Nashik Crime : नाशिक शहरातील उपनगर पोलीस ठाण्याच्या हद्दीत असलेल्या समतानगर आणि राहुल नगर परिसरात मारहाणीची गंभीर घटना समोर आली आहे. जमावाने केलेल्या मारहाणीत सनी भालेराव (वय अंदाजे ३५ ते ३६ वर्षे) या तरुणाचा मृत्यू झाला. या प्रकरणी पोलिसांनी दोघांना चौकशीसाठी ताब्यात घेतले असून, पुढील तपास सुरू आहे.
मिळालेल्या माहितीनुसार, रविवारी रात्री सुमारे आठ वाजण्याच्या सुमारास राहुल नगर परिसरात ही घटना घडली. सनी भालेराव हा समतानगर येथून राहुल नगरमध्ये आला होता. परिसरात तो काही नागरिकांना विनाकारण मारहाण करत असल्याचे प्रत्यक्षदर्शींनी सांगितले. याचदरम्यान त्याने जमिल शेख यांना पकडून ठेवत मारहाण करण्यास सुरुवात केली.
जमिल शेख यांना सोडवण्यासाठी नागरिकांची धाव
जमिल शेख यांना सनीच्या तावडीतून सोडवण्यासाठी परिसरातील नागरिकांनी हस्तक्षेप केला. यावेळी संतप्त झालेल्या नागरिकांनी सनीला मारहाण केली. या घटनेत गंभीर जखमी झालेल्या सनीला त्याच्या नातेवाईकांनी प्रथम बिटको रुग्णालयात दाखल केले. त्यानंतर त्याला पुढील उपचारासाठी जिल्हा शासकीय रुग्णालयात हलवण्यात आले. मात्र, उपचार सुरू असताना डॉक्टरांनी त्याला मृत घोषित केले.
Nashik : आसनगाव-कसारा तिसऱ्या रेल्वेमार्गाच्या कामासाठी कसारा येथे विशेष ट्रॅफिक आणि पॉवर ब्लॉक घेण्यात येत आहे. या ब्लॉकचा परिणाम मुंबईसह नाशिक आणि ...
दोघे पोलीस चौकशीसाठी ताब्यात
घटनेची माहिती मिळताच उपनगर पोलिसांनी तपास सुरू केला. या प्रकरणी जमिल शेख आणि त्यांच्या भावाला चौकशीसाठी ताब्यात घेण्यात आल्याची माहिती समोर आली आहे. घटनेमागील नेमकी परिस्थिती, मारहाणीत सहभागी असलेल्या व्यक्ती आणि मृत्यूची कारणे यांचा पोलीस तपास करत आहेत. या प्रकरणात गुन्ह्याची अधिकृत नोंद आणि पुढील कायदेशीर कारवाईची प्रक्रिया सुरू असल्याचे सांगण्यात येत आहे. तपासानंतर घटनेबाबत अधिक माहिती स्पष्ट होणार आहे.