Mumbai Pollution : जनरेटरमुळे वाढणारे प्रदुषणही कमी करणार

मुंबई (विशेष प्रतिनिधी) : मुंबईतील सखल भागांमधील पावसाचा तुंबणाऱ्या पाण्याचा निचरा करण्यासाठी महापालिकेच्यावतीने बनवण्यात आलेल्या पंपिंग स्टेशनकरता मोठ्याप्रमाणात डिझेलवर आधारीत जनरेटरचा वापर करण्यात येतो. या डिझेलवर आधारीत जनरेटरमुळे प्रदुषणाचा धोका वाढत असल्यामुळे आता महाराष्ट्र प्रदूषण नियामक मंडळ (एमपीसीबी) यांच्या निकषांनुसार याठिकाणी आता प्रदूषण नियंत्रण प्रणाली बसवण्यात येणार आहे.

पंपिंग स्टेशनच्या जनरेटरवर प्रदुषण नियंत्रण प्रणाली बसवणार


मुंबई (विशेष प्रतिनिधी) : मुंबईतील सखल भागांमधील पावसाचा तुंबणाऱ्या पाण्याचा निचरा करण्यासाठी महापालिकेच्यावतीने बनवण्यात आलेल्या पंपिंग स्टेशनकरता मोठ्याप्रमाणात डिझेलवर आधारीत जनरेटरचा वापर करण्यात येतो. या डिझेलवर आधारीत जनरेटरमुळे प्रदुषणाचा धोका वाढत असल्यामुळे आता महाराष्ट्र प्रदूषण नियामक मंडळ (एमपीसीबी) यांच्या निकषांनुसार याठिकाणी आता प्रदूषण नियंत्रण प्रणाली बसवण्यात येणार आहे.


पर्यावरण, बन आणि हवामान बदल मंत्रालयाच्या अंतर्गत असलेल्या 'राष्ट्रीय स्वच्छ हवा कार्यक्रमानुसार , हवेची गुणवत्ता हळूहळू खालावत चालली आहे. या विहित राष्ट्रीय मानके न पाळल्यामुळे आरोग्यावर विपरीत परिणाम होणे, कृषी उत्पादनात घट आणि परिसंस्थेचे नुकसान होणे यांसारख्या समस्या उद्धभवतात. एनसीएपीमधील एक प्रमुख कृती-मुद्दा म्हणजे डिझेल आधारीत जनरेटवर उत्सर्जन नियंत्रण उपकरण बसवणे आवश्यक आहे. उत्सर्जन नियंत्रण उपकरण हे डीजी सेट च्या धुरातील सूक्ष्म कण , कार्बन मोनोऑक्साईड आणि हाईड्रोकार्बन्स कमी करण्यासाठी वापरले जाणारे एक साधन आहे: ज्याची 'सूक्ष्म कण' उत्सर्जन पकडण्याची क्षमता कमीत कमी ७० टक्के असणे आवश्यक आहे.


उत्सर्जन नियंत्रण उपकरण हे केंद्रीय प्रदूषण नियामक मंडळाच्या मान्यताप्राप्त संस्थाद्वारे प्रमाणित केले जातात. अशाच प्रकारच्या यंत्रणा मुंबई महानगरपालिकेच्या विविध वार्ड कार्यालय इमारती आणि रुग्णालयांमध्ये कार्यान्वित करण्यात आल्या आहेत. फिल्टर नसलेले तंत्रज्ञान डिझेल जनरेटरच्या कार्यात कोणताही अडथळा आणत नाही. स्थिर कार्यपद्धती डिझेल जनित्र सुरू झाल्यापासूनच योग्य प्रकारे कार्य करते. सायलेन्सर डिझेल जनित्रच्या आवाजाची पातळी नियंत्रित ठेवतो. फिल्टर नसलेले तंत्रज्ञान नगण्य बँक प्रेशर प्रदान करते असे अधिकाऱ्यांचे म्हणणे आहे.


