Marathi Serial Updates: झी मराठीवर या आठवड्यात मनोरंजनाचा तडका; पाहा मालिकांमध्ये काय घडणार?

Marathi Serial Updates: मनोरंजन विश्वात प्रेक्षकांना खिळवून ठेवणाऱ्या झी मराठीवरील मालिकांमध्ये सध्या अनेक मनोरंजक घडामोडी घडताना दिसत आहेत. गुरुकुलला मिळणारी नवी जागा, आनंदीचा परदेशात शिक्षणासाठी जाण्याचा निर्णय, राधिका आणि वेदांत यांच्यातील जवळीक, तर तारिणीसमोर उभे राहणारे नवे आव्हान अशा सर्व घडामोडींमुळे हा आठवडा प्रेक्षकांसाठी खास ठरणार आहे. नेमकं झी मराठीच्या मालिकांमध्ये या आठवड्यात काय घडणार आहे. जाणून घेऊया.

सावळ्याची जणू सावली


बालदिनानिमित्त अबीर आणि ओवी गुरुकुलमधील मुलांसोबत आनंदाने हा दिवस साजरा करतात. या आनंदाच्या वातावरणात सावली गुरुकुलसाठी नवीन जागा मिळवण्यात यशस्वी होते आणि सर्वांसाठी ही आनंदाची बातमी ठरते. तसेच नव्या जागेवरील गुरुकुलच्या पहिल्याच दिवशी वाडेकर एक मोठी खेळी खेळतात. ते गुरुकुलचा नवा मालक असल्याची घोषणा करून सर्वांनाच धक्का देतात. वाडेकरांच्या या निर्णयामुळे आता गुरुकुलसमोर कोणती नवी आव्हाने उभी राहणार, हे पाहणे महत्त्वाचे ठरणार आहे.



लक्ष्मी निवास


नात्यांचे नवे पदर या मालिकेत उलगडताना दिसणार आहेत. रमा पहिल्यांदाच सिद्धूला 'बाबा' म्हणून हाक मारते. तर दुसरीकडे, जयंत जान्हवीला न सांगता गुपचूप जानूला भेटायला जातो. पाडव्याला जान्हवी आणि भाऊबीजेला लक्ष्मी असे दोघींकडूनही दिग्विजयचे औक्षण केले जाणार आहे. याचदरम्यान, आनंदी परदेशात जाऊन उच्च शिक्षण घेण्याची इच्छा व्यक्त करते. मात्र, सिद्धू आणि भावना तिच्या या निर्णयाला विरोध करतात. त्यामुळे नाराज झालेली आनंदी घर सोडून लक्ष्मीकडे राहायला जाते. तिच्या या निर्णयामुळे सिद्धू आणि भावना यांच्यात मोठे भांडण होणार आहे. आनंदीच्या निर्णयामुळे कुटुंबातील नात्यांमध्ये कोणते नवे वळण येणार, याची उत्सुकता सगळ्यांचं लागली आहे.



धाकट्या सुनबाई


धाकट्या सुनेबाई मालिकेत पाणीदानाचा ट्रॅक सध्या महत्त्वाच्या वळणावर आहे. गावकऱ्यांना पाण्यासाठी करावा लागणारा संघर्ष आणि टँकरवरून निर्माण झालेला वाद यामुळे गावातील वातावरण तापले आहे. या सगळ्या घडामोडींदरम्यान राधिका आणि वेदांत यांच्यातील प्रेमळ, भावनिक आणि काही खट्याळ क्षणही पाहायला मिळणार आहेत. पाडव्याच्या निमित्ताने वेदांतच्या प्रोत्साहनामुळे राधिका पहिल्यांदाच सर्वांसमोर बासरी वाजवणार आहे. दुसरीकडे, गोदाक्का राधिकाच्या लग्नाची तयारी आणि जुळवाजुळव करण्यास सुरुवात करते. त्यामुळे राधिकाच्या आयुष्यात आता कोणती नवी आव्हाने येणार, हे पाहणे रंजक ठरेल.






कृष्णाईच्या लेकी


कृष्णाईच्या लेकी मध्ये कृष्णाई घरी परत आल्यानंतर तिला लक्ष्मीपूजन करण्याचा आग्रह केला जातो. पूजेदरम्यान अशक्तपणामुळे तिचे हात थरथरू लागतात. तेव्हा शंकर आणि गौरी तिचे हात घट्ट धरून तिला आधार देतात. तर दुसरीकडे, फराळ घेऊन गौरीला मातोश्रींच्या घरी पाठवले जाते. जिगीषाच्या सांगण्यावरून गौरीच्या पायांचे ठसे मातोश्रींच्या घरात उमटतात. शिवाय, भाऊबीजेच्या निमित्ताने इंदुराणी आपल्या पतीला कृष्णाईच्या दारात घेऊन येते आणि त्याचे औक्षण करते. यावेळी तिन्ही मुली आपल्या आईला पदव्या आणि आयुष्यात मिळवलेल्या यशाच्या रूपात अनोखी ओवाळणी देतात. आई आणि मुलींच्या नात्यातील हा भावनिक क्षण प्रेक्षकांना पाहायला मिळणार आहे.



