‘पादचारी प्रथम' : विलेपार्ले महात्मा गांधी मार्गावरील ६५० मीटर लांबीचा पदपथ झाला अडथळामुक्त

मुंबई महापालिकेच्या ‘पादचारी प्रथम’ अभियानांतर्गत विलेपार्ले पूर्व येथील महात्मा गांधी मार्गावरील ६५० मीटर लांबीचा पदपथ अतिक्रमणमुक्त करण्यात आला. या कारवाईत ८ बांधकामे निष्कासित करण्यात आली, तर ६ परवानाधारक स्टॉल्स हटवण्यात आले. त्यामुळे पादचाऱ्यांसाठी मार्ग अधिक सुरक्षित आणि मोकळा झाला आहे.

मुंबई ( विशेष प्रतिनिधी): पदपथांवर पादचाऱ्यांना सुलभपणे मार्गक्रमण करता यावे, यासाठी महानगरपालिकेच्या आयुक्त आश्विनी भिडे यांच्या मार्गदर्शनाखाली ‘पादचारी प्रथम’ अभियान राबविण्यात येत आहे. या अंतर्गत, पदपथ व रस्त्यांवरील अतिक्रमणे हटवून वाहतुकीसाठी आवश्यक मार्ग मोकळा करण्याच्या दृष्टीने महानगरपालिकेकडून विविध ठिकाणी निष्कासनाची कारवाई करण्यात येत आहे. या अनुषंगाने, के दक्षिण विभागातील विलेपार्ले पूर्व येथील महात्मा गांधी मार्ग हा अधिक पादचारी वर्दळ असलेल्या पाच प्राधान्यक्रमाच्या मार्गांपैकी एक म्हणून निवडण्यात आला आहे. या मार्गावरील सुमारे ६५० मीटर लांबीचा पदपथ १८ नोव्हेंबर २०२६ अडथळामुक्त करून पादचाऱ्यांसाठी पूर्ववत करण्यात आला आहे. ’पादचारी प्रथम ’ अभियानासाठी महानगरपालिका प्रशासनाकडून विविध उपाययोजना आणि हे अभियान मुंबईत मोठ्या स्वरूपात प्रभावी पध्दतीने राबविण्यात येत आहे. या अभियानाला नागरिकांचा मोठा सहभाग लाभत आहे. या अभियानाची सर्वत्र प्रशंसा केली जात आहे.






या अनुषंगाने, विलेपार्ले पूर्व परिसरातील महात्मा गांधी मार्गावर शाळा, जैन मंदिर, बिझनेस पार्क, चित्रपटगृह आणि महानगरपालिका उद्यान यांसारखी महत्त्वाची ठिकाणे असून, पूर्व-पश्चिम जोडणीच्या दृष्टीनेही हा मार्ग महत्त्वाचा आहे. त्यामुळे या परिसरात पादचाऱ्यांची मोठ्या प्रमाणात वर्दळ असते. या अनुषंगाने बुधवारी १८ नोव्हेंबर २०२६) ‘के दक्षिण’ विभागाच्या सहायक अभियंता (परिरक्षण) विभागामार्फत कायदेशीर प्रक्रिया पूर्ण करून पदपथावरील ८ बांधकामे निष्कासित करण्यात आली, तर ६ परवानाधारक स्टॉल्स हटविण्यात आले. या कारवाईमुळे सुमारे ६५० मीटर लांबीचा पदपथ पादचाऱ्यांसाठी मोकळा झाला आहे.






उप आयुक्त (परिमंडळ ३) विश्वास मोटे, के दक्षिण विभागाच्या सहायक आयुक्त वनिता कोकाटे यांच्या मार्गदर्शनाखाली ही कारवाई करण्यात आली. ‘पादचारी प्रथम’ अभियानांतर्गत निवडण्यात आलेल्या पाच प्राधान्यक्रमाच्या मार्गांपैकी महात्मा गांधी मार्गावरील पदपथ अडथळामुक्त करण्याची ही महत्त्वपूर्ण कार्यवाही असून, यामुळे परिसरातील पादचाऱ्यांची सुरक्षितता आणि ये-जा अधिक सुलभ होण्यास मदत होणार आहे.

Comments
Add Comment

Dahisar Demolition: दहिसर येथील पाटीलवाडी परिसरात रस्ता झाला मोकळा रुंदीकरणामुळे 19 बांधकामे हटवली

मुंबई  (विशेष प्रतिनिधी) : रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने

Khanna House Worli: वरळीतील खन्ना हाऊसच्या पुनर्विकास प्रस्तावाला सुधार समितीची मंजुरी

मुंबई (विशेष प्रतिनिधी): वरळीतील खन्ना कंस्ट्रक्शन हाऊस कमर्शियल प्रिमायसेस संस्थेच्या पुनर्विकास प्रस्तावाला

मुख्यमंत्र्यांच्या सूचना अन् महापालिका सभागृह भरले घड्याळाच्या काट्यावर; काल नेमकं BMC च्या सभागृहात काय घडलं

मुंबई (विशेष प्रतिनिधी): मुंबई महापालिकेचे सभागृह हे मागील काही महिन्यांपासून नियोजित वेळेत सुरु न करता एक ते

धारावीतील लोकमान्य टिळक महापालिका अखत्यारीत डायलिसिस सेंटरच्या खासगीकरणाला विरोध; सुधार समितीने प्रस्ताव फेटाळला

मुंबई (विशेष प्रतिनिधी) : धारावी येथील छोटा शीव रुग्णालयातील डायलिसीस केंद्राच्या खासगीकरणाचा प्रस्ताव सुधार

आरे कॉलनतील आदिवासी जनतेला घराजवळ आरोग्य सुविधा, आरे रुग्णालय ताब्यात घेण्याचा प्रस्ताव सुधार समितीत मंजूर

मुंबई (विशेष प्रतिनिधी): आरे कॉलनीतील आदिवासी जनतेसह स्थानिकांना आरोग्य सेवा आता मिळणार असून आरे रुग्णालय

Railway News : मुंबई ते सहरसादरम्यान 2 अतिरिक्त विशेष रेल्वे; 19 नोव्हेंबरला लोकमान्य टिळक टर्मिनसवरून सुटणार

मुंबई: सण-उत्सवांच्या काळात रेल्वे प्रवाशांची वाढती गर्दी लक्षात घेऊन मध्य रेल्वेने मुंबईतील लोकमान्य टिळक