नवी दिल्ली : दक्षिण दिल्लीतील सैदुलाजाब परिसरात असलेल्या किया कार शोरूमला शुक्रवारी दुपारी भीषण आग लागल्याची घटना घडली. या आगीत शोरूममधील अनेक वाहनांचे नुकसान झाले असून 7 जण जखमी झाले आहेत. इमारतीत अडकलेल्या सुमारे 12 ते 15 जणांची सुटका करण्यात आल्याची माहिती अधिकाऱ्यांनी दिली.
दुपारी 3.45 वाजता आगीची माहिती
अधिकाऱ्यांच्या माहितीनुसार, शुक्रवारी दुपारी सुमारे 3.45 वाजता साकेत मेट्रो स्थानकासमोरील किया कार शोरूमला आग लागल्याची माहिती अग्निशमन विभागाला मिळाली. घटनेची माहिती मिळताच अग्निशमन दल, पोलीस आणि संबंधित यंत्रणांना तातडीने घटनास्थळी रवाना करण्यात आले. उपविभागीय दंडाधिकारी (SDM) आणि पोलीस ठाण्याचे प्रभारी अधिकारी (SHO) यांनीही घटनास्थळी धाव घेतली. आग आटोक्यात आणण्यासाठी तसेच इमारतीतील नागरिकांना सुरक्षित बाहेर काढण्यासाठी बचावकार्य सुरू करण्यात आले.
नवी दिल्ली: पत्रकार तरुण तेजपाल यांना सर्वोच्च न्यायालयाकडून मोठा दणका बसला आहे. मुंबई उच्च न्यायालयाच्या गोवा खंडपीठाने 2013 च्या लैंगिक अत्याचार ...
अनेक वाहनांचे नुकसान; जखमींवर उपचार
शोरूममध्ये लागलेल्या आगीमुळे अनेक कारचे नुकसान झाले आहे. या दुर्घटनेत 7 जण जखमी झाल्याची प्राथमिक माहिती समोर आली आहे. इमारतीत उपस्थित असलेल्या सुमारे 12 ते 15 जणांची सुटका करण्यात आली. आगीचे नेमके कारण अद्याप स्पष्ट झालेले नाही. अग्निशमन दल आणि पोलीस यंत्रणांकडून घटनेची माहिती घेतली जात असून पुढील तपास सुरू आहे. दिल्लीतील या आगीच्या घटनेमुळे परिसरात काही काळ भीतीचे वातावरण निर्माण झाले होते.