मुंबई: संपूर्ण राज्यावर दुष्काळाचं सावट घोंगवतंय. महाराष्ट्र दुष्काळामध्ये होरपळून निघत असताना सरकारकडून शेतकऱ्यांना मदतीचा हात दिला जात आहे. मुख्यमंत्री, दोन्हीही उपमुख्यमंत्री आणि पालकमंत्री आपल्या जिल्ह्याचा दुष्काळदौरे करत सरकारच्या माध्यमातून मदत करत आहेत. असं असताना आता दुष्काळग्रस्त शेतकऱ्यांच्या मुलांसाठीही सरकारने महत्त्वाचा निर्णय घेतला आहे. उच्च व तंत्र शिक्षण मंत्रालयाने, दुष्काळग्रस्त तालुक्यांतील विद्यार्थ्यांना आर्थिक दिलासा देण्यासाठी परीक्षा शुल्कमाफीचा निर्णय घेतला आहे. या निर्णयामुळे शेतकऱ्यांना फार मोठा दिलासा मिळाला आहे.
अहिल्यानगर: अहिल्यानगर जिल्ह्यातील दुष्काळी परिस्थितीच्या पार्श्वभूमीवर तलावांतील गाळ काढण्यासाठी विशेष मोहीम हाती घेऊन त्याचे सूक्ष्म नियोजन ...
परीक्षा शुल्कमाफीच्या निर्णयाची अंमलबजावणी अगदी प्रभावीपणे सुरू असून, आतापर्यंत तब्बल 2 लाख 40 हजार 365 विद्यार्थ्यांनी परीक्षा शुल्काचा एकही रुपया न भरता ‘झिरो चलन’ सुविधेद्वारे परीक्षा अर्ज दाखल केले असल्याची माहिती उच्च- तंत्र शिक्षण मंत्री चंद्रकांत पाटील यांनी आज दिली. उच्च- तंत्र शिक्षण मंत्री चंद्रकांत पाटील म्हणाले की, "दुष्काळग्रस्त तालुक्यांतील विद्यार्थ्यांना आर्थिक अडचणींमुळे शिक्षणात अडथळे येऊ नयेत. या उद्देशाने विद्यार्थ्यांकडून परीक्षा शुल्क आकारू नये. असा निर्णय राज्य शासनाने घेतलाय. या निर्णयाची अंमलबजावणी सुरळीतपणे व्हावी आणि पात्र विद्यार्थ्यांना सवलतीचा लाभ मिळावा, यासाठी संचालनालय, विद्यापीठे आणि परीक्षा विभागाच्या स्तरावर आवश्यक यंत्रणा कार्यरत करण्यात आली आहे. या प्रक्रियेचा विभागाकडून सातत्याने आढावा घेतला जात आहे."
अहिल्यानगर: संपूर्ण महाराष्ट्र दुष्काळामध्ये होरपळून निघत आहे. महाराष्ट्र दुष्काळाच्या सावटाखाली असताना शेतकऱ्यांसह मच्छीमार बांधवांना ...
"विद्यार्थ्यांना परीक्षा अर्ज भरताना शुल्क भरावे लागू नये, यासाठी अर्ज प्रक्रियेत ‘झिरो चलन’ हा पर्याय उपलब्ध करून देण्यात आला आहे. त्या पर्यायामुळे दुष्काळग्रस्त भागातील विद्यार्थ्यांना कोणतेही परीक्षा शुल्क न भरता परीक्षा अर्ज दाखल करता येत आहे. शिवाय, सर्व विद्यापीठांनी परीक्षा शुल्कमाफीच्या अंमलबजावणीसंदर्भात परिपत्रके सुद्धा जारी केली आहेत. दरम्यान, ज्या विद्यार्थ्यांनी यापूर्वी परीक्षा शुल्क भरले आहे, त्यांना भरलेले शुल्क परत करण्याची प्रक्रियाही सुरू करण्यात आली आहे. दुष्काळग्रस्त भागातील कोणताही पात्र विद्यार्थी परीक्षा शुल्कमाफीच्या लाभापासून वंचित राहू नये, तसेच विद्यार्थ्यांना या सवलतीचा लाभ घेताना कोणतीही अडचण येऊ नये.", यासाठी उच्च- तंत्र शिक्षण मंत्री चंद्रकांत पाटील यांनी सर्व विद्यापीठांना स्पष्ट सूचना दिल्या आहेत.
नवी मुंबई: युवतींचा व्यक्तिमत्त्व विकास, आरोग्यविषयक जागरूकता, स्वसंरक्षण, उद्योजकता आणि भारतीय संस्कृतीतील स्त्रीशक्तीचा परिचय या उद्देशाने ...
विद्यार्थ्यांना परीक्षा शुल्क माफीसंदर्भात शैक्षणिक अडचण असल्यास संबंधित विद्यापीठाच्या परीक्षा व मूल्यमापन मंडळ किंवा जनसंपर्क अधिकारी, विद्यार्थी विकास विभागाशी संपर्क साधावा असे आवाहन उच्च व इतर तंत्र शिक्षण विभागाने केले आहे.
विद्यापीठनिहाय संपर्क अधिकारी
- मुंबई विद्यापीठ, मुंबई- परीक्षा व मूल्यमापन मंडळाचे संचालक डॉ. पूजा रौंदळे (9322020589), जनसंपर्क अधिकारी लीलाधर बनसोड (9833969977)
- सावित्रीबाई फुले पुणे विद्यापीठ, पुणे- परीक्षा व मूल्यमापन मंडळाचे संचालक डॉ. राजेंद्र तलवारे (9890642431), विद्यार्थी विकास संचालक डॉ. सविता कुलकर्णी (7720036774) आणि अजय ठुबे (7588169134)
- शिवाजी विद्यापीठ, कोल्हापूर- परीक्षा व मूल्यमापन मंडळाचे संचालक डॉ. अजितसिंग एन. जाधव (9545595999), विद्यार्थी विकास संचालक अलोक जत्राटकर (8698928080)
- पुण्यश्लोक अहिल्यादेवी होळकर सोलापूर विद्यापीठ, सोलापूर- परीक्षा व मूल्यमापन मंडळाचे संचालक डॉ. अंधारे (9975055155), विद्यार्थी विकास संचालक डॉ. काळवणे (7020634502)