बॉलिवूडची 'धकधक गर्ल' माधुरी दीक्षित सध्या एका वेगळ्याच कारणामुळे चर्चेत आली आहे. अभिनेत्रीचा अभिनय आणि तिच्या सौंदर्याची नेहमीच चर्चा होत असते. मात्र, यावेळी चर्चेचा विषय ठरला आहे तो म्हणजे तिचा मोठा मुलगा अरिन नेने आणि त्याच्यासोबत दिसलेली एक मिस्ट्री गर्ल! प्रसिद्ध फॅशन डिझायनर मनीष मल्होत्रा यांच्या दिवाळी पार्टीत माधुरी संपूर्ण कुटुंबासह पोहोचली होती. यावेळी तिच्यासोबत पती डॉ. श्रीराम नेने, मुलगा अरिन आणि एक तरुणीही दिसली. या चौघांचा व्हिडीओ सोशल मीडियावर व्हायरल होत असून माधुरी लवकरच सासूबाई होणार का, अशा चर्चा रंगू लागल्या आहेत.(Madhuri Dixit son Ryan Nene)
मनीष मल्होत्राच्या दिवाळी पार्टीत नेने कुटुंबाची उपस्थिती
बॉलिवूडमध्ये दिवाळी पार्ट्यांचा उत्साह पाहायला मिळत आहे. अलीकडेच प्रसिद्ध फॅशन डिझायनर मनीष मल्होत्रा यांनी मुंबईतील त्यांच्या घरी भव्य दिवाळी पार्टीचे आयोजन केले होते. या पार्टीला बॉलिवूडमधील अनेक कलाकारांनी हजेरी लावली. अभिनेत्री माधुरी दीक्षितदेखील पती डॉ. श्रीराम नेने आणि मोठा मुलगा अरिन नेने यांच्यासोबत या पार्टीत सहभागी झाली होती. मात्र, यावेळी नेने कुटुंबासोबत आणखी एक तरुणी दिसल्याने सर्वांचे लक्ष वेधले गेले. अरिन आणि ही तरुणी एकत्र पार्टीत पोहोचल्याचे व्हिडीओमध्ये दिसत आहे. त्यानंतर सोशल मीडियावर त्यांच्या नात्याबाबत चर्चा सुरू झाली.
मुंबई: मराठवाड्यातील पाण्याचा प्रश्न कायमस्वरूपी निकाली काढून हा भाग दुष्काळमुक्त करण्यासाठी राज्य सरकारने आता पावले उचलली आहेत. मुख्यमंत्री ...
कोण आहे ही मिस्ट्री गर्ल?
माधुरीचा मुलगा अरिनसोबत दिसलेल्या या तरुणीला काही मीडिया रिपोर्ट्समध्ये खुशी असे म्हटले जात आहे. ती अरिनची कथित गर्लफ्रेंड असल्याची चर्चा आहे. दोघेही यापूर्वी अमेरिकेतील काही क्षण सोशल मीडियावर शेअर करत असल्याचेही वृत्त आहे. दिवाळी पार्टीतील व्हिडीओमध्ये ही तरुणी अरिन, माधुरी ,डॉ. श्रीराम नेने यांच्यासोबत पोज देताना दिसतात. त्यामुळे चाहत्यांमध्ये उत्सुकता वाढली आहे. मात्र, अरिन किंवा माधुरीने त्यांच्या नात्याबाबत अथवा लग्नाबाबत कोणतीही अधिकृत घोषणा केलेली नाही.(Madhuri Dixit son Arin Nene)
गुलाबी साडीतील माधुरीचा सुंदर अंदाज
या पार्टीत माधुरी दीक्षितने गडद गुलाबी रंगाची साडी परिधान केली होती. साडीला सॅटिन फिनिश असून तिच्या काठावर चंदेरी आणि पांढऱ्या रंगाचे नाजूक भरतकाम करण्यात आले होते. स्लीव्हलेस ब्लाउज, आकर्षक कानातले, डायमंड रिंग आणि मोती व क्रिस्टल्सने सजवलेली पोटली बॅग असा तिचा लूक होता. मोकळे कुरळे केस आणि हलक्या मेकअपमध्ये माधुरीचा पारंपरिक अंदाज चाहत्यांना विशेष आवडला. तिच्या या लूकचे फोटो आणि व्हिडीओ सोशल मीडियावर चर्चेत आहेत.
Madhuri and family at Manish Malhotra’s Diwali event
She looks so young in this new pink?
What exact shade of pink is she wearing? https://t.co/Wiperm7i6Q
— Nisha Yadav (@valuecraft_) November 6, 2026
डॉ. श्रीराम नेने यांचाही हटके लूक
माधुरीचे पती डॉ. श्रीराम नेने यांनी या पार्टीसाठी पांढऱ्या रंगाचा पेहराव निवडला होता. पांढऱ्या रंगाचे भरतकाम असलेले जॅकेट, त्याला साजेसा शर्ट आणि ट्राउझर असा त्यांचा लूक होता. माधुरी आणि श्रीराम नेने यांची जोडी पार्टीत लक्ष वेधून घेत होती.(Madhuri Dixit prospective daughter in law)
कोण आहे अरिन नेने?
माधुरी दीक्षित आणि डॉ. श्रीराम नेने यांना दोन मुलगे आहेत. त्यापैकी अरिन हा त्यांचा मोठा मुलगा असून रायन हा धाकटा मुलगा आहे. अरिन नेने सामान्यतः प्रसिद्धीपासून दूर राहणे पसंत करतो. त्याने अमेरिकेतील युनिव्हर्सिटी ऑफ सदर्न कॅलिफोर्नियामध्ये शिक्षण घेतले आहे. तसेच करण जोहर यांच्या 'रॉकी और रानी की प्रेम कहानी' या चित्रपटासाठी सहाय्यक दिग्दर्शक म्हणून काम केल्याचाही उल्लेख काही वृत्तांमध्ये आहे.
सोशल मीडियावर व्हिडीओची चर्चा
दिवाळी पार्टीतील माधुरी आणि तिच्या कुटुंबाचा व्हिडीओ समोर आल्यानंतर सोशल मीडियावर चाहत्यांच्या विविध प्रतिक्रिया पाहायला मिळत आहेत. माधुरीचा मुलगा मोठा झाल्याचे पाहून अनेकांनी आश्चर्य व्यक्त केले आहे. तर काही चाहत्यांनी माधुरी आता सासूबाई होणार का, असा प्रश्न उपस्थित केला आहे. मात्र, सध्या या सगळ्या चर्चा असून लग्न किंवा साखरपुड्याबाबत कोणतीही अधिकृत माहिती समोर आलेली नाही.(Madhuri Dixit son dating rumors)