IND vs NZ: भारताविरुद्धच्या कसोटी मालिकेसाठी न्यूझीलंडचा संघ घोषित; दुखापतीतून सावरत 3 खेळाडूंचे पुनरागमन!
India vs New Zealand: भारत आणि न्यूझीलंड यांच्यात दोन सामन्यांची कसोटी मालिका होणार आहे. या मालिकेसाठी न्यूझीलंडचा संघ जाहीर करण्यात आला आहे. या संघात 14 जणांची नावं जाहीर करण्यात आली आहेत.
November 11, 2026 01:15 PM
IND vs NZ: भारताविरुद्धच्या कसोटी मालिकेसाठी न्यूझीलंडचा संघ घोषित; दुखापतीतून सावरत 3 खेळाडूंचे पुनरागमन! (Photo: @BLACKCAPS)
New Zealand Test Team vs India: वर्ल्ड टेस्ट चॅम्पियनशिप 2027 स्पर्धेच्या अंतिम फेरीत जागा मिळवण्याचं गणित किचकट झालं आहे. त्यामुळे भारत न्यूझीलंड दोन सामन्यांची कसोटी मालिका महत्त्वाची आहे. भारताला या दोन सामन्यांच्या कसोटी मालिकेत काहीही करून विजय मिळवायचा आहे. भारताने ही कसोटी मालिका गमावली तर मात्र कठीण होईल. अशा स्थितीत भारताविरुद्धच्या कसोटी मालिकेसाठी न्यूझीलंडने संघ जाहीर केला आहे. 19 नोव्हेंबरपासून सुरू होणाऱ्या कसोटी मालिकेसाठी 14 सदस्यीय संघाची घोषणा केली आहे. या संघाची धुरा टॉम लॅथमच्या हाती आहे. इतकंच काय तर या संघात तीन खेळाडूंचं पुनरागमन झालं आहे. इंग्लंड दौऱ्यावर कसोटी मालिकेसाठी गेलेला बहुतांश खेळाडू या संघात आहेत. दुसरीकडे, कसोटी संघात रचिन रवींद्र, टॉम ब्लंडल आणि डेवॉन कॉनवे यांचं दुखापतीनंतर पुनरागमन झालं आहे.
इंग्लंड दौऱ्यातील तीन खेळाडू आऊट
रचिन रवींद्रच्या खांद्याला दुखापत झाली होती. त्यामुळे गेल्या महिन्यांपासून मैदानापासून दूर होता. मात्र आता त्या दुखापतीतून सावरला असून संघात पुनरागमन झालं आहे. असंच काहीसं ब्लंडलच्या बाबती आहे. क्वाड्रिसेप्सच्या दुखापतीमुळे संघाच्या बाहेर होता, तर डेवॉन कॉनवे तिसऱ्या वनडे सामन्यापूर्वी सराव करताना कन्कशनचा बळी ठरला होता. पण संघाची निवड झाल्यानंतर या तिन्ही संघाचं पुनरागमन झालं आहे. त्यामुळे हे तिन्ही खेळाडू पहिल्या कसोटी सामन्यात खेळणार हे जवळपास निश्चित आहे. इंग्लंड दौऱ्यावर गेलेल्या न्यूझीलंड संघातील बहुतांश खेळाडू या संघा आहेत. फक्त या संघात जॅक फॉल्क्स, बेन सियर्स आणि विल ओ राउर्की नाहीत. या तिन्ही खेळाडूंना दुखापत असल्याने त्यांची निवड झालेली नाही. तर जेकब डफीला कसोटी संघात सहभागी केलं आहे.
भारत आणि न्यूझीलंड यांच्यातील पहिला कसोटी सामना वेलिंग्टनमध्ये होणार आहे. हा कसोटी सामना 19 ते 23 नोव्हेंबर दरम्यान असणार आहे. तर दुसरा कसोटी सामना 27 नोव्हेंबर ते 1 डिसेंबर दरम्यान क्राइस्टचर्च येथे होणार आहे. 2024 नंतर दोन्ही संघ कसोटी मालिका खेळणार आहे. 2024 मध्ये न्यूझीलंडचा संघ भारत दौऱ्यावर आला होता. तेव्हा न्यूझीलंडने भारताला तीन सामन्यांच्या कसोटी मालिकेत क्लिन स्वीप दिला होता. यामुळे भारताचं वर्ल्ड टेस्ट चॅम्पियनशिप अंतिम फेरी गाठण्याचं स्वप्न भंगलं होतं.
