Crime News: दोन लाख रुपयांच्या कर्जाच्या परतफेडीवरून वारंवार धमक्या आणि छळ होत असल्याच्या आरोपातून पनवेलमध्ये एक धक्कादायक घटना घडली आहे. भोकरपाडा येथील हिरानंदानी फॉर्च्युन सिटीमधील एका महिलेने आपल्या दोन अल्पवयीन मुलांसह राहत्या इमारतीच्या 11 व्या मजल्यावरून उडी घेतल्याचा आरोप आहे. या घटनेत तिघांचाही मृत्यू झाला. याप्रकरणी दोन जणांविरोधात गुन्हा दाखल करण्यात आला असून ते सध्या फरार आहेत.
Crime News: ठाणे जिल्ह्यातील डोंबिवली येथील मोठागाव परिसरात मित्राच्या हत्येचे धक्कादायक प्रकरण समोर आले आहे. किरकोळ वादातून मित्राला मारहाण करून त्याची ...
कर्जाच्या परतफेडीवरून धमक्या दिल्याचा आरोप
मृत महिलेचे पती मच्छिंद्र नारायण पोपेटे (42) यांनी पोलिसांत तक्रार दाखल केली आहे. त्यांच्या तक्रारीनुसार, आरोपींनी 2024 मध्ये त्यांना 2 लाख रुपये कर्ज दिले होते. मात्र, गेल्या 15 दिवसांपासून कर्जाच्या परतफेडीवरून ते पोपेटे आणि त्यांच्या पत्नीला वारंवार धमक्या देत होते.
रसायनी पोलीस ठाण्याचे सहायक पोलीस निरीक्षक अभिजित भुजबल यांनी दिलेल्या माहितीनुसार, सोमवारी रात्री सुमारे 8.45 वाजता आरोपी पोपेटे यांच्या घरी गेले होते. त्यांनी फोनवरूनही धमक्या दिल्याचा आरोप आहे.
दरवाजा तोडण्याचा प्रयत्न केल्याचा दावा
तक्रारीनुसार, आरोपींनी घराच्या मुख्य दरवाजाला लाथ मारून तो जबरदस्तीने उघडण्याचा प्रयत्न केला. तसेच कुटुंबाला शिवीगाळ करून धमकावल्याचा आरोप आहे. या सततच्या त्रासामुळे पत्नी मानसी यांना तीव्र मानसिक तणावाचा सामना करावा लागत होता, असे पतीने तक्रारीत म्हटले आहे.
आईसह दोन मुलांचा मृत्यू
ही घटना सोमवारी रात्री सुमारे 8.55 वाजण्याच्या सुमारास घडली. मृतांची ओळख मानसी मच्छिंद्र पोपेटे (32) आणि त्यांची मुले रुद्र (11) व हंसिका (6) अशी झाली आहे. हे कुटुंब भोकरपाडा येथील हिरानंदानी फॉर्च्युन सिटीमधील मिनर्व्हा सोसायटीमध्ये राहत होते.
दोन आरोपी फरार; पोलिसांकडून शोध सुरू
या प्रकरणी मंगळवारी पहाटे रसायनी पोलीस ठाण्यात आत्महत्येस प्रवृत्त करणे, धमकी देणे आणि अतिक्रमण यांसंबंधीच्या कलमांखाली गुन्हा दाखल करण्यात आला आहे. विश्वनाथ देसाई आणि अरुण विश्वनाथ देसाई अशी आरोपींची नावे असून, दोघेही पनवेलचे रहिवासी आहेत. सध्या ते फरार असून पोलिसांकडून त्यांचा शोध सुरू आहे.