ढोणीविरोधात याचिका दाखल

भारताच्या क्रिकेट संघाचा कर्णधार महेंद्रसिंग ढोणीविरोधात हिंदू देवतांच्या भावना दुखावल्याप्रकरणी स्थानिक न्यायालयात याचिका दाखल करण्यात आली आहे.

बंगळूरु– भारताच्या क्रिकेट संघाचा कर्णधार महेंद्रसिंग ढोणीविरोधात हिंदू देवतांच्या भावना दुखावल्याप्रकरणी येथील स्थानिक न्यायालयात याचिका दाखल करण्यात आली आहे. सामजिक कार्यकर्ते जयकुमार हिरेमथ यांनी ढोणीविरोधात याचिका दाखल केली आहे.

‘‘एका बिझनेस मॅगेझिनसाठी केलेल्या जाहिरातीत ढोणीने विष्णूचा अवतार घेतला आहे. मात्र त्यात त्याने हातात बूट घेऊन हिंदू देवतांचा अपमान केला आहे,’’ असे याचिकेत नमूद करण्यात आले आहे. त्याबाबतची पहिली सुनावणी १२ मे रोजी होणार आहे.