जम्मू-काश्मीरच्या लडाख भागात गस्तीवर असणा-या जवानांवर हिमकडा कोसळल्याने चार जवानांचा मृत्यू झाला.
लडाखमधील दक्षिण ग्लेशियर भागात जवान गस्त घालत असताना बर्फाच्छदीत हिमकडा कोसळून चार जवानांचा मृत्यू झाला. या घटनेनंतर घटनास्थळी तात्काळ बचावकार्य सुरू करण्यात आले.
मात्र या जवानांना वाचवता आले नाही. या जवानांचे मृतदेह शवविच्छेदनासाठी हंडर रुग्णालयात पाठवण्यात आल्याची माहिती उधमपूरस्थित संरक्षण दलाचे प्रवक्ते एस. डी. गोस्वामी यांनी दिली.
