Maan Marathi Movie: आशुतोष गोवारीकरांची पहिली मराठी निर्मिती 'मान'; 4 जून 2027 रोजी चित्रपट रिलीज

काही दृश्यं शब्दांपेक्षाही अधिक प्रभावीपणे एखाद्या कथेची चाहूल देतात. भेगाळलेली जमीन, त्या जमिनीवरून एका दिशेने मार्गक्रमण करणाऱ्या शेकडो स्त्रिया आणि त्यांच्या पावलांमधून जाणवणारा संघर्षाचा प्रवास सांगणारा मान हा चित्रपट. झी स्टुडिओजच्या आगामी 'मान' या मराठी चित्रपटाची नुकताच घोषणा करण्यात आली आहे.

Maan Marathi Movie: काही दृश्यं शब्दांपेक्षाही अधिक प्रभावीपणे एखाद्या कथेची चाहूल देतात. भेगाळलेली जमीन, त्या जमिनीवरून एका दिशेने मार्गक्रमण करणाऱ्या शेकडो स्त्रिया आणि त्यांच्या पावलांमधून जाणवणारा संघर्षाचा प्रवास सांगणारा मान हा चित्रपट. झी स्टुडिओजच्या आगामी 'मान' या मराठी चित्रपटाची नुकताच घोषणा करण्यात आली आहे. चित्रपटाचे दिग्दर्शन रोहन मापुस्कर आणि भारतीय चित्रपटसृष्टीतील नामवंत निर्माते आशुतोष गोवारीकर यांची पहिली मराठी निर्मिती असलेल्या या चित्रपटाचे दिग्दर्शन करणार आहे.


या चित्रपटाच्या पोस्टरमधील दृश्य केवळ लक्षवेधी नसून त्यामागे एक अर्थपूर्ण मांडणी दडलेली आहे हे या पोस्टरमधून दिसते. यातून सामान्य स्त्रियांच्या आयुष्यातील कष्ट, जिद्द आणि परिस्थितीसमोर न झुकण्याची वृत्ती अधोरेखित होते. या स्त्रियांच्या जीवनाकडे आणि त्यांच्या एकत्रित ताकदीकडे पाहाण्याचा एक वेगळा दृष्टिकोन ‘मान’मधून प्रेक्षकांसमोर पाहायला मिळणार आहे. सध्या कलाकारांबाबत गोपनीयता असलेला हा चित्रपट 4 जून 2027 रोजी हा चित्रपट प्रेक्षकांच्या भेटीला येणार आहे.


या चित्रपटाचे आणखी एक वैशिष्ट्य म्हणजे, मराठी चित्रपटसृष्टीतील तीन महत्त्वाची नावं प्रथमच या निमित्ताने एकत्र आले आहेत. आशुतोष गोवारीकर यांची निर्माता म्हणून ही पहिलाच मराठी चित्रपट आहे. झी स्टुडिओजचा नेहमीच दर्जेदार तसेच आशयपूर्ण चित्रपटांची परंपरा जपणारेआणि संवेदनशील विषय उत्कृष्टरित्या मांडणारे दिग्दर्शक रोहन मापुस्कर यांच्यासोबत त्यांची ही पहिली निर्मिती आहे. त्यामुळे या तिघांच्या सहयोगातून मराठी चित्रपटसृष्टीला एक वेगळा आणि महत्त्वाकांक्षी चित्रपट मिळणार असल्याची अपेक्षा आहे.






निर्माते आशुतोष गोवारीकर काय म्हणाले?


चित्रपटाची निर्मिती करताना मला नेहमीच अशा कथांचा शोध असतो, ज्या मनोरंजनासोबतच विचार करायलाही भाग पाडतात. 'मान'ची संकल्पना माझ्यापर्यंत आली, तेव्हा त्यातील विषयाने आणि त्याच्या व्याप्तीने मला विशेष आकर्षित केले. मराठी भाषेशी आणि संस्कृतीशी माझं नातं कायमच जिव्हाळ्याचं राहिलं आहे. त्यामुळे निर्माता म्हणून माझ्या पहिल्या मराठी चित्रपटासाठी हा विषय निवडला जाणं माझ्यासाठी विशेष आनंदाची गोष्ट आहे. झी स्टुडिओजसारख्या अनुभवी टीमसोबत ही कथा मोठ्या पडद्यावर आणण्याचा अनुभव निश्चितच खास आहे, असे आशुतोष गोवारीकर म्हणाले.



