तसेच, त्यांच्याकडे आढळलेले आधार कार्ड आणि पॅनकार्ड बनावट असल्याचे प्राथमिक तपासात निष्पन्न झाल्याचे पोलिसांनी सांगितले. दोघांकडे भारतात प्रवेश करण्यासाठी आवश्यक वैध प्रवासी कागदपत्रे आढळून आली नसल्याची माहितीही समोर आली आहे. पोलिसांच्या चौकशीत संशयितांनी भारत-बांगलादेश सीमेवरून अवैध मार्गाने भारतात प्रवेश केल्याची माहिती दिल्याचे पोलिसांकडून सांगण्यात आले. यानंतर दोघांना ताब्यात घेऊन पुढील कायदेशीर प्रक्रिया सुरू करण्यात आली आहे.






घुसखोरीमागे मोठे रॅकेट आहे का ?


या प्रकरणामुळे नाशिकमध्ये अवैधरित्या नागरिकांना आणून त्यांना बनावट कागदपत्रांच्या आधारे वास्तव्य करण्यास मदत करणारे नेटवर्क कार्यरत आहे का, असा प्रश्न उपस्थित झाला आहे. या प्रकरणामागे मोठे रॅकेट असल्याचा संशय असून, त्या दिशेने गुन्हे शाखेकडून तपास सुरू आहे. संशयितांना मदत करणाऱ्या व्यक्तींसह संबंधित घरमालकाचीही चौकशी केली जात आहे. तपासात आणखी कोणाची नावे समोर येतात आणि या प्रकरणामागे नेमके कोणते नेटवर्क कार्यरत आहे, याकडे आता लक्ष लागले आहे.



गुन्हे शाखेच्या पथकाची कारवाई


ही कारवाई गुन्हे शाखा युनिट-1 चे वरिष्ठ निरीक्षक डॉ. अंचल मुदगल, उपनिरीक्षक चेतन श्रीवंत, दत्तात्रेय पोटे, रमीज शेख, राम शिंदे, किरण शिरसाठ, जमादार कैलास चव्हाण, योगीराज गायकवाड, राजेश लोखंडे, हवालदार देविदास ठाकरे, प्रदीप म्हसदे, प्रवीण वाघमारे, रवींद्र आढाव, महेश साळुंके, संदिप भांड, विशाल काठे, विशाल देवरे, मिलिंदसिंग परदेशी आदींच्या पथकाने केली.

Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Crime News : 'तुला सरकारी नोकरी लावून देतो' सांगत घातला 40 लाखांचा गंडा; वडापाव विकणाऱ्या दाम्पत्याची मोठी फसवणूक

कल्याण : कल्याणमध्ये वडापावचा व्यवसाय करणाऱ्या एका दाम्पत्याला सरकारी नोकरी मिळवून देण्याचे आमिष दाखवून 40