हे काम हाती घेण्याबाबत तसेच १५ व्या वित्त आयोगाच्या निधीतून या कामाची आर्थिक तरतूद करण्याबत अति. आयुक्त (पूर्व उपनगरे) यांची यापूर्वीच तत्वतः मंजुरी घेण्यात आली आहे. "महाराष्ट्र प्रदूषण नियामक मंडळाच्या निकषांनुसार पर्जन्य जलवाहिन्या उदंचन केंद्रातील डिझेल जनित्रास प्रदूषण नियंत्रण प्रणाली बसवण्याचा निर्णय घेण्यात आला आहे. याच्या निविदेत जे.के इन्फ्रास्ट्रक्चर या कंपनीची निवड करण्यात आली आहे. यासाठी २३.०७ कोटी रुपये खर्च करण्यात येणार आहेत.


सन २०५० पर्यंत मुंबईला निव्वळ शून्य आणि हवामान लवचिक बनवणे, शाश्वत मार्गाकडे न्याय्य संक्रमण, समावेशक आणि परिवर्तनकारी हवामान उपायांमध्ये गुंतवणूक आणि प्रभावी अंमलबजावणी सुनिश्चित करण्यासाठी मजबूत प्रशासन स्वीकारणे यावर लक्ष केंद्रित करणे हे ध्येय असल्याचे पर्यावरण विभागाने स्पष्ट केले आहे.


पंपिंग स्टेशन आणि डिझेल आधारीत जनरेटरची क्षमता


ब्रिटानिया पंपिंग स्टेशन : ४९५० के.व्ही.ए


लव्हग्रोव्ह पंपिंग स्टेशन : ९००० के.व्ही.ए


क्लीव्ह लँड पंपिंग स्टेशन : ६००० के.व्ही.ए


गझधरबंध पंपिंग स्टेशन : ६७५० के.व्ही.ए

Comments
Add Comment

रावणाचे उदात्तीकरण आणि प्रभू श्रीरामांचा अपमान खपवून घेणार नाही, हिंदु जनजागृती समिती आक्रमक

नुकत्याच प्रदर्शित झालेल्या 'रामायण' चित्रपटात मूळ कथेचा विपर्यास करून रावणाचे उदात्तीकरण आणि प्रभू श्रीराम,

Central Railway : नेव्ही हाफ मॅरेथॉनसाठी मध्य रेल्वेच्या 2 विशेष लोकल; कल्याण आणि पनवेलहून मध्यरात्री सुटणार

मुंबई : ‘डब्ल्यूएनसी नेव्ही हाफ मॅरेथॉन-2026’ मध्ये सहभागी होणाऱ्या धावपटूंच्या सोयीसाठी मध्य रेल्वेने 2 विशेष

Western Railway Mega Block : रविवारी पश्चिम रेल्वेचा ५ तासांचा जम्बो ब्लॉक; चर्चगेट ते मुंबई सेंट्रल दरम्यान रेल्वे वाहतुकीत बदल

मुंबई : पश्चिम रेल्वेच्या मार्गावरून रविवार, २२ नोव्हेंबर २०२६ रोजी प्रवास करणाऱ्यांसाठी महत्त्वाची सूचना आहे.

Tiger Shroff Firing Case : टायगर श्रॉफच्या घराबाहेरील गोळीबार प्रकरणात मोठा ट्विस्ट; फरार अभिषेक पंडितविरोधात 'लूकआऊट' जारी, पत्नीला अटक

मुंबई : बॉलिवूड अभिनेता टायगर श्रॉफ (Tiger Shroff) याच्या निवासस्थानाबाहेर झालेल्या गोळीबार प्रकरणाचा तपास आता अधिक

Tiger Shroff Firing Case : टायगर श्रॉफ गोळीबार प्रकरणात मोठी अपडेट; फरार अभिषेक पंडितविरोधात लुकआऊट नोटीस

मुंबई : अभिनेता टायगर श्रॉफच्या गोळीबार प्रकरणात मुंबई क्राईम ब्रँचने महत्त्वाची कारवाई केली आहे. या प्रकरणातील

Samantha Ruth Prabhu news : समंथा प्रभू आणि राज निदिमोरू यांच्या घरी चिमुकल्या 'देव'चे आगमन; पहिला फोटो शेअर करत व्यक्त केला आनंद

मुंबई : लोकप्रिय अभिनेत्री समंथा रूथ प्रभू (Samantha Prabhu) आणि चित्रपट निर्माते राज निदिमोरू (Raj Nidimoru) यांच्या संसारात एका