श्रेयस अय्यरच्या नेतृत्वात सामना पराभवाचा वेग काही भलताच, आतापर्यंत सर्व भारतीय कर्णधारांना टाकलं मागे

1/6 वेस्ट इंडिजविरुद्धच्या चौथ्या सामन्यात भारताचा पराभव झाला आणि मालिका विजयाचं गणित लांबलं. पाच सामन्यांच्या मालिकेत 2-2 अशी बरोबरी झाली आहे. असं असताना श्रेयस अय्यरच्या नेतृत्वात ज्या वेगाने भारताचा पराभव होत आहे, त्या गणितात त्याने इतर भारतीय कर्णधारांना मागे सोडलं आहे. (Photo: ANI)

2/6 श्रेयस अय्यरने आतापर्यंत 20 टी20 सामन्यात भारताचं नेतृत्व केलं आहे. त्यात जेवढ्या सामन्यात पराभवाचं तोंड पाहिलं आहे, ती आकडेवारी पाहता त्याने इतर कर्णधारांना मागे टाकलं आहे. पहिल्या 20 टी20 सामन्यात सर्वाधिक सामने गमावणारा भारतीय कर्णधार ठरला आहे. (Photo: ANI)

3/6 श्रेयस अय्यरने पहिल्या 20 टी20 आंतरराष्ट्रीय सामन्यापैकी 8 सामने गमावले आहेत. त्यामुळे श्रेयस अय्यरच्या नावावर नकोसा विक्रम रचला गेला आहे. यासह त्याने महेंद्रसिंह धोनीच्या विक्रमची बरोबरी केली आहे. धोनीच्या नेतृत्वात पहिल्या 20 टी20 आंतरराष्ट्रीय सामन्यात भारताने 8 सामने गमावले होते. तर विराट कोहलीच्या नेतृत्वात 7 सामने गमावले आहेत. (Photo: ANI)

4/6 टी20 आंतरराष्ट्रीय क्रिकेटमध्ये सर्वाधिक सामने गमावणारा भारतीय कर्णधार म्हणून धोनीच्या नावावर नकोसा विक्रम आहे. त्याने 70 सामन्यात नेतृत्व केलं आणि त्यापैकी 28 सामने गमावले आहेत. तर श्रेयस अय्यरच्या नेतृत्वात भारताने 20 पैकी 8 सामन्यात पराभवाचं तोंड पाहिलं आहे. अय्यरच्या नेतृत्वात पराभवाची टक्केवारी अशीच राहिली तर आरामात धोनीला मागे टाकेल. (Photo: ANI)

5/6 टी20 वर्ल्डकप 2026 स्पर्धेनंतर श्रेयस अय्यरने कर्णधार म्हणून सूर्यकुमार यादवची जागा घेतली. पण अय्यरच्या नेतृत्वात पराभवाची मालिका पाहता आता क्रीडाप्रेमींना चिंता वाटू लागली आहे. सूर्यकुमार यादवच्या नेतृत्वात भारताला 50व्या टी20 सामन्यात आठवा पराभव सहन करावा लागला होता. (Photo: ANI)

6/6 भारत आणि वेस्ट इंडिज यांच्यात घरच्या मैदानावर सामना सुरू असूनही नाजूक स्थिती आहे. आता मालिका खिशात घालण्यासाठी शेवटचा काहीही करून जिंकणं भाग आहे. यापूर्वी वेस्ट इंडिजविरुद्धच्या भारतात खेळलेल्या 11 टी20 सामन्यात भारताने फक्त 2 सामने गमावले होते. पण श्रेयस अय्यरच्या नेतृत्वात 4 पैकी 2 सामन्यात पराभवाचं तोंड पाहिलं आहे. (Photo: ANI)