दिग्दर्शक रोहन मापुस्कर काय म्हणाले?


अनेक स्त्रियांच्या जीवनप्रवासाचा आणि त्यांच्या भावविश्वाचा वेध घेणारा हा चित्रपट आहे. या विषयाकडे पाहाताना त्यातील प्रत्येक व्यक्तिरेखेचा प्रवास, तिची धडपड आणि जगण्यातील बारकावे प्रामाणिकपणे पडद्यावर आणणं माझ्यासाठी महत्त्वाचं आहे. या चित्रपटाची दृश्यात्मक मांडणीही तितकीच वेगळी आणि व्यापक असणार आहे. आशुतोष गोवारीकर यांच्यासारख्या दिग्गज निर्मात्यांचा अनुभव आणि झी स्टुडिओजची साथ मिळणं ही माझ्यासाठी मोठी संधी आहे, असे दिग्दर्शक रोहन मापुस्कर म्हणाले.


झी स्टुडिओज मराठीचे व्यवसाय प्रमुख बवेश जानवलेकर यांनी, ''मराठी चित्रपटांमधून वैविध्यपूर्ण विषय आणि सशक्त आशय प्रेक्षकांपर्यंत पोहोचवण्यावर आमचा नेहमीच भर असतो. 'मान' हे त्याच दिशेने टाकलेले एक महत्वपूर्ण पाऊल आहे. आशुतोष गोवारीकर यांच्यासोबत पहिल्यांदाच मराठी चित्रपटाची निर्मिती करणे, आमच्यासाठीही आनंदाचा क्षण आहे. रोहन मापुस्कर यांचा दृष्टिकोन आणि आशुतोषजींचा निर्मितीचा अनुभव यांची सांगड या चित्रपटाला एक वेगळी ओळख देईल, असा आम्हाला विश्वास आहे.’’, असे सांगितले.

Comments
Add Comment

Madhavi Nimkar viral video: कोकणच्या मातीशी जोडली नाळ! अभिनेत्री माधवी निमकर गावाकडच्या परंपरेत रमली; हाताने जमीन सारवतानाचा व्हिडीओ चर्चेत

आजच्या आधुनिक आणि धावपळीच्या जीवनात गावाकडच्या साध्या-सुध्या गोष्टींचा आनंद काही वेगळाच असतो. मातीचा सुगंध,

मराठी चित्रपटाला हवी प्रभावी 'ब्रँडिंग'ची जोड! 'चित्रपताका' महोत्सवात दिग्गजांचा मोलाचा सल्ला

मुंबई : मराठी चित्रपटसृष्टीत उत्तम कथा आणि प्रतिभावान कलाकारांची कमतरता नाही; परंतु त्यांना योग्य प्रसिद्धी आणि

CallMeBae2 OTT Release: अनन्या पांडेच्या ‘Call Me Bae 2’ची रिलीज डेट जाहीर! डिसेंबरमध्ये ओटीटीवर रंगणार नवा धमाका

बॉलिवूड अभिनेत्री अनन्या पांडे सध्या तिच्या आगामी प्रोजेक्टमुळे चर्चेत आली आहे. अनन्या पांडेच्या लोकप्रिय वेब

Marathi Serial Updates: झी मराठीवर या आठवड्यात मनोरंजनाचा तडका; पाहा मालिकांमध्ये काय घडणार?

Marathi Serial Updates: मनोरंजन विश्वात प्रेक्षकांना खिळवून ठेवणाऱ्या झी मराठीवरील मालिकांमध्ये सध्या अनेक मनोरंजक घडामोडी

Yavatmal Viral Boy: स्टायलिश लूक अन् रुबाबदार अंदाज! यवतमाळच्या रुद्रांशचा सोशल मीडियावर जलवा; व्हिडीओला 11 कोटी व्ह्यूज

सोशल मीडियाच्या जगात कोण कधी प्रसिद्ध होईल, याचा काही नेम नाही. दररोज हजारो व्हिडीओ इंटरनेटवर अपलोड होतात. मात्र,

Nirmal Singh Ji Maharaj: गुरुजींच्या महासत्संगात बॉलिवूड सेलिब्रिटी भावुक; भूमी पेडणेकर, हिमेश रेशमियांचे व्हिडिओ व्हायरल!

Nirmal Singh Ji Maharaj: अध्यात्मिक गुरू निर्मल सिंह जी महाराज (छतरपुर वाले गुरुजी) यांच्या महासत्संगातील बॉलिवूड