भारतीय जवानांकडून कुलगाम हल्ल्याच्या सुत्रधाराचा खात्मा, सुरक्षा दलाच्या अधिकाऱ्यांनी दिली A टू Z माहिती

दक्षिण काश्मिरमधील कुलगाम जिल्ह्यामध्ये सुरक्षा दलाच्या जवानांकडून लष्कर-ए-तैयबाचा लष्कर कमांडर लतीफ भटचा एन्काऊंटर करण्यात आला आहे. अमानुष गोळीबार करत सुरक्षा दलाच्या जवानांनी खात्मा केलेला आहे.

मुंबई: जम्मु- काश्मीरमध्ये, सुरक्षा दलाच्या जवानांकडून दक्षिण काश्मिरमधील कुलगाम जिल्ह्यामध्ये लष्कर-ए-तैयबाचा लष्कर कमांडर लतीफ भटचा एन्काऊंटर करण्यात आला आहे. एका मस्जिदमध्ये लतीफ लपलेला होता, अमानुष गोळीबार करत सुरक्षा दलाच्या जवानांनी लतीफ भटचा खात्मा केलेला आहे. सुरक्षा दलाच्या अधिकाऱ्यांनी दिलेल्या माहितीनुसार, लतीफला सरेंडर होण्यासाठी अनेक संधी देण्यात आल्या, परंतु त्याने नकार दिला. त्यानंतर सुरक्षा दलांनी त्याला बाहेर काढण्यासाठी अश्रुधुराच्या नळकांड्या फेकल्या. मशिदीतून बाहेर येताच त्याच्यावर गोळी झाडण्यात आली.






लतीफ भटचा कसा खात्मा करण्यात आला याची माहिती कुलगामचे एसएसपी अनायत अली यांनी माध्यमांना मुलाखत देत माहिती दिली. सुरक्षा दलाच्या अधिकार्‍यांकडून लतीफ भटसोबत व्हिडिओ कॉलवर वैयक्तिकरित्या संवाद साधला आणि त्याला सरेंडर करण्यासाठी तयार केले. आत्मसमर्पण केल्यास तुझा जीव वाचेल, अशी सुद्धा त्यांनी माहिती दिली. पण तो सरेंडर करण्यासाठी तयारच नव्हता, लतीफने हा प्रस्ताव नाकारला. कारवाईदरम्यान, लतीफ म्हणाला की, "अल्लाहशिवाय माझ्यासोबत कोणीही नाही." एसएसपींच्या म्हणण्यानुसार, लतीफ मध्यरात्री, 02.45 च्या सुमारास मशिदीत घुसला आणि त्याने गोळीबार सुरू केला. त्यानंतर सुरक्षा दलांनी त्याला बाहेर काढण्यासाठी अश्रुधुराच्या नळकांड्या फेकल्या. सुरक्षा यंत्रणांनी धार्मिक स्थळाचे नुकसान होऊ नये याची अत्यंत काळजी घेतली आणि मशिदीच्या आत कोणतीही कारवाई केली नाही.


 


एसएसपी म्हणाले की, लतीफ भट 18 नोव्हेंबर 2025 रोजी लश्कर-ए-तैयबामध्ये सामील झाला. त्याला जम्मू- काश्मिरमधील, शांतता, पर्यटन आणि अर्थव्यवस्था विस्कळीत करण्यासाठीच्या दहशतवादी संघटनांकडून सुचना मिळत होत्या. त्या प्रकारे तो, काम करत होता. लतीफ भट हा कुलगाम दहशतवादी हल्ल्याचा सूत्रधार होता. 10 नोव्हेंबर 2026 रोजी, हल्ल्याच्या केवळ एक दिवस आधी, लश्करचा कमांडर लतीफ भट आणि दहशतवादी उमर निसार दार यांनी कुलगाम जिल्ह्यातील अनेक संवेदनशील भागांमध्ये रेकी केली होती. त्यांनी मीर बाजार, अखरान, हब्लिश आणि किलम यांसारख्या भागांमध्ये जाऊन रेकी करत सुरक्षा दलांच्या ठिकाणांना लक्ष्य करण्याच्या ठिकाणांची सविस्तर टेहळणी केली.






हा संपूर्ण कट स्थानिक सीसीटीव्ही कॅमेऱ्यांमध्ये कैद झाला होता. रेकीच्या दुसऱ्या दिवशी, म्हणजेच 11 नोव्हेंबर रोजी, दोन दहशतवाद्यांनी एका सुनियोजित हल्ल्यात अखरान भागातील सीआरपीएफच्या चौकीवर अचानक हल्ला केला. हल्ला केल्यानंतर ते तात्काळ घटनास्थळावरून पळून गेले. तपासाअंती सुरक्षा दलांनी या हल्ल्याचा सूत्रधार लतीफ भटची ओळख पटवून त्याच्याविरोधात मोहीम सुरू केली.

Comments
Add Comment

"जिवंत राहायचे असेल तर..." CRPF जवानांकडून लतीफ भटला सरेंडर होण्यासाठी अखेरचं अल्टीमेटम

मुंबई: दक्षिण जम्मू आणि काश्मीरमधील कुलगाम जिल्ह्यात सुरक्षा दल आणि दहशतवाद्यांमध्ये चकमक सुरू आहे. सुरक्षा

LashkarETaiba: कुलगाममध्ये पुन्हा चकमक! लष्कर-ए-तैयबाचा कमांडर लतीफ भट सुरक्षा दलांच्या रडारवर

दक्षिण काश्मीरच्या कुलगाम जिल्ह्यात सुरक्षा दल आणि दहशतवाद्यांमध्ये पुन्हा एकदा चकमक सुरू झाली आहे. परिसरात

महाराष्ट्रातील मतदारांसाठी मोठी बातमी! 22 डिसेंबरला अंतिम मतदार यादी; निवडणूक आयोगाने जाहीर केले नवे वेळापत्रक

मुंबई : महाराष्ट्रातील मतदार यादीच्या विशेष सखोल पुनरीक्षण प्रक्रियेसंदर्भात (SIR-2026) भारतीय निवडणूक आयोगाने

Junior Engineer Recruitment 2026: सरकारी संस्थेत नोकरीची संधी! ८० हजारांपर्यंत पगार; असा कराल अर्ज

देशातील प्रतिष्ठित अभियांत्रिकी संस्थांपैकी एक असलेल्या IIT दिल्ली येथे नोकरीची सुवर्णसंधी मिळणार आहे. कनिष्ठ

आंध्र प्रदेशावर तिसऱ्या चक्रीवादळाचे संकट; बंगालच्या उपसागरात नेमकं काय घडतंय?

बंगालच्या उपसागरात सध्या सुरू असलेल्या हवामान बदलांनी हवामान शास्त्रज्ञांचे लक्ष वेधून घेतले आहे. गेल्या काही

Rafale M88 engine ecosystem India: राफेल इंजिनसाठी भारताची तयारी! फ्रान्सच्या मदतीने देशातच उभारणार M88 इकोसिस्टम

भारत आणि फ्रान्स यांच्यातील संरक्षण सहकार्याला नवी दिशा मिळण्याची शक्यता आहे. राफेल लढाऊ विमानांना शक्ती