दररोज सरासरी ३०० कॉल्स सामान्य, ३-४ रॅगिंगच्या तक्रारी
पुणे : विद्यापीठ अनुदान आयोगाची अँटी-रॅगिंग हेल्पलाइन दररोज सुमारे ३०० कॉल्सची उत्तरे देते, त्यापैकी सरासरी तीन ते चार, रॅगिंगच्या तक्रारी येतात, ज्या गंभीर स्वरूपाच्या असू शकतात,अशी माहिती यूजीसीकडून कॉल्स हाताळणाऱ्या टीमने जमा केलेल्या डेटानुसार ही माहिती देण्यात आली आहे.
यूजीसी उच्च शिक्षण नियामक २४ तास ७ दिवस अँटी-रॅगिंग हेल्पलाइन (१८००-१८०-५५२२) चालवते. ही एक गोपनीय सेवा आहे. जी संपूर्ण भारतातील विद्यार्थ्यांना रॅगिंगच्या घटनांची तक्रार करण्यासाठी दिवसाच्या कोणत्याही वेळी मदत दिली जाते आणि त्यावर मार्गदर्शन मार्गदर्शन दिले जाते. यूजीसीच्या अँटी-रॅगिंग सेलच्या मते, दररोज सरासरी ३०० कॉल्स सामान्य असतात. ज्यात प्रतिज्ञापत्र दाखल करणे, डाउनलोड करणे, कागदपत्रांची पडताळणी, विद्यापीठ अनुदान फॉर्म आणि इतर हेल्पलाइनचे नियम आणि कार्यपद्धती असते. त्यापैकी दररोज सरासरी ३ ते ४ रॅगिंगच्या तक्रारी असतात. ज्या मानसिक, लैंगिक छळापासून ते शारीरिक शोषणापर्यंत या समस्यांशी संबंधित असतात.
यूजीसीचे अध्यक्ष प्रा. एम. जगदेश कुमार म्हणाले की, रॅगिंगच्या तक्रारिंमध्ये बहुतांश विद्यार्थी किंवा प्रतिनिधी तक्रार कशी नोंदवायची, तक्रारीची स्थिती आणि ट्रकिंग प्रक्रिया तपासतात तसेच अँटी-रॅगिंग समितीच्या अहवालाच्या स्वरूपावर मार्गदर्शन घेतात. हेल्पलाइनवर नोंदवल्या गेलेल्या बहुतेक रॅगिंग तक्रारींमध्ये नवीन विद्यार्थ्यांचा मानसिक छळ (अपशब्द, नाव, खोटे आरोप, शरीराची लाज आणि उपस्थिती किंवा ग्रेडशी संबंधित धमक्या) यासारख्या समस्यांचा समावेश होतो. शारीरिक शोषण (काही कॉलमध्ये मारहाणीसह शारीरिक हिंसाचाराचा अहवाल समाविष्ट असतो). सामाजिक बहिष्कार (अनावश्यक कामे करण्यास भाग पाडले जाणे किंवा सामाजिक कार्यक्रमातून वगळले जाणे) लैंगिक छळ, शारीरिक संपर्क, खंडणी (नवीन विद्यार्थ्यांकडून पैसे किंवा मौल्यवान वस्तूंची मागणी करणे, शाब्दीक शिवीगाळ (अपमान, अपमानास्पद भाषा आणि शाब्दीक आक्रमकतेचे इतर प्रकार अस्वीकार्य आहेत), (धूम्रपान, मद्यपान किंवा इतर पदार्थ वापरण्यासाठी दबाव आणणे), अशा तक्रारी नोंदवल्या जातात.