Mumbai News: मुंबई आणि बंगळुरू दरम्यान प्रवास करणाऱ्या प्रवाशांसाठी वंदे भारत स्लीपर एक्स्प्रेसबाबत महत्त्वाची माहिती समोर आली आहे. ही ट्रेन 1 नोव्हेंबरपासून सुरू होण्याची शक्यता वर्तवली जात आहे. बंगळुरूचे खासदार पी. सी. मोहन यांनी सोशल मीडियावर याबाबत माहिती दिली आहे. मात्र, रेल्वे प्रशासनाकडून अद्याप या तारखेला अधिकृत दुजोरा मिळालेला नाही.
Jalgaon : सणासुदीच्या काळात रेल्वे गाड्यांमध्ये होणारी प्रवाशांची गर्दी लक्षात घेऊन मध्य रेल्वेने जळगाव ते पानिपतदरम्यान विशेष रेल्वे चालविण्याचा ...
लोणावळ्यापर्यंत चाचणी
मिळालेल्या माहितीनुसार, गेल्या आठवड्यात मुंबई-पुणे रेल्वे मार्गावर वंदे भारत स्लीपर ट्रेनची लोणावळ्यापर्यंत चाचणी घेण्यात आली. या चाचणीदरम्यान रिकाम्या ट्रेनच्या तांत्रिक बाबी आणि वेगाशी संबंधित निकष तपासण्यात आले. यापूर्वीही ट्रेनच्या अंतिम चाचण्यांसाठी तिचा रेक मुंबई आणि बंगळुरूमध्ये दाखल झाल्याचे सांगण्यात आले होते.
प्रवासाच्या वेळेत होणार बचत?
सध्या मुंबई ते बंगळुरू रेल्वे प्रवासासाठी सुमारे 24 तास लागू शकतात. वंदे भारत स्लीपर ट्रेनमुळे हा प्रवास 16 तासांपेक्षा कमी वेळेत पूर्ण होण्याची शक्यता व्यक्त केली जात आहे. असे झाल्यास प्रवाशांचे सुमारे 8 तास वाचू शकतात. मात्र, प्रत्यक्ष प्रवासाचा कालावधी रेल्वेच्या अधिकृत वेळापत्रकानंतरच स्पष्ट होईल.
823 प्रवाशांची क्षमता
दिलेल्या माहितीनुसार, या ट्रेनमध्ये 16 स्लीपर कोच असून एकूण 823 प्रवासी प्रवास करू शकतील. ही ट्रेन आठवड्यातून 6 दिवस दोन्ही दिशांनी चालवण्याचे नियोजन असल्याचे सांगितले जात आहे.
या मार्गावर कल्याण, पुणे, सोलापूर, कलबुर्गी, वाडी, रायचूर, गुंतकल, अनंतपूर आणि धर्मावरम या स्थानकांवर थांबे असण्याची शक्यता आहे. मात्र, अंतिम थांबे, वेळापत्रक, तिकीट दर आणि सेवा सुरू होण्याची तारीख याबाबत रेल्वेच्या अधिकृत घोषणेची प्रतीक्षा आहे.