कमळी


कमळी मालिकेत अन्नपूर्णा आजी घरात फॅमिली बोर्ड मीटिंग बोलावते. त्यामुळे घरातील वातावरणात उत्सुकतेसोबतच तणावही निर्माण होतो. दुसरीकडे, ऋषी बंडखोर वृत्तीने कमळीसोबत आपल्या कॉलेजच्या प्रोजेक्टवर काम करण्यास सुरुवात करतो. या निमित्ताने दोघांमधील जवळीक वाढू लागते. मात्र, ऋषी आणि कमळीला एकत्र पाहून नयनताराला मोठा धक्का बसतो. तिच्या मनात नाराजी आणि गैरसमज निर्माण होतात. त्यामुळे आता या तिघांच्या आयुष्यात कोणते नवे भावनिक वळण येणार, हे पाहणे महत्त्वाचे ठरणार आहे.



तारिणी


तारिणी मालिकेत भाऊबीजेच्या निमित्ताने एक मोठी घटना घडते. युवराज कौशिकीचा अपमान करतो. मात्र, केदारला हे सहन होत नाही आणि तो युवराजच्या कानाखाली लगावतो. दिवाळीनंतर कव्याच्या साखरपुड्याची तयारी सुरू असतानाच तारिणीसमोर एक नवे आव्हान उभे राहते. शाळेच्या बसमध्ये ओलीस ठेवलेल्या मुलांची सुटका करण्याची महत्त्वाची जबाबदारी तारिणीवर सोपवली जाते. दुसरीकडे, आता सीईओ झालेला दयानंद याच्या परवानगीने युवराज या घटनेचे अतिरंजित वार्तांकन करतो. त्यामुळे या प्रकरणात तारिणीला कोणत्या अडचणींचा सामना करावा लागणार आणि ती या मुलांची सुखरूप सुटका कशी करणार, हे पाहणे थरारक ठरणार आहे.


प्रत्येक मालिकेतील या नव्या वळणांमुळे पुढे काय घडणार, याची उत्सुकता नक्कीच वाढणार आहे.

Comments
Add Comment

Yavatmal Viral Boy: स्टायलिश लूक अन् रुबाबदार अंदाज! यवतमाळच्या रुद्रांशचा सोशल मीडियावर जलवा; व्हिडीओला 11 कोटी व्ह्यूज

सोशल मीडियाच्या जगात कोण कधी प्रसिद्ध होईल, याचा काही नेम नाही. दररोज हजारो व्हिडीओ इंटरनेटवर अपलोड होतात. मात्र,

Nirmal Singh Ji Maharaj: गुरुजींच्या महासत्संगात बॉलिवूड सेलिब्रिटी भावुक; भूमी पेडणेकर, हिमेश रेशमियांचे व्हिडिओ व्हायरल!

Nirmal Singh Ji Maharaj: अध्यात्मिक गुरू निर्मल सिंह जी महाराज (छतरपुर वाले गुरुजी) यांच्या महासत्संगातील बॉलिवूड

Yuvraj Singh Wife With Son And Daughter: युवराज सिंहची पत्नी हेजल कीचचा एअरपोर्टवर कूल लूक; दोन्ही मुलांनी चोरले चाहत्यांचे लक्ष, VIDEO व्हायरल

मनोरंजन विश्व आणि क्रिकेट विश्वातील लोकप्रिय जोडप्यांपैकी एक असलेले युवराज सिंह आणि हेजल कीच नेहमीच कोणत्या ना

Painjan Song: पैंजणाच्या नादात खुलणार प्रेमाची कहाणी; अक्षय वाघमारे-रुचिरा जाधवची नवी जोडी

Painjan Song: डोंगरदऱ्या, हिरवीगार शेतं आणि गावाकडचं सुंदर वातावरण, अशा निसर्गरम्य परिसरात फुलणारी प्रेमकहाणी सांगणारं

Soorya Movie Updates: सनी देओलच्या 'सूर्या' चित्रपटाला मोठा धक्का! प्रदर्शन लांबणीवर, 2027 मध्ये येणार प्रेक्षकांच्या भेटीला?

बॉलिवूड अभिनेता सनी देओल सध्या त्याच्या आगामी चित्रपटांमुळे चर्चेत आहे. 'गदर 2'च्या यशानंतर सनी देओलच्या

Jijai Movie: ‘जिजाई’चा ट्रेलर पाहून बॉलिवूडही भारावलं; 20 नोव्हेंबरला चित्रपट होणार प्रदर्शित

Jijai Movie: झी स्टुडिओजच्या आगामी ‘जिजाई’ या मराठी चित्रपटाचा ट्रेलर नुकताच प्रदर्शित झाला आहे. त्याला प्रेक्षकांचा