नवी दिल्ली : नॅशनल पेमेंट कॉर्पोरेशन ऑफ इंडिया म्हणजेच NPCI ने नवीन नेट बँकिंग नियमांमध्ये बदल केले आहेत. आजपासून (१ फेब्रुवारी) हे नवीन नियम (Online payments) लागू होतील. हे बदल ऑक्टोबर २०२३ मध्ये जाहीर करण्यात आले होते. हा बदल IMPS म्हणजेच तात्काळ पेमेंट सेवेसाठी आहे. NPCI च्या परिपत्रकानुसार, ग्राहक लाभार्थी न जोडता सुमारे ५ लाख रुपये एका बँकेतून दुसऱ्या बँकेत हस्तांतरित करू शकतील. आजपासून हा नियम लागू होणार आहे.
नियामक मंडळाच्या सर्व सदस्यांना ३१ जानेवारीपर्यंत मोबाइल क्रमांक आणि बँकेतून आयएमपीएस करण्यासाठी नवीन नियम लागू करण्याच्या सूचना देण्यात आल्या आहेत. IMPS सेवेमध्ये 24x7 फंड ट्रान्सफर सुविधा उपलब्ध आहे. ही ऑनलाइन बँकिंग खाते निधी हस्तांतरण सुविधा आहे. या सुविधेमुळे युझर्स ५ लाख रुपयांपर्यंत IMPS करू शकतात. याचा अर्थ वापरकर्त्यांना निधी हस्तांतरित करण्यासाठी मोबाइल नंबर, बँक खाते, IFSC कोड यासारखे इतर तपशील देण्याची आवश्यकता नाही.
फंड ट्रान्सफर कसा कराल?
स्टेप 1: मोबाइल बँकिंग ॲपवर जा.
स्टेप 2: 'फंड ट्रान्सफर' विभागावर क्लिक करा.
स्टेप 3: फंड ट्रान्सफरसाठी 'IMPS' पर्याय निवडा.
स्टेप 4: पाठवणाऱ्याचा मोबाईल नंबर द्या आणि नंतर लाभार्थी बँकेचे नाव निवडा. विशेष म्हणजे, खाते क्रमांक किंवा IFSC टाकण्याची आवश्यकता नाही.
स्टेप 5: तुम्हाला ट्रान्सफर करायची असलेली रक्कम 5 लाख रुपयांच्या मर्यादेत नमूद करा.
पायरी 6: आवश्यक तपशील दिल्यानंतर, 'Confirm' वर क्लिक करा.
पायरी 7: वन-टाइम पासवर्ड (OTP) मिळाल्यानंतर व्यवहार पूर्ण करा.
आता तुम्ही IMPS द्वारे रु. 5 लाखांपर्यंत कोणत्याही अडथळ्याशिवाय ट्रान्सफर करू शकाल.मोबाईल नंबर, बँक खात्याचे नाव, खाते क्रमांक किंवा IFSC कोड यांसारखा संपूर्ण तपशी देण्याची आवश्यकता नाही. फक्त त्यांचा मोबाईल नंबर आणि बँकेचे नाव टाका, आणि पैसे त्यांच्या खात्यात त्वरित हस्तांतरित केले जातील. याआधी, पैसे पाठवण्यासाठी तुम्हाला एखाद्याचा पूर्ण पत्ता, खाते क्रमांक, IFSC कोड इत्यादी टाकावे लागायचे. आता त्यांना फक्त त्यांचा मोबाईल नंबर आणि बँकेचे नाव टाकावे लागेल आणि पैसे थेट त्यांच्या खात्यात पोहोचतील.