ICC Schedule: क्रिकेट चाहत्यांसाठी मोठी पर्वणी! भारतात 9 ऑक्टोबरला रंगणार वर्ल्डकप; आयसीसीने केल्या 12 स्पर्धांच्या तारखा जाहीर
आयसीसी वनडे वर्ल्डकप स्पर्धा 2027 मध्ये होणार आहे. मात्र या स्पर्धेपूर्वी आयसीसीने 2028 ते 2035 दरम्यान होणाऱ्या पुरूष स्पर्धेचं वेळापत्रक जाहीर केलं आहे. यात दोन वनडे वर्ल्डकप, 4 टी20 वर्ल्डकप आणि 4 वर्ल्ड टेस्ट चॅम्पियनशिप स्पर्धांचा समावेश आहे.
November 16, 2026 07:08 PM
ICC Schedule: क्रिकेट चाहत्यांसाठी मोठी पर्वणी! भारतात 9 ऑक्टोबरला रंगणार वर्ल्डकप; आयसीसीने केल्या 12 स्पर्धांच्या तारखा जाहीर (Photo: ANI)
वनडे वर्ल्डकप 2027 स्पर्धेची वेळापत्रक जाहीर झालं असून अवघ्या काही महिन्यांचा अवधी शिल्लक आहे. यासाठी सहभागी असलेले सर्वच संघ जोरदार तयारी करत आहेत. दक्षिण अफ्रिकेतील वातावरणाचा अंदाज घेऊन वेगवान खेळपट्ट्यांवर जोरदार सराव सुरू आहे. असं असताना आयसीसीने क्रीडाप्रेमींना एक आनंदाची बातमी दिली आहे. आयसीसीने पुढच्या 12 स्पर्धांच्या तारखांची घोषणा केली आहे. आयसीसीने 2028 ते 2035 या कालावधीत म्हणजेच सात वर्षात होणाऱ्या पुरूष क्रिकेट वर्ल्डकप, चॅम्पियन्स ट्रॉफी आणि इतर स्पर्धांच्या तारखांची घोषणा केली आहे. इंडोनेशियाच्या बालीमध्ये काही दिवसांपूर्वी आयसीसीची बैठक पार पडली होती. या बैठकीत स्पर्धांच्या तारखेवर मोहोर लावली होती. यात 2028 मध्ये ऑस्ट्रेलिया न्यूझीलंडमध्ये होणारा टी20 वर्ल्डकपपासून 2035 होणाऱ्या वनडे वर्ल्डकपचा समावेश आहे. यात 2032 ते 2035 दरम्यान 2 टी20 वर्ल्डकप, 2 वर्ल्ड टेस्ट चॅम्पियनशिप आणि एक-एक चॅम्पियन्स ट्रॉफी आणि वर्ल्डकप स्पर्धेचं यजमान कोण असेल? याबाबतही घोषणा केली आहे.
भारतात कधी होणार वर्ल्डकप?
आयसीसीने 12 स्पर्धांची घोषणा केली असली तरी भारतात कोणत्या स्पर्धा होणार? याची उत्सुकता आहे. भारतात चॅम्पियन्स ट्रॉफी 2030 आणि वनडे वर्ल्डकप 2031 स्पर्धा होणार आहे. या दोन्ही स्पर्धा ऑक्टोबर आणि नोव्हेंबर दरम्यान होणार आहेत. चॅम्पियन्स ट्रॉफी 2030चं आयोजन 9 ऑक्टोबर ते 28 ऑक्टोबर दरम्यान होईल. वनडे वर्ल्डकप 2031 स्पर्धा 9 ऑक्टोबर ते 3 नोव्हेंबर दरम्यान होील. वनडे वर्ल्डकप स्पर्धेत भारतासोबत बांगलादेशकडे यजमानपद असेल.
वर्ष
स्पर्धा
यजमान
तारीख
2028
टी20 विश्वचषक
ऑस्ट्रेलिया आणि न्यूझीलंड
12 ऑक्टोबर – 12 नोव्हेंबर
2029
डब्ल्यूटीसी फायनल्स
इंग्लंड
8 ते 12 जून
2029
चॅम्पियन्स ट्रॉफी
भारत
9 ऑक्टोबर ते 28 ऑक्टोबर
2030
टी20 विश्वचषक
इंग्लंड, आयर्लंड, स्कॉटलंड
4 जुलै ते 4ऑगस्ट
2031
डब्ल्यूटीसी फायनल्स
इंग्लंड
जून
2031
एकदिवसीय विश्वचषक
भारत, बांगलादेश
9 ऑक्टोबर ते 23 नोव्हेंबर
2032
टी20 विश्वचषक
(अद्याप ठरलेले नाही)
ऑक्टोबर 14 नोव्हेंबर 14
2033
डब्ल्यूटीसी फायनल्स
(अद्याप ठरलेले नाही)
जून
2033
चॅम्पियन्स ट्रॉफी
(अद्याप ठरलेले नाही)
ऑक्टोबर
2034
टी20 विश्वचषक
(अद्याप ठरलेले नाही)
जुलै 6 ते ऑगस्ट 6
2035
डब्ल्यूटीसी फायनल्स
(अद्याप ठरलेले नाही)
7 जून ते 11 जून
2035
एकदिवसीय विश्वचषक
(अद्याप ठरलेले नाही)
2 ऑक्टोबर ते 18 नोव्हेंबर
आयसीसीचे मुख्य कार्यकारी संजोग गुप्ता म्हणाले की, "आयसीसीच्या स्पर्धा आणि कार्यक्रमांचा संच हा जागतिक क्रिकेट पायाभूत संरचनेचा एक महत्त्वाचा भाग आहे. ते खेळाला अधिक स्पर्धात्मक बनवतात आणि संपूर्ण क्रिकेट जगताला एक चांगली दिशा व संदर्भ प्रदान करतात." संजोग गुप्ता पुढे म्हणाले की, "खेळाडू आणि सदस्य देशांना या स्पर्धांविषयी सुयोग्य माहिती देण्याचे महत्त्व आम्ही जाणतो. यामुळे खेळाडूंचा विकास, उच्च-कार्यक्षमता कार्यक्रम आणि एक पद्धतशीर क्रिकेट वेळापत्रक यासाठी उत्तम योजना तयार करण्यास मदत होईल."