Ayodhya Deepotsav: अयोध्या 30 लाख दिव्यांनी उजळणार! 2,100 ड्रोनचा भव्य कार्यक्रम

दिवाळीच्या उत्साहात देशभरात विविध ठिकाणी रोषणाई आणि धार्मिक कार्यक्रमांचे आयोजन केले जाते. दरवर्षी प्रमाणेच यावेळीस अयोध्येतील दीपोत्सव थोडा खास असणार आहे. प्रभू श्रीरामांच्या नगरीत यंदा 7 नोव्हेंबर रोजी छोटी दिवाळीच्या निमित्ताने 10 व्या भव्य दीपोत्सवाचे आयोजन करण्यात आले आहे. यानिमित्ताने संपूर्ण अयोध्या नगरी दिव्यांच्या प्रकाशाने उजळून निघणार आहे.(Ayodhya Deepotsav)

56 घाटांवर 30 लाखांहून अधिक दिवे

यंदाच्या दीपोत्सवाचे सर्वात मोठे आकर्षण म्हणजे सरयू नदीच्या किनाऱ्यावरील 56 घाटांवर लावण्यात येणारे 30 लाखांहून अधिक दिवे. राम की पैडीसह विविध घाटांवर दिवे लावण्याची तयारी करण्यात आली आहे. या भव्य आयोजनासाठी सुमारे 35 हजार विद्यार्थी आणि स्वयंसेवक सहभागी होणार आहेत. 2017 मध्ये अयोध्येत दीपोत्सवाची सुरुवात झाली होती. त्यावेळी सुमारे 1.71 लाख दिवे लावण्यात आले होते. आता हा आकडा 30 लाखांहून अधिक झाला आहे. त्यामुळे यंदाही नवीन विक्रम करण्याचे उद्दिष्ट ठेवण्यात आले आहे.(30 Lakh Diyas)

2100 ड्रोनमधून दिसणार रामायण

यंदाच्या दीपोत्सवात आधुनिक तंत्रज्ञानाचा वापर करून आकाशात रामायणातील प्रसंग साकारले जाणार आहेत. यासाठी 2,100 स्वदेशी ड्रोनचा वापर केला जाणार आहे. भगवान श्रीरामांच्या जीवनातील महत्त्वाचे प्रसंग आणि रामायणातील विविध दृश्ये आकाशात साकारली जातील. याशिवाय 3D प्रोजेक्शन मॅपिंग आणि लेझर शोदेखील आयोजित करण्यात आला आहे. त्यामुळे अयोध्येतील दीपोत्सवाला आधुनिक तंत्रज्ञानाची जोड मिळणार आहे.(2,100 Drones Show)

सरयू नदीची भव्य महाआरती यंदा का आहे विशेष?

दीपोत्सवातील आणखी एक महत्त्वाचे आकर्षण म्हणजे सरयू नदीच्या तीरावर होणारी महाआरती. यंदा 2,147 सहभागींच्या उपस्थितीत ही महाआरती पार पडणार आहे. वैदिक मंत्रोच्चार आणि पारंपरिक विधींनी सरयू नदीचा किनारा भक्तिमय वातावरणाने भारावून जाणार आहे.(Grand Drone Show)

रामायणावर आधारित 22 चित्ररथ का आहेत विशेष जाणून घ्या?

यंदाच्या दीपोत्सवात रामायणातील सात कांडांवर आधारित 22 चित्ररथ काढण्यात येणार आहेत. यामध्ये रामरथ, रामदरबार आणि पुष्पक विमान यांसारख्या देखाव्यांचा समावेश आहे. तसेच पाच देशांतील कलाकार रामलीलेचे सादरीकरण करणार आहेत. दक्षिण आफ्रिका, श्रीलंका, नेपाळ, लाओस आणि थायलंडमधील कलाकार या सांस्कृतिक कार्यक्रमात सहभागी होणार आहेत.(Ayodhya Diwali Celebration)

अयोध्येतील दीपोत्सवाची सुरुवात

अयोध्येतील दीपोत्सवाची सुरुवात 2017 मध्ये झाली. प्रभू श्रीराम 14 वर्षांचा वनवास संपवून अयोध्येत परतले, तेव्हा त्यांच्या स्वागतासाठी अयोध्यावासीयांनी दिवे लावले होते, अशी धार्मिक मान्यता आहे. याच परंपरेचे स्मरण म्हणून अयोध्येत दरवर्षी दीपोत्सवाचे आयोजन केले जाते. यंदाचा दीपोत्सव केवळ धार्मिक कार्यक्रम नसून भारतीय संस्कृती, परंपरा आणि आधुनिक तंत्रज्ञानाचा सुंदर संगम ठरणार आहे.(Festival of Lights)