मुंबई : मुंबईच्या दादर परिसरातून धक्कादायक बातमी समोर आली आहे. दादर स्टेशनला उभ्या असलेल्या लांब पल्ल्याच्या गाडीत मृतदेह आढळला आहे. ही घटना रणकपूर एक्स्प्रेसमध्ये घडली आहे. ही एक्स्प्रेस राजस्थानमधून दादरला रवाना होते. या घटनेने दादर परिसर हादरून गेला आहे.
दादर स्थानकात उभ्या असलेल्या लांब पल्ल्याच्या रणकपूर एक्स्प्रेसच्या टॉयलेट मध्ये एक बेवारस मृतदेह आढळला. या व्यक्तीने टॉवेलच्या सहाय्याने गळा आवळून आत्महत्या केली असल्याचा पोलिसांचा संशय आहे. रणकपूर एक्स्प्रेस दादर स्टेशनवर उभी असताना आरपीएफकडून रेल्वेची तपासणी करण्यात आली. बराच वेळ टॉयलेटचा दरवाजा न उघडल्याने आरपीएफ जवानांनी एक्स्प्रेसच्या डब्ब्यातील टॉयलेटचा दरवाजा उघडण्याचा प्रयत्न केला.शेवटी दरवाजा तोडण्यात आला. यानंतर चक्क टॉयलेटमध्ये मृतदेह दिसला.
पोलीस या व्यक्तीबद्दल अधिकचा तपास करत असून या मृतदेहाच्या आजूबाजूला अद्यापही ओळखपटण्याजोगे कोणतेही पुरावे सापडले नाही आहेत.