मुंबई : महाराष्ट्रातील सोलापूर विमानतळावर गुरुवारी एक अत्यंत थरारक आणि धक्कादायक घटना घडली आहे. विमान चालवण्याचे प्रशिक्षण घेणाऱ्या एका लहान विमानाचे (ट्रेनिग एअरक्राफ्ट) धावपट्टीवर अचानक 'हार्ड लँडिंग' (अतिशय जोरदार आणि आपत्कालीन पद्धतीने खाली उतरणे) झाले. या तांत्रिक बिघाडामुळे हे विमान थेट धावपट्टीवरच अडकून पडल्याचे पाहायला मिळाले.
महिला प्रशिक्षणार्थीचे 'सोलो क्रॉस कंट्री' उड्डाण
मुंबई : गेल्या काही महिन्यांत दैनंदिन वापरातील अनेक महत्त्वाच्या वस्तूंच्या किमती वाढल्यामुळे सर्वसामान्य नागरिकांचे मासिक बजेट पूर्णपणे कोलमडले ...
मिळालेल्या माहितीनुसार, 'रेडबर्ड एव्हिएशन ट्रेनिंग अकादमी' (Redbird Aviation Training Academy) मध्ये पायलटचे प्रशिक्षण घेत असलेली एक महिला विद्यार्थी विमान चालवण्याचे शिक्षण घेत होती. यादरम्यान ती आपले 'सोलो क्रॉस कंट्री' (एकटीचे लांब पल्ल्याचे) उड्डाण करत होती. तिचे हे महत्त्वाचे उड्डाण सुरू असतानाच, विमान सोलापूर विमानतळाच्या धावपट्टीवर उतरत असताना तांत्रिक किंवा इतर काही कारणांमुळे त्याचे नियंत्रण सुटले आणि त्याचे हार्ड लँडिंग झाले. या अनपेक्षित प्रकारामुळे विमान धावपट्टीवरच अडकून पडले.
सुदैवाने कोणतीही जीवितहानी नाही
विमानाचे लँडिंग इतके जोरदार आणि अचानक झाले की ते धावपट्टीवर एका धोकादायक कोनात अडकले. मात्र, या भीषण घटनेत सुदैवाने कोणतीही जीवितहानी झाली नसल्याची माहिती 'रेडबर्ड एव्हिएशन ट्रेनिंग अकादमी'चे प्रतिनिधी करण मान यांनी दिली आहे. या अपघातात महिला पायलट वा इतर कोणालाही कोणतीही दुखापत झालेली नाही, ज्यामुळे एक मोठी दुर्घटना टळता टळली आहे.
घटनास्थळी तातडीने सुरक्षा आणि मदत यंत्रणा दाखल
या दुर्घटनेनंतरचा एक व्हिडिओ समोर आला आहे, ज्यामध्ये 'टेक्नाम पी मेंटोर' (Tecnam P Mentor) कंपनीचे हे प्रशिक्षणार्थी विमान धावपट्टीवर एका बाजूला झुकलेल्या स्थितीत अडकलेले स्पष्टपणे दिसत आहे. घटनेची माहिती मिळताच विमानतळ प्राधिकरणाने तातडीने पावले उचलली. सुरक्षेची खबरदारी म्हणून तातडीने सुरक्षा अधिकारी, वैद्यकीय पथक आणि अग्निशामक दलाचे जवान घटनास्थळी दाखल झाले. तिथे परिस्थितीचा आढावा घेण्यात आला असून, घटनास्थळी एक रुग्णवाहिका (अम्युलन्स) आणि एक अग्निशामक बंब (फायर इंजिन) देखील तैनात असल्याचे व्हिडिओमध्ये दिसून आले आहे.