Mumbai to Sindhudurg Flight : अवघ्या 70 मिनिटांत मुंबई ते थेट सिंधुदुर्ग! कोकणवासीयांचा प्रवास होणार सुसाट, आजपासून विमानसेवा सुरू

पहिल्याच विमानप्रवासाचा अनुभव घेतलेल्या प्रवाशांनी आनंद व्यक्त केला. मात्र, ही सेवा नियमित सुरू राहावी आणि कोणत्याही कारणाने बंद पडू नये, अशी अपेक्षाही प्रवाशांनी व्यक्त केली आहे.

 Mumbai to Sindhudurg Flight : तळकोकणात जाणाऱ्या प्रवाशांसाठी आनंदाची बातमी आहे. नवी मुंबई ते सिंधुदुर्गमधील चिपी विमानतळादरम्यान आजपासून नियमित विमानसेवा सुरू होत आहे. फ्लाय 91 कंपनीकडून ही सेवा चालवली जाणार आहे. आतापर्यंत रस्ते किंवा रेल्वेने कोकणात जाण्यासाठी अनेक तासांचा प्रवास करावा लागत होता. मात्र, आता विमानाने हा प्रवास अवघ्या 1 तास 10 मिनिटांत पूर्ण करता येणार आहे.






या विमानसेवेमुळे कोकणवासीय, मुंबईत कामानिमित्त राहणारे चाकरमानी आणि पर्यटकांना मोठा दिलासा मिळणार आहे. पहिल्याच विमानप्रवासाचा अनुभव घेतलेल्या प्रवाशांनी आनंद व्यक्त केला. मात्र, ही सेवा नियमित सुरू राहावी आणि कोणत्याही कारणाने बंद पडू नये, अशी अपेक्षाही प्रवाशांनी व्यक्त केली आहे.

चिपी विमानतळासाठी महत्त्वाचे पाऊल


सिंधुदुर्गमधील चिपी विमानतळाचे उद्घाटन 9 ऑक्टोबर 2021 रोजी झाले होते. सुरुवातीला मुंबई-सिंधुदुर्ग मार्गावर अलायन्स एअरची विमानसेवा सुरू करण्यात आली होती. मात्र, ऑक्टोबर 2024 मध्ये ही सेवा बंद झाली. त्यानंतर फ्लाय 91 कंपनीकडून पुणे, बंगळुरू आणि हैदराबादसारख्या शहरांसाठी विमानसेवा सुरू करण्यात आली. आता नवी मुंबईशी थेट हवाई संपर्क सुरू झाल्यामुळे चिपी विमानतळाच्या वापराला आणखी चालना मिळण्याची अपेक्षा आहे.


नवी मुंबई-चिपी विमानसेवेचे वेळापत्रक आणि तिकीट दर



  • विमान कंपनी: फ्लाय 91

  • सेवा: आठवड्याचे सातही दिवस

  • नवी मुंबईहून उड्डाण: सकाळी 7.55 वाजता

  • चिपी विमानतळावर आगमन: सकाळी 9.05 वाजता

  • चिपीहून उड्डाण: सकाळी 9.25 वाजता

  • नवी मुंबईत आगमन: सकाळी 10.35 वाजता

  • प्रवासाचा कालावधी: 1 तास 10 मिनिटे

  • विमानाची प्रवासी क्षमता: 72

  • तिकीट दर: अंदाजे 3,500 ते 7,500 रुपये


तिकिटांचे दर प्रवासाची तारीख आणि मागणीनुसार बदलू शकतात.

पर्यटन आणि स्थानिक रोजगारालाही चालना मिळण्याची अपेक्षा


नवी मुंबई आणि सिंधुदुर्ग यांच्यातील थेट विमानसेवेमुळे कोकणात जाणाऱ्या चाकरमान्यांचा प्रवास अधिक सोयीचा होणार आहे. विशेषतः कमी वेळेत कोकणात पोहोचण्याची सुविधा मिळाल्याने पर्यटनालाही चालना मिळू शकते. पर्यटकांची संख्या वाढल्यास स्थानिक हॉटेल व्यवसाय, वाहतूक आणि इतर पर्यटनपूरक व्यवसायांनाही फायदा होण्याची अपेक्षा आहे.

 
Comments
Add Comment

भारताच्या पहिल्या सिंधुदुर्गातील अंडरवॉटर म्युझियम प्रकल्पाचा गौरव, ‘आयएनएस गुलदार’ला पुरस्कार

मुंबई: सिंधुदुर्ग जिल्ह्यातील सागरी पर्यटनाला वेगळ्या उंचीवर नेणाऱ्या पर्यटन विभागाचा सन्मान करण्यात आला आहे.

Uran Water Shortage: उरणकरांनो पाणी जपून वापरा! ऐन सणासुदीच्या दिवसांमध्ये नागरिकांवर पाणी कपातीचे संकट

उरण: उरण शहरामध्ये ऑक्टोबर महिन्याच्या शेवटच्या टप्प्यापासून पाणी कपात केली जाणार आहे. त्यामुळे उरण शहरातील

कोकणवासीयांनो, सावंतवाडी- मुंबई CSMT ट्रेनच्या वेळेमध्ये बदल; कधीपासून लागू होणार नवा टाइम टेबल?

मुंबई: कोकणवासीयांसाठी महत्त्वाची बातमी आहे. सावंतवाडी रोडवरून मुंबई सीएसएमटीकडे दररोज धावणाऱ्य

कोकणात 125 एकरात उभारणार फिल्म सिटी, सांस्कृतिक कार्यमंत्री आशिष शेलार यांच्याकडून कामाला वेग

कोकण: रत्नागिरी जिल्ह्यातील गुहागर तालुक्यातील पालशेत गावात शासकीय भूखंडावर चित्रपट निर्मिती आणि पर्यटनाला

Nitesh Rane News: सिंधुदुर्गमधील नुकसानीसाठी स्वतंत्र निकषांचा विचार करा- पालकमंत्री नितेश राणे यांची कृषिमंत्र्यांकडे मागणी

मुंबई: "सिंधुदुर्ग जिल्हा दुष्काळाच्या ट्रिगर-१ मध्ये येत असून, जिल्ह्यातील पिकांच्या नुकसानीचे तातडीने

Ganpati Special Train: गावी जाणाऱ्या गणेशभक्तांना रेल्वेकडून मोठा दिलासा, मुंबई- कोकण मार्गावर धावणार १२ विशेष गाड्या

मुंबई: गणेशोत्सवासाठी मुंबईहून कोकणामध्ये जाणाऱ्या प्रवाशांच्या दृष्टीने महत्त्वाची बातमी आहे. मध्य