Nashik Crime : येवल्यात बंद घर फोडून 12 लाख 99 हजारांचा ऐवज लंपास ! 23 तोळे सोने, रोकड अन्...

नाशिक : येवला शहरातील कासार गल्ली परिसरात घरफोडीची मोठी घटना उघडकीस आली आहे. कुटुंबीय देवदर्शनासाठी बाहेरगावी गेल्याची संधी साधत अज्ञात चोरट्यांनी बंद घराचे कुलूप तोडून तब्बल 12 लाख 99 हजार रुपयांचा मुद्देमाल चोरून नेला. या घटनेत सोन्याचे दागिने, चार लाख रुपयांची रोकड, दुचाकी तसेच सीसीटीव्ही यंत्रणेचा डीव्हीआर चोरीला गेला आहे. या प्रकरणामुळे परिसरात खळबळ उडाली आहे.



नेमकं काय घडलं ?


मिळालेल्या माहितीनुसार, कासार गल्ली येथे राहणारे पुष्कराज पांडुरंग केवारे (वय 58) हे आपल्या कुटुंबासह जेजुरी येथे देवदर्शनासाठी गेले होते. घर बंद असल्याची संधी साधून चोरट्यांनी घराच्या दरवाजाचे कडी-कोंडणे तोडून आत प्रवेश केला. घरातील कपाटे उघडून मौल्यवान वस्तूंची शोधाशोध करत चोरट्यांनी सोन्याचे दागिने आणि रोख रक्कम लंपास केली. विशेष म्हणजे, चोरट्यांनी घरातील दुचाकी (एमएच 15 एलडी 5030) देखील चोरून नेली. याशिवाय घरातील सीसीटीव्ही कॅमेऱ्यांचा डीव्हीआरही सोबत नेल्याचे समोर आले आहे.






23 तोळे सोने आणि चार लाखांची रोकड चोरीला


14 नोव्हेंबर रोजी रात्री केवारे कुटुंबीय देवदर्शनावरून घरी परतले. त्यावेळी घरातील सामान अस्ताव्यस्त पडलेले आणि मौल्यवान वस्तू गायब असल्याचे त्यांच्या लक्षात आले. घरफोडी झाल्याचे स्पष्ट होताच त्यांनी पोलिसांना माहिती दिली. चोरीस गेलेल्या मुद्देमालामध्ये दोन तोळ्यांचा लक्ष्मीहार, सहा ग्रॅमचे सोन्याचे कानातील टॉप्स, दोन तोळ्यांचा सोन्याचा नेकलेस, पाच तोळे वजनाचे 11 जोड सोन्याचे टॉप्स, दहा तोळ्यांच्या दोन सोन्याच्या बांगड्या आणि एक तोळे वजनाच्या दोन सोन्याच्या अंगठ्यांचा समावेश आहे. यासह एकूण सुमारे 23 तोळे सोने, चार लाख रुपयांची रोकड, दुचाकी आणि सीसीटीव्हीचा डीव्हीआर असा एकूण 12 लाख 99 हजार रुपयांचा ऐवज चोरीला गेला आहे.



पोलिसांकडून तपास सुरू


घटनेची माहिती मिळताच येवला शहर पोलिसांनी घटनास्थळी धाव घेत पाहणी केली. तसेच चोरट्यांचा माग काढण्यासाठी हस्तरेषा तज्ज्ञांच्या पथकालाही पाचारण करण्यात आले. पुष्कराज केवारे यांच्या तक्रारीवरून येवला शहर पोलीस ठाण्यात भारतीय न्याय संहितेच्या कलम 331(4) आणि 305 अंतर्गत अज्ञात चोरट्यांविरोधात गुन्हा दाखल करण्यात आला आहे.


शहराच्या मध्यवर्ती भागात घडलेल्या या घरफोडीमुळे नागरिकांमध्ये भीतीचे वातावरण निर्माण झाले आहे. चोरट्यांचा शोध घेऊन चोरीला गेलेला मुद्देमाल हस्तगत करण्याचे आव्हान आता येवला पोलिसांसमोर आहे.

Comments
Add Comment

Maharashtra Weather : महाराष्ट्रात थंडीची चाहूल, दुपारी उन्हाचा चटका कायम; 19 नोव्हेंबरला विदर्भात पावसाची शक्यता

Maharashtra Weather News: महाराष्ट्रात सध्या हवामान

भारत-चेक प्रजासत्ताक संरक्षण संबंधांना नवी ताकद! लष्करप्रमुख जनरल धीरज सेठ 4 दिवसांच्या दौऱ्यावर

नवी दिल्ली : भारत आणि चेक प्रजासत्ताक यांच्यातील द्विपक्षीय संरक्षण सहकार्य अधिक मजबूत करण्याच्या दृष्टीने

शेतकऱ्यांनो, ई-केवायसी आणि फार्मर आयडी तातडीने पूर्ण करा! सरकारी मदत मिळवण्यासाठी महत्त्वाचे आवाहन

मुंबई : राज्यातील शेतकऱ्यांना केंद्र आणि राज्य सरकारच्या विविध कृषी योजनांसह अन्य शासकीय योजनांचा लाभ थेट

ENG vs AUS ODI : इंग्लंडचा ऑस्ट्रेलियावर 135 धावांनी दणदणीत विजय; दुसऱ्या वनडेत मालिकेत 1-1 अशी बरोबरी

ॲडलेड : टॉम बँटनचे शानदार शतक आणि गस ॲटकिन्सनच्या भेदक गोलंदाजीच्या जोरावर इंग्लंडने दुसऱ्या एकदिवसीय सामन्यात

U19 Asia Cup 2026 : शेवटच्या चेंडूवर पाकिस्तान OUT; गौतम गंभीरची पोस्ट चर्चेत

Gautam Gambhir Viral Post : भारत आणि पाकिस्तान यांच्यात खेळल्या गेलेल्या अंडर-19 आशिया कप 2026 च्या (U19 Asia Cup 2026) अत्यंत रोमांचक आणि

Health Benefits of Bajra: थंडीत बाजरी खाण्याचे फायदे तुम्हाला माहित आहेत का?

Health Benefits of Bajra: अलीकडेच मुंबईसह राज्यात थंडी पडायला सुरुवात झाले. त्यामुळे थंडीच्या दिवसांत आहारात अनेक बदल केले