ठाणे: महाराष्ट्रातील दुष्काळाचा फटका आता केवळ शेती आणि पिकांपुरता मर्यादित राहिलेला नाही. सामान्य नागरिकाच्या खिशाला सुद्धा आता दुष्काळाची झळ बसू लागलेली आहे. दररोज लागणारं दूध आता महाग होण्याची शक्यता आहे. त्यामुळे सामान्य नागरिकांचं बजेट पुन्हा कोलमडण्याची शक्यता आहे. भिवंडीकरांना आता दुधासाठी जास्तीचे पैसे मोजावे लागण्याची शक्यता आहे. कारण, जे नागरिक स्थानिक गोठ्यांमधून दुधाची खरेदी करतात. त्यांना एका लीटरसाठी 100 रूपये मोजावे लागणार आहे. ऐन सणासुदीच्या काळामध्ये दुधाचे भाव वाढले असून मिठाईसह इतरत्र पदार्थांच्याही आता किंमत वाढण्याची शक्यता आहे.
सचिन धानजी, मुंबई मुंबई महापालिकेच्यावतीने हाती घेण्यात आलेल्या विस्तारीत मुंबई सागरी किनारी रस्ता(मुंबई कोस्टल रोड प्रकल्प उत्तर) प्रकल्पांतर्गत ...
अल निनोमुळे संपूर्ण महाराष्ट्रामध्ये परतीच्या पाऊसाने पाठ फिरवल्यामुळे शेतकरी राजा निराश झाला आहे. यामुळे मोठ्या प्रमाणावर चाऱ्याचे भाव वाढले आहेत. भिवंडीतील गोठ्यांमधून विकल्या जाणाऱ्या दुधाचा भाव जवळपास 100 रुपये प्रति लिटरवर पोहोचला आहे. सणासुदीच्या काळात मागणी वाढल्याने सामान्य नागरिकांचं महिन्याचं बजेट कोलमडलं आहे. ग्राहकांना वाढत्या महागाईमुळे एका लीटर दुधासाठी मोठ्या प्रमाणावर किंमत मोजावी लागत आहे. गोठा चालकांचं असं म्हणणं आहे की, जनावरांचे खाद्य, चारा आणि पशुधनासह अनेक गोष्टींचे भाव वाढले आहे, त्यामुळे आमचा नफा देखील कमी झाला आहे. ज्यामुळे दूध उत्पादन टिकवून ठेवणे अधिकाधिक कठीण होत आहे.
भिवंडीतील स्थानिक डेअरी चालकांनी आणि दूध विक्रेत्यांनी वेळोवेळी दुधाच्या किरकोळ दरात प्रति लिटर मागे ₹2 ते ₹4 ने वाढ केली आहे. या नव्या दरांमुळे सामान्य नागरिकाच्या खिशाला झळ बसणार आहे. ऐन सणासुदीच्या दिवसांमध्ये सामान्य नागरिकांचं महिन्या काठी असणारं बजेट कोलमडण्याची शक्यता आहे. ज्यांच्या घरी लहान मुले, ज्येष्ठ नागरिक आणि पौष्टिक आहाराची गरज असलेल्या लोकांच्या घरी दूधाची मागणी मोठ्या प्रमाणावर असते. त्यांना यासाठी मोठा बसण्याची शक्यता आहे. सणासुदीच्या काळात दुधाचा वापर आणि वाढत्या मागणीमुळे दुकानांमध्ये दुधाचा तुटवडा भासण्याची शक्यता आहे. दूध डेअरी चालकांनी एकमताने, वाढती महागाई पाहून खर्चाच्या दृष्टीनेच दुधाच्या किंमतीचे दर ठरवण्याचा निर्णय घेतला आहे.
ठाणे: मुंबई प्रमाणेच, ठाणे शहरातही मोठ्या प्रमाणावर वाहतूक कोंडी पाहायला मिळते. शहरातील वाहतूक कोंडीचा प्रश्न कायमचा सोडवण्यासाठी MMRDA कडून दुसऱ्या ...
भिवंडी तालुका दूध उत्पादक आणि विक्रेते संघटनेचे अध्यक्ष आनंद गाडरे यांनी 'फ्री प्रेस जर्नल'सोबत संवाद साधताना म्हणाले की, दुधाच्या किंमती वाढत आहे, हे प्रत्येक सामान्य व्यक्तीला कळतंय. परंतु जनावरांच्या देखभालीसाठी लागणार खर्च, त्यांच्यासाठी लागणारा चारा यासाठी लागणाऱ्या खर्चाकडे ते दुर्लक्ष करत आहेत. उत्पादन खर्च पाहता दुधाची किंमत वाढलेली नाही. जनावरांचे खाद्य आणि चारा महाग झाले आहेत. गेल्या 20 ते 25 दिवसांत पशुखाद्याच्या दरात मोठी वाढ झाली आहे. पूर्वी 38 ते 40 रुपये प्रति किलो दराने मिळणारी पेंड आता 50 रुपये प्रति किलोच्या पुढे गेली आहे. पशुखाद्याचा उप- उत्पादन असलेल्या चुनीचा भाव 30 ते 32 रुपयांवरून 40 रुपये प्रति किलोपर्यंत दर गेला आहे.
भुसा, म्हणजेच सुक्या चाऱ्याचा भाव 950 ते 960 रुपयांवरून 1370 रुपयांपर्यंत गेली आहे. भाताचा पेंढा, जो पूर्वी 7 ते 8 रुपये प्रति किलो दराने उपलब्ध होता, तो आता 24 रुपये प्रति किलोवर पोहोचल्याचे वृत्त आहे. गवताचे भाव 22 ते 23 रुपयांवरून 30 रुपये प्रति किलोपर्यंत वाढले आहेत, तर भुसा आणि पशुखाद्याच्या मिश्रणाचे भाव 38 ते 40 रुपयांवरून 50 रुपये प्रति किलोच्या पुढे गेले आहेत. ज्वारी आणि बाजरीच्या काड्यांचा भुसा, जो पूर्वी 15 ते 16 रुपये प्रति किलो दराने मिळत होता, तो आता 20 रुपयांपेक्षा जास्त झाला आहे.
मुंबई: बृहन्मुंबई महानगर पालिकेकडून मुंबई शहरामध्ये बेकायदेशीर बॅनर, फ्लेक्स आणि पोस्टर विरोधात धडक कारवाई करण्यात येत आहे. गेल्या आठवड्यामध्ये ...
पशुधन खरेदीचा खर्चही मोठ्या प्रमाणात वाढला आहे. जर तुम्ही आज गाय खरेदी करण्यासाठी गेलात तर तुम्हाला 1 लाखापेक्षा जास्त पैसे मोजून गाय खरेदी करावी लागते. तर पूर्वी 1 लाख ते 1.50 लाख रुपये असलेली म्हशीची किंमत आता 2 लाख ते 3 लाख रुपयांपर्यंत पोहोचली आहे, असे गाडरे म्हणाले. शेतकऱ्यांना औषधे, पशुवैद्यकीय सेवा आणि दैनंदिन देखभालीचा खर्चही पाहावा लागतो, ज्यामुळे दुधाचे प्रमाण वाढते.