Waqf Bill in Rajya Sabha : वक्फ विधेयक लोकसभेत मंजूर, आज राज्यसभेत परीक्षा

नवी दिल्ली : संयुक्त संसदीय समितीने केलेल्या सूचना आणि सुचवलेल्या शिफारशी यांच्याआधारे केंद्र सरकारने वक्फ विधेयकाचा सुधारित मसुदा लोकसभेत बुधवार २ एप्रिल रोजी सादर केला. या मसुद्याला लोकसभेची मंजुरी मिळाली. आता विधेयक राज्यसभेत सादर होणार आहे. राज्यसभेत विधेयकावर आज म्हणजेच गुरुवार ३ एप्रिल २०२५ रोजी चर्चा होणार आहे. चर्चेअंती मतदान होईल. विधेयक राज्यसभेत मंजूर झाले तर राष्ट्रपतींकडे पाठवले जाईल. राष्ट्रपतींच्या स्वाक्षरीनंतर विधेयकाचे कायद्यात रुपांतर होणार आहे. लोकसभेत वक्फ विधेयक १२ तासांच्या चर्चेनंतर गुरुवारी मध्यरात्री मंजूर झाले. विधेयकाच्या बाजूने २८८ आणि विरोधात २३२ मते पडली. आता विधेयकावर गुरुवारी राज्यसभेत चर्चा होईल. चर्चेअंती मतदान होईल. विधेयक राज्यसभेत मंजूर झाले तर राष्ट्रपतींकडे पाठवले जाईल. राष्ट्रपतींच्या स्वाक्षरीनंतर विधेयकाचे कायद्यात रुपांतर होणार आहे. राज्यसभेत सत्ताधारी रालोआची स्थिती मजबूत आहे. भाजपासह रालोआतील प्रमुख पक्षांनी व्हिप बजावला आहे. यामुळे राज्यसभेत विधेयक मंजूर होणार हे निश्चित आहे. राज्यसभेतील एकूण खासदार - २३६ रालोआचे एकूण खासदार - ११५ भाजपाचे खासदार - ९८ नामनिर्देशित खासदार - ६ नामनिर्देशित खासदार सरकारच्या बाजूने राहण्याची शक्यता गृहित धरल्यास रालोआचे एकूण खासदार - १२१