ट्रुडो सरकारमध्ये कार्यरत असलेले अर्थमंत्री डॉमिनिक लेब्लँक यांच्या नावाची संभाव्य पंतप्रधान म्हणून चर्चा होत आहे. या विषयावर योग्य वेळी प्रतिक्रिया देईन, असे सांगत लेब्लँक जास्त बोलणे टाळत आहेत.
जस्टिन ट्रुडो हे २०१३ पासून लिबरल पक्षाचे नेतृत्व करत आहेत. पण मागील काही वर्षात त्यांनी राबवलेल्या धोरणांमुळे देशात तसेच परदेशात त्यांच्या कारभाराविषयी नाराजी वाढू लागली आहे. पक्षांतर्गत ट्रुडो यांचे विरोधक सक्रीय झाले आहेत. ट्रुडो यांनी राजीनामा द्यावा, अशी मागणी लिबरल पक्षाचे अनेक नेते, पदाधिकारी आणि कार्यकर्ते करू लागले आहेत.
अलिकडे झालेल्या अनेक सर्व्हेनुसार ऑक्टोबर २०२५ मध्ये होणार असलेल्या निवडणुकीत ट्रुडो हेच चेहरा असतील तर लिबरल पक्षाचा पराभव अटळ आहे. हे सर्व्हे आल्यापासून ट्रुडो यांच्यावरील राजीनामा देण्यासाठीचा दबाव आणखी वाढू लागला आहे.