
मुंबई : क्रिकेटचा देव म्हणून ओळखल्या जाणाऱ्या सचिन तेंडुलकर यांच्या क्रिकेट कारकिर्दीतील अविस्मरणीय आठवणींचा खजिना आता क्रिकेटप्रेमींना जवळून अनुभवता येणार आहे. वानखेडे स्टेडियमवरील एमसीए शरद पवार क्रिकेट संग्रहालयात 'बॅटोग्राफी' या ऐतिहासिक प्रदर्शनाचे अनावरण करण्यात आले. आपल्या आंतरराष्ट्रीय क्रिकेटमधील निवृत्तीच्या १३ व्या वर्षपूर्तीनिमित्त सचिन तेंडुलकर यांनी या प्रदर्शनाचे उद्घाटन केले. यावेळी त्यांनी स्वतःच्या बालपणीची पहिली बॅट हातात घेत जुन्या आठवणींना उजाळा दिला. या प्रदर्शनात त्यांच्या क्रिकेट प्रवासातील २६ ऐतिहासिक बॅट्स मांडण्यात आल्या आहेत.
या भावनिक आणि दिमाखदार सोहळ्याला सचिन तेंडुलकर यांच्या संपूर्ण कुटुंबाने उपस्थिती लावली. त्यांच्यासोबत पत्नी अंजली तेंडुलकर, मुलगी सारा तेंडुलकर, मुलगा अर्जुन तेंडुलकर आणि सून सानिया चंडोक उपस्थित होत्या. याशिवाय मुंबई क्रिकेट असोसिएशनचे पदाधिकारी आणि क्रिकेट जगतातील अनेक मान्यवरांनीही या कार्यक्रमाला हजेरी लावली. प्रदर्शनातील २६ ऐतिहासिक बॅट्सपैकी सचिन यांनी बालपणी वापरलेली आपली पहिली बॅट स्वतः हातात घेतली. हा क्षण उपस्थितांसाठी विशेष भावनिक ठरला.
भारताने पाच सामन्यांच्या वनडे मालिकेत भारताने न्यूझीलंडचा 3-1 ने धुव्वा उडवला. पाचव्या वनडे सामन्यात भारत जिंकेल की नाही अशी स्थिती होती. कारण भारताने ...
'बॅटोग्राफी' प्रदर्शनात केवळ ऐतिहासिक बॅट्सच नाहीत, तर सचिन यांच्या २४ वर्षांच्या आंतरराष्ट्रीय क्रिकेट कारकिर्दीतील अनेक दुर्मिळ वस्तूंचाही समावेश आहे. त्यांनी विविध ऐतिहासिक सामन्यांमध्ये वापरलेली हेल्मेट्स, जर्सी आणि स्वतःच्या हस्ताक्षरातील वैयक्तिक नोंदी येथे पाहायला मिळणार आहेत. प्रत्येक बॅटमागे एक वेगळा इतिहास, एखादा विक्रम किंवा संस्मरणीय खेळी दडलेली आहे. या सर्व आठवणी रंजक पद्धतीने प्रदर्शनात मांडण्यात आल्या आहेत.
विशेष म्हणजे, सचिन यांच्या बालपणीच्या पहिल्या बॅटपासून ते त्यांच्या आंतरराष्ट्रीय कारकिर्दीतील महत्त्वाच्या सामन्यांमध्ये वापरलेल्या बॅट्सपर्यंतचा प्रवास येथे उलगडणार आहे. त्यांच्या कारकिर्दीतील अखेरच्या कसोटी सामन्याशी संबंधित छायाचित्रे, निवृत्तीच्या वेळची विशेष नोट आणि भारतीय संघाकडून वापरलेले अखेरचे हेल्मेट यांचाही या प्रदर्शनात समावेश आहे. त्यामुळे क्रिकेटप्रेमींना सचिन यांच्या कारकिर्दीतील सुरुवातीपासून शेवटपर्यंतच्या अनेक आठवणी एकाच ठिकाणी अनुभवता येणार आहेत.
[caption id="attachment_1075866" align="aligncenter" width="800"] सूर्यकुमार यादव सध्या टीम इंडियाबाहेर आहे आणि संघात स्थान मिळवण्यासाठी धडपड करत आहे. असं असताना पुन्हा एकदा देशांतर्गत ...
क्रिकेट चाहत्यांसाठी आणखी एक महत्त्वाची बाब म्हणजे हे प्रदर्शन सर्वसामान्यांसाठी खुले होणार आहे. १७ ते २२ नोव्हेंबर २०२६ या कालावधीत मुंबईतील एमसीए शरद पवार क्रिकेट संग्रहालयात चाहत्यांना या प्रदर्शनाला भेट देता येईल. मात्र, या कालावधीत केवळ 'म्युझियम टूर' उपलब्ध असेल, याची नोंद घेण्याचे आवाहन एमसीएतर्फे करण्यात आले आहे. संग्रहालयाला भेट देण्यासाठी डिस्ट्रिक ॲपवर एमसीए संग्रहालयाची माहिती तपासता येईल. एकीकडे वानखेडे स्टेडियमवर अनेक ऐतिहासिक सामने रंगले, तर दुसरीकडे याच मैदानाशी जोडलेल्या सचिन तेंडुलकर यांच्या कारकिर्दीच्या आठवणी आता एका खास प्रदर्शनातून जिवंत होणार आहेत. त्यामुळे मास्टर ब्लास्टरचा हा ऐतिहासिक प्रवास जवळून अनुभवण्यासाठी क्रिकेटप्रेमींमध्ये उत्सुकता निर्माण झाली आहे.






