Srinivas Vanaga: ३६ तासांपासून बेपत्ता, ३ वाजता मध्यरात्री श्रीनिवास वनगा घरी परतले, पत्नीला म्हणाले...

पालघर : आपल्या पुनर्वसनाच्या चिंतेमुळे ३६ तासांपासून अज्ञातवासात असलेल्या श्रीनिवास वनगा (Srinivas Vanaga) यांचा कुटुंबीयांशी संपर्क झाला आहे . आमदार श्रीनिवास वनगा मध्यरात्री ३ वाजताच्या सुमारास हे आपल्या घरी येऊन पुन्हा माघारी गेल्याची माहिती त्यांच्या पत्नीकडून देण्यात आली आहे. मुख्यमंत्री एकनाथ शिंदे यांनी आपल्याला उमेदवारी दिली नसल्याने मी व्यथीत झालो आहे आणि त्यामुळे मला आरामाची गरज आहे, असं सांगून श्रीनिवास वनगा आपल्या काही मित्रांसोबत पुन्हा माघारी गेल्याची माहिती समोर आली आहे.


श्रीनिवास वनगा (Palghar Srinivas Vanaga) नॉट रिचेबल असलेले आता कुटुंबीयांच्या संपर्कात आल्याचं पाहायला मिळतंय. यामुळे कुटुंबियांची आणि पोलिसांची चिंता आता काहीशी कमी झाली आहे. मात्र श्रीनिवास वनगा घरी परतलेले आपल्या मित्रांसोबत परत कुठे गेले हे आपल्या पत्नीला देखील त्यांनी सांगितलेलं नाही. श्रीनिवास वनगा यांचं तिकीट नाकारल्याने नाराज झालेले श्रीनिवास आता यापुढे आपली राजकीय भूमिका काय घेतात हे येणाऱ्या काळातच स्पष्ट होऊ शकतं.




सर्वत्र श्रीनिवास वनगा यांचीच चर्चा


पालघर विधानसभेचे शिंदे गटाचे विद्यामान आमदार श्रीनिवास वनगा यांचे तिकीट कापून पालघरच्या विधानसभा मतदारसंघात राजेंद्र गावित (Rajendra Gavit) यांना उमेदवारी देण्यात आली. राजेंद्र गावित यांना उमेदवारी दिल्यानंतर श्रीनिवास वनगा खूप नाराज झाल्याचे दिसून आले. श्रीनिवास वनगा यांनी मुख्यमंत्री एकनाथ शिंदे यांच्या या निर्णयावर उघडपणे नाराजी देखील व्यक्त केली. ऐन विधानसभा निवडणुकीच्या रणधुमाळीत या सर्वप्रकरणानंतर राज्याच्या राजकारणात श्रीनिवास वनगा यांचीच सध्या जोरदार चर्चा रंगली आहे.



मुख्यमंत्री एकनाथ शिंदेंकडून आश्वासन


श्रीनिवास वनगा हे बेपत्ता झाल्यानंतर त्यांच्या पत्नीने आकांत केला होता. माझे पती डिप्रेशनमध्ये आहेत, त्यांनी अन्नपाणी सोडून दिलं आहे, असंही त्यांच्या पत्नीने म्हटले होते. यानंतर मुख्यमंत्री एकनाथ शिंदे आणि मंत्री शंभुराज देसाई यांनी वनगा यांच्या कुटुंबीयांशी संपर्क साधला होता. विधानपरिषदेवर श्रीनिवास वनगा यांना संधी देण्यात येईल, असे आश्वासन एकनाथ शिंदे यांनी वनगा यांच्या पत्नीला दिल्याचं समजत आहे. दरम्यान, श्रीनिवास वनगा आता उमेदवारी अर्ज भरण्याची मुदत संपल्यामुळे ही निवडणूक लढवणार नाहीत, ही बाब स्पष्ट झाली आहे.

Comments
Add Comment

भाजपचे राज्यसभा खासदार रामराव वडकुटे यांचं निधन; धनगर आरक्षणासाठी लढणारा नेता काळाच्या पडद्याआड

महाराष्ट्रातील भाजपचे राज्यसभा खासदार रामराव वडकुटे यांचं रविवारी (२२ नोव्हेंबर) निधन झालं. दिल्लीतील एम्स

Prahaar Marathi News Live, 22 November 2026: महाराष्ट्रासह देश-विदेशातील घडामोडी, एका क्लिकवर वाचा आजच्या घडामोडी!

Prahaar Marathi News Live दिनांक 22 नोव्हेंबर 2026 च्या लाईव्ह ब्लॉगमध्ये महाराष्ट्रातील राजकीय घडामोडी, स्थानिक बातम्या,

Shocking crime news Maharashtra: ज्याच्यासोबत बांधली लग्नगाठ, त्याच्याच हत्येचा कट! पत्नीच्या कृत्याने परिसर हादरला

लग्नाला अवघे सहा महिने झाले असतानाच एका तरुणाचा संसार दुर्दैवीरीत्या संपल्याची धक्कादायक घटना धाराशिव

Pune Camp 8 hotels license suspended : पुणेकरांनो सावधान! बाहेर खाताय ? कॅम्पमधील ८ प्रसिद्ध हॉटेल्सवर FDA ची मोठी कारवाई!

पुणे : पुणे शहरातील खवय्यांच्या आरोग्याची सुरक्षा सुनिश्चित करण्यासाठी अन्न व औषध प्रशासन (FDA) आणि महापालिकेने

10 जानेवारीपासून जनगणना 2027 ची स्वयं-गणना; महाराष्ट्रात 25 जानेवारीपासून घरोघरी सर्वेक्षण

जनगणना 2027 च्या दुसऱ्या टप्प्यातील लोकसंख्या गणनेचे काम अचूक, पारदर्शक आणि निर्धारित वेळेत पूर्ण करण्यासाठी

Sugar Price Hike : महागाईचा गोडवा कडू! सणासुदीशिवायच साखरेच्या दरात मोठी उसळी; जाणून घ्या प्रमुख शहरांतील ताजे दर

सर्वसामान्य नागरिकांच्या स्वयंपाकघराचे आर्थिक गणित पुन्हा एकदा बिघडवणारी बातमी समोर आली आहे. कोणताही सण-उत्सव