फेक कंटेंट, दिशाभूल करणाऱ्या जाहिरातींना आळा घाला! सोशल मीडिया कंपन्यांना अश्विनी वैष्णव यांचा इशारा

सोशल मीडियावरील दिशाभूल करणारा कंटेंट, बनावट जाहिराती आणि सायबर फसवणुकीच्या वाढत्या घटनांवर केंद्रीय माहिती व प्रसारण मंत्री अश्विनी वैष्णव यांनी चिंता व्यक्त केली आहे. सोशल मीडिया कंपन्यांनी केवळ स्व-नियमनावर अवलंबून न राहता नागरिकांच्या तक्रारींचे निवारण आणि कंटेंटच्या प्रभावी नियंत्रणासाठी जबाबदारी स्वीकारावी, असे आवाहन त्यांनी केले.

सोशल मीडिया अधिक जबाबदार करण्यासाठी आणि तक्रारींच्या निवारणासाठी प्रभावी यंत्रणा तयार करण्यासाठी समाजात सखोल विचारमंथन व्हावे, असे आवाहन सरकारने केले आहे. सोशल मीडिया समाजाला मजबूत बनवण्यात योगदान द्यावे, त्याला कमकुवत किंवा विभाजित करू नये, यासाठी नागरिक समाज, बुद्धिजीवी आणि डिजिटल प्लॅटफॉर्म चालकांनी एकत्र येऊन आराखडा तयार करावा, असे केंद्रीय माहिती व प्रसारण मंत्री अश्विनी वैष्णव यांनी सांगितले. राष्ट्रीय प्रेस दिनानिमित्त भारतीय प्रेस परिषदेने आकाशवाणी भवनात आयोजित केलेल्या कार्यक्रमात बोलताना वैष्णव म्हणाले, सोशल मीडियावर आज कोणाचीही स्पष्ट जबाबदारी नाही. प्लॅटफॉर्म त्यांच्या कम्युनिटी गाईडलाईन्स आणि धोरणांच्या आधारे स्वतःहून नियमन करतात. मात्र प्रश्न असा आहे की, ही व्यवस्था पुरेशी आहे का? नागरिकांच्या आवाजासाठी, तक्रार निवारणासाठी आणि त्यांच्या हितांच्या सुरक्षेसाठी केवळ स्व-नियमन पुरेसे आहे का?


सोशल मीडियावरील दिशाभूल करणाऱ्या जाहिराती, कृत्रिम पद्धतीने तयार केलेला बनावट कंटेंट आणि म्युच्युअल फंडसारख्या आर्थिक विषयांवरील दिशाभूल करणारा प्रचार ही गंभीर समस्या असल्याचे त्यांनी सांगितले. अर्थ मंत्रालयानेही अशी अनेक उदाहरणे दिली आहेत. अशा प्रकरणांमध्ये सोशल मीडिया कंपन्यांनी आपली जबाबदारी स्वीकारली पाहिजे. केवळ गाईडलाईन्स बनवून जबाबदारी संपत नाही, तर त्या नियमांचे प्रभावीपणे पालन होत आहे का, हेही तपासले पाहिजे.






डिजिटल अरेस्ट आणि सायबर फसवणुकीच्या प्रकरणांचा उल्लेख करताना वैष्णव म्हणाले, आज विशेषतः ज्येष्ठ नागरिकांना लक्ष्य करून त्यांच्या बँक खात्यांमधून पैसे लुटले जात आहेत. अशा घटनांमध्ये सोशल मीडिया प्लॅटफॉर्मचीही काही जबाबदारी असली पाहिजे. त्यांच्या प्लॅटफॉर्मवर कोणत्या प्रकारचा कंटेंट प्रसारित होत आहे आणि त्याचा वापर लोकांना फसवण्यासाठी तर होत नाही ना, याबाबत प्लॅटफॉर्मने सतर्क राहिले पाहिजे. नागरिकांना सक्षम करणे, त्यांना आपले मत मांडण्याची संधी देणे आणि तक्रारींच्या निवारणासाठी प्रभावी व्यासपीठ उपलब्ध करून देणे गरजेचे असल्याचे त्यांनी सांगितले.

Comments
Add Comment

Lokparampara Mahotsav: लोककलेच्या रंगाविष्काराने गिरगावात रंगला ‘लोकपरंपरा महोत्सव’!

मुंबई( सुहास शेलार): महाराष्ट्राच्या समृद्ध लोकपरंपरेचा, लोककलेचा आणि सांस्कृतिक वैभवाचा सुरेख आविष्कार

Ravi Dubey Ramayana : "माझा अजूनही विश्वास बसत नाहीये..."; 'रामायण'मधील लक्ष्मणच्या भूमिकेनंतर अभिनेता रवी दुबे भावुक!

मुंबई : नुकत्याच प्रदर्शित झालेल्या 'रामायण' या भव्य चित्रपटात प्रभू श्रीरामांचे लहान बंधू लक्ष्मण यांची भूमिका

Prince William Kulhad Chai : मुंबईच्या रस्त्यावर अवतरले 'शाही पाहुणे'! सचिन तेंडुलकरसोबत प्रिन्स विल्यम आणि केट मिडलटन यांनी घेतला 'कुल्हड चहा'चा आस्वाद;

चहावाला मनोज म्हणाला, "हा माझ्या आयुष्यातील सर्वात खास क्षण!" मुंबई : मुंबईतील बॅलार्ड इस्टेट परिसरात सोमवारी एक

Mumbai Diwali Crackers : मुंबईत फटाके फुटलेच!

सचिन धानजी मुंबईत दिवाळीत फटाके फुटलेच. लोकांनी न्यायालयाचे निर्देशाला न जुमानता फटाके फोडले. नागरिकांच्या

Prince William Sachin Tendulkar : ब्रिटीश शाही जोडपे प्रिन्स विल्यम आणि प्रिन्सेस कॅथरीन यांची मुंबईत सचिन तेंडुलकरसोबत 'गल्ली क्रिकेट'ची धमाल; शाळकरी मुलांसोबत रंगला सामना!

मुंबई : मुंबईच्या बॅलार्ड इस्टेट भागात सोमवारी सकाळी एक अतिशय सुंदर आणि न विसरता येण्यासारखा प्रसंग पाहायला

Prince William India Visit : प्रिन्स विल्यम आणि प्रिन्सेस कॅथरीन आज मुंबईत दाखल होणार; अर्थशॉट पुरस्कार सोहळ्यासाठी भारत दौरा

मुंबई : ब्रिटनचे प्रिन्स ऑफ वेल्स विल्यम आणि प्रिन्सेस ऑफ वेल्स कॅथरीन हे तीन दिवसीय भारत दौऱ्यासाठी आज मुंबईत