मुंबई : मुंबईतील २६/११ दहशतवादी हल्ल्यात लक्ष्य करण्यात आलेल्या कुलाबा येथील नरिमन हाऊससह शहरातील काही संवेदनशील ठिकाणांची टेहळणी केल्याच्या आरोपावरून २० वर्षीय तरुणाला अटक करण्यात आली आहे. यश सिंग असे या तरुणाचे नाव असून, तो नवी मुंबईतील ऐरोली परिसरात राहणारा आहे. शनिवारी नवी मुंबईत ही कारवाई करण्यात आली. ( Mumbai terror attack)
पोलिसांच्या माहितीनुसार, सिंग परदेशातील सूत्रधारांच्या संपर्कात होता. त्याला मुंबईतील ज्यू नागरिक, परदेशी नागरिक आणि त्यांच्या व्यवसायांची माहिती गोळा करण्याचे काम देण्यात आले होते. यासाठी तो संबंधित व्यक्तींची छायाचित्रे, वाहनांचे तपशील आणि ठिकाणांची अचूक माहिती गोळा करून ती आपल्या संपर्कातील व्यक्तींना पाठवत असल्याचा आरोप आहे. ( Nariman House)
सोशल मीडियाच्या माध्यमातून आंतरराष्ट्रीय गुन्हेगारी नेटवर्कशी त्याचे संबंध असल्याची माहिती मिळाल्यानंतर नवी मुंबई दहशतवादविरोधी पथकाने (एटीएस) तपास सुरू केला. या तपासादरम्यान सिंगच्या कारवायांचा संबंध केरळमधील त्रिशूर येथे बेकायदेशीर कृत्ये (प्रतिबंध) कायद्यांतर्गत (यूएपीए) दाखल असलेल्या एका प्रकरणाशी असल्याचे समोर आले. त्यानंतर केरळ पोलिसांनाही या तपासात सहभागी करून घेण्यात आले.
एटीएसकडून माहिती मिळाल्यानंतर केरळ पोलिसांचे पथक नवी मुंबईत दाखल झाले. सिंगच्या कथित कारवायांची आणि केरळमधील प्रकरणाशी असलेल्या संबंधांची चौकशी केल्यानंतर त्याला अटक करण्यात आली.
🚨 BREAKING: MAJOR SECURITY ALERT IN MUMBAI
Maharashtra ATS has arrested 20-year-old Yash Singh for allegedly conducting reconnaissance of sensitive locations in Mumbai, including Nariman House, one of the targets of the 26/11 terror attacks. 🔴 Singh allegedly photographed Jewish-owned businesses, foreign nationals and sensitive locations across South Mumbai, while collecting vehicle details and precise location data. 🔴 Investigators suspect he was recruited through Telegram and other social media platforms by foreign handlers in exchange for money. 🔴 His alleged links to a Pakistan-based criminal network, including the Shahzad Bhatti network, are now under investigation. 🔴 Kerala Police have also taken him into custody in connection with a UAPA case registered in Thrissur. A deeply alarming security development. The alleged targeting of sensitive locations in Mumbai raises serious questions about cross-border networks and attempts to revive terror activities in India. — Megh Updates 🚨™ (@MeghUpdates) November 15, 2026
पोलिसांच्या आरोपानुसार, बेरोजगार आणि आर्थिक अडचणीत असलेल्या तरुणांना सोशल मीडियाच्या माध्यमातून लक्ष्य केले जात होते. टेलिग्राम, इन्स्टाग्राम आणि व्हॉट्सॲपसारख्या माध्यमांतून त्यांच्याशी संपर्क साधून संवेदनशील ठिकाणांची माहिती गोळा करण्याच्या बदल्यात पैशांचे आमिष दाखवले जात असल्याचा संशय आहे. या प्रकरणात पाकिस्तानी दहशतवादी शहजाद भट्टीशी संबंधित नेटवर्कचा सहभाग असल्याचाही पोलिसांचा दावा आहे.
नरिमन हाऊस हे मुंबईतील महत्त्वाचे ज्यू धार्मिक केंद्र आहे. नोव्हेंबर २००८ मध्ये झालेल्या २६/११ दहशतवादी हल्ल्यादरम्यान या इमारतीला दहशतवाद्यांनी लक्ष्य केले होते. या हल्ल्यात १६६ जणांचा मृत्यू झाला होता, तर सुमारे ३०० जण जखमी झाले होते. या प्रकरणाचा पुढील तपास सुरू आहे.
