अव्वल सीडेड पी. व्ही. सिंधूने शनिवारी मलेशिया ग्रांप्रि गोल्डचे जेतेपद पटकवले.
जागतिक क्रमवारीत १३वे रॅँकिंग असणा-या सिंधूने तब्बल १७ ‘स्मॅश’चे फटके लगावताना वर्चस्व राखले. या उलट सिंगापूरच्या युआनला नऊच ‘स्मॅश’च लगावता आले. पहिल्या गेममध्ये सुरुवातीला चुरस दिसली. मात्र ७-७ अशा बरोबरीनंतर पुढील सलग सहा गुण जिंकत सिंधूने बाजी मारली.
दुस-या गेममध्येही १५-१५ बरोबरी पिछाडीवर असल्याने सिंधूला गेम गमवावा लागला. तिस-या गेममध्येही गू हिच्याकडे एकावेळी १३-७ अशी मोठी आघाडी असल्याने सिंधू हरणार, असे वाटत होते. मात्र निर्णायक क्षणी कोणतेही दडपण येऊ न देता सिंधूने १८-१८ बरोबरी साधताना आव्हान कायम ठेवले. त्यानंतर तीन गुण झटपट जिंकत जेतेपदावर शिक्कामोर्तब केले.
