Navi Mumbai Water Cut: नवी मुंबईत 16 तास पाणीपुरवठा बंद, कोणकोणत्या परिसराला फटका बसणार? वाचा यादी

नवी मुंबई महानगरपालिका क्षेत्रामध्ये येत्या मंगळवारी पाणीपुरवठा विषयक कामे हाती घेण्यात येणार असल्यामुळे 16 तासांसाठी पाणी पुरवठा बंद ठेवण्यात येणार आहे.

नवी मुंबई: नवी मुंबई महानगरपालिका क्षेत्रामध्ये येत्या मंगळवारी पाणीपुरवठा विषयक कामे हाती घेण्यात येणार असल्यामुळे पाणी पुरवठा बंद ठेवण्यात येणार आहे. भोकरपाडा आणि मोरबे मुख्य जलवाहिनीवर महत्त्वाचे काम हाती घेतल्यामुळे पाणी पुरवठा बंद ठेवण्यात येणार आहे. मंगळवारी तब्बल 16 तासांसाठी नवी मुंबई महानगर पालिका क्षेत्रामध्ये पाणी पुरवठा बंद ठेवण्यात येणार आहे. याचा फटका नवी मुंबई आणि पनवेल परिसरामधील रहिवाशांना बसणार आहे. त्यामुळे महानगरपालिकेने नागरिकांना पाण्याचा जपून वापर करण्याचा सल्ला दिला आहे.






नवी मुंबई महापालिकेने दिलेल्या माहितीनुसार, मंगळवारी 6 ऑक्टोबर रोजी सकाळी 10 वाजेपासून ते बुधवारी मध्यरात्री 2 वाजेपर्यंत महानगरपालिकेमार्फत पाणीपुरवठा विषयक कामे हाती घेण्यात येणार आहेत. भोकरपाडा जलशुद्धीकरण केंद्रातील 13.5 दशलक्ष लिटर क्षमतेच्या पंपाच्या चॅनेल व्हॉल्व्हसाठी एम.एस. प्लेट बसविण्याचे काम केले जाणार आहे. भोकरपाडा जलशुद्धीकरण केंद्रामध्ये नवीन मीटरिंग किऑस्क बसविण्याचे काम केले जाणार आहे. भोकरपाडा जलशुद्धीकरण केंद्राजवळील 2000 मि.मी. व्यासाच्या मोरबे मुख्य जलवाहिनीवर फ्लो मीटर बसविण्याचे काम केले जाणार आहे.






शिवाय, बेलापूर सी.बी.डी. सेक्टर-9 मध्ये मोरबे मुख्य जलवाहिनीवर 1200 मि.मी. व्यासाचा बटरफ्लाय व्हॉल्व्ह बसवण्याचे काम हाती घेतले जाणार आहे. वाशी येथील अरेंजा सर्कलजवळ मोरबे मुख्य जलवाहिनीला जोडलेल्या वितरण जलवाहिनीवर 900 मि.मी. व्यासाचा बटरफ्लाय व्हॉल्व्ह बसवण्याचे काम केले जाणार आहे. महापे येथे मोरबे मुख्य जलवाहिनीला जोडलेल्या वितरण जलवाहिनीवर 800 मि.मी. व्यासाचा बटरफ्लाय व्हॉल्व्ह बसविण्याचे काम केले जाणार आहे. या कामामुळे नवी मुंबई महानगर पालिका क्षेत्रामध्ये 6 ऑक्टोबर आणि 7 ऑक्टोबर रोजी 16 तासांसाठी मुख्य जलवाहिनीवरील पाणीपुरवठा बंद ठेवण्याचा निर्णय घेतला आहे.






या बंदचा फटका बेलापूर, नेरुळ, वाशी, तुर्भे- सानपाडा, कोपरखैरणे, घणसोली आणि ऐरोली विभागांवर होणार आहे. शिवाय, सिडकोच्या खारघर आणि कामोठे नोडमधील पाणीपुरवठाही बंद राहणार आहे. दरम्यान, बुधवारी 7 ऑक्टोबर रोजी पाणीपुरवठा पूर्ववत केल्यानंतर जलवाहिनीतील प्रवाह सुरळीत होण्यासाठी काही वेळ लागण्याची शक्यता आहे. त्यामुळे बुधवारी सकाळचा आणि सायंकाळचा पाणीपुरवठा कमी दाबाने होण्याची शक्यता आहे. नागरिकांनी पाणीपुरवठा बंदच्या कालावधीचा विचार करून आवश्यक पाणीसाठा करून ठेवावा आणि उपलब्ध पाण्याचा जपून वापर करण्याचे आवाहन महापालिकेने केले आहे.

Comments
Add Comment

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Mumbai Tunnel Project : मुंबईच्या वाहतूक कोंडीवर ‘पाताळ लोक’चा उतारा!

मुंबई : मुंबईतील पूर्व आणि पश्चिम उपनगरांमधील प्रवास अधिक वेगवान करण्यासाठी आता जमिनीखालून रस्त्यांचे जाळे

Mumbai Railway News: मध्य रेल्वेचा कसारा मार्गावर मध्यरात्री विशेष ब्लॉक; लोकलसह मेल-एक्सप्रेस गाड्यांच्या वेळापत्रकात बदल

मुंबई : मध्य रेल्वेने कसारा येथे 21 आणि 22 नोव्हेंबरच्या मध्यरात्री विशेष ट्रॅफिक आणि पॉवर ब्लॉक घेण्याचा निर्णय

Dadar Metro Station : दादर मेट्रो स्थानकाचे नाव ‘चैत्यभूमी’ होणार, रेल्वे स्थानकाचे नामकरण नाही; प्रसिद्धीपत्रकातील गोंधळामुळे संभ्रम

मुंबई : दादर रेल्वे स्थानकाचे नाव बदलून ‘चैत्यभूमी’ करण्यात येणार असल्याच्या चर्चेमुळे निर्माण झालेला संभ्